यसैया 66:20 - Sunuwar Bible

²⁰ मिनु इन लोक्‍ब नेल्‍ल आन कली रागी रागी रे परमप्रभु यावे आ ङोंइती चढ़ेशो खोदेंशो पा यरूसलेमम चाक्‍नीम। मेकोपुकी शारा, बग्‍गी, कुरतीके, गधा नु दलओंठम ङोइक्‍पाइश्‍शा, आं योव़शो डांडाम चाक्‍चा पुंइसीनीम। दोपा इस्राएलीपुकीमी आन अन्‍न चढ़ेतीके सफा ग्‍योंबुम परमप्रभु यावे आ खिं चाक्‍नीमी, मोपा मेकोपुकीमी पाइनीम। यसैया ६०:३-७

यसैया 66:20 ပူးပေါင်းရင်းမြစ်များ

यसैया 11:9

आं डांडामी मारेइ श्‍येत नु खतम दुम्‍तीके मबाक्‍ब। मारदे हना दोदेंशो पा ब्‍वाक्‍कुम समुन्‍द्र ब्रीबा, मोदेंशो पा परमप्रभु यावे कली तुइक्‍तीकेम रागी नेल्‍ल ब्रीब।

यसैया 2:2

नोले ङा नाक्‍ती परमप्रभु यावे आ खिं सेल्‍शो डांडा, डांडा नेल्‍ल आन क्‍येङा लाइश्‍शो दुम्‍ब। पहाड नेल्‍ल आन क्‍येङा यो लाइश्‍शो दुम्‍ब। मिनु रागी रागी ङा मुर नेल्‍ले मेको डांडाम जाक्‍नीम। मीका ४:१-३; यसैया १९:२३; येरमीया ३:१७

यसैया 2:3

रागी रागी ङा शुश मुर जाक्‍शा “जाक्‍कीन, गोपुकी परमप्रभु यावे आ डांडा ङोइश्‍शा, याकूब आ परमप्रभु आ खिं लय। मेकोमी इं कली आ लां शेंब। मिनु गोपुकी मेको आ लांम गाक्‍नय। मारदे हना परमप्रभु यावे आ शेंशो सियोन डांडा रे नु आ लोव़ यरूसलेम रे नेंसीब” देंनीम। ब्‍यवस्‍था ४:६; यूहन्‍ना ४:२२

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

यसैया 52:11

ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

यसैया 54:3

मारदे हना गे शुश दुम्‍शा, ग्‍युरा पेरा गे ब्राइनीनी। मिनु इ चच युइमी रागी रागी ङा मुर आन कली हुकुम पाइनीम। मिनु मुर मबाक्‍तीके मुर शुश दुम्‍शा ब्रीनीम।

यसैया 56:5

गो मेको आन कली आं खिंमी नु आ गारोमी मिम्‍तीके नु ठेयब नें गेनुङमी। आं तमी तौ आन क्‍येङा मेको आन कली रिम्‍शो नें गेनुङमी। मेको आन कली गेना हना यो लीब नें गेनुङमी। मेको आन नें मख्रोंइसीब दुम्‍ब।

यसैया 56:7

मेको नेल्‍ल आन कली आं योव़शो डांडाम चाक्नुङमी। आं प्रार्थना पतीक खिं ओंइशा, ग्‍येरपाइक्‍नुङमी। मेको आन चोशा चढ़ेशो नु अरु चढ़ेशो आं कली चढ़ेतीकेम ब्राइनुङ। मारदे हना आं खिं रागी ङा मुर नेल्‍ल आन कली प्रार्थना पतीक खिं देंनीम” देंत। मर्कूस ११:१७

यसैया 65:11

तन्‍न गे परमप्रभु यावे कली प्रोंइबपुकी, आं योव़शो डांडा प्रेंबपुकी गाद देवता कली चढ़ेतीके सेल्‍नीनी। मिनु गे मेनी देवी कली ब्‍वाइश्‍शो तूतीके चढ़ेनीनी।

यसैया 65:25

मेना फर नु पाठा काथ काथा जोइनीसी। गुप्‍सम चहिं ब्‍यफोम खोदेंशो पा पराल ब्‍वाइब। बुस्‍सुम खप जाइब। आं योव़शो डांडामी मारेइमी मरिम्‍शो मपाइनीम” दे परमप्रभु यावेमी देंत। यसैया ११:६-९; उत्‍पत्ती ३:१४

दानीएल 11:45

मिनु मेकोमी ठेयब समुन्‍द्र नु नेल्‍ल क्‍येङा दारशो परमप्रभु आ सहर ङा डांडा आस दातेमी आ बाक्‍तीक ताम्‍बु की‍ब। मो पाप्‍तु हना यो, मेको बेक्‍ब। सुइमी मेको कली वारच मपाइनीम” दे स्‍वर्ग ङा गेय पाइबम देंत।

सेफन्‍याह 3:10

मिनु आं नें ठेयब सेल्‍ब एथीयोपीया ङा खोला आइक्‍ची हांम ङा ब्रशा बाक्‍शो आं मुरपुकीमी आं कली चढ़ेतीक थोव़क चाक्‍नीम। भजन संग्रह ६८:३२; यसैया १८:१; प्रेरित ८:२७

गन्‍ती 7:3

मेकोपुकीमी आन चढ़ेतीके परमप्रभु यावे आ ङोंइती चाक्‍तेक्‍म। मार चाक्‍तेक्‍म देंशा हना, ६ ओटा बग्‍गी, १२ ओटा ब्‍यफ, निक्‍शी थर ङा मुर आन ठेयब मुर आस कली बग्‍गी का बाक्‍त। मिनु ठेयब मुर का का पा ब्‍यफ का का चढ़ेचा कली चाक्‍तेक्‍म। मिनु मेकोपुकीमी ग्रुम्‍तीक ताम्‍बु आ ङोंइती वोइक्‍तेक्‍म।

गन्‍ती 7:62

मिनु १० शेकेल ङा धूपम ब्रीशो सुन के आइक्‍च बोस का,

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

फिलिप्‍पी 2:17

गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१