यसैया 66:2 - Sunuwar Bible

² मारेइ मारेइ आं सेल्‍शो मनमी ङा? मोपतीके मेको नेल्‍ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्‍येत जाइब नु आ थुं जिक्‍‍शो मुर आन कली कोव़नुङ।

यसैया 66:2 ပူးပေါင်းရင်းမြစ်များ

१ राजा 21:29

मार लोव़ पवा बाक्‍त देंशा हना “आहाब आं ङोंइती ब्रेम्‍शो दुम्‍शो तवी? मारदे हना मेको ब्रेम्‍शो दुम्‍तीके गो मेको आ पालाम ठेयब श्‍येत मदुम्‍पाइक्‍नुङ। तन्‍न मेको आ तौ आ पालाम मेको आ खिंम ठेयब श्‍येत चाक्‍नुङ” देंमाक्‍त। २राजा ९:२६

२ राजा 22:10

मिनु नोले मेको ब्रेक्‍ब शाफानमी पिप कली “चढ़ेब हिल्‍कीयाहम आं कली कागज का गेती” दे शेंदा बाक्‍त। मिनु नोले शाफानम मेको ठेयब सेंदा पा पढेशा पिप कली नेंपदा बाक्‍त।

२ राजा 22:11

मिनु पिपमी मेको कागज ङा लोव़ नेंशा, आ वा खाक्‍गा बाक्‍त।

एज्रा 10:3

मोपतीके मुल आंइ परमप्रभु नु कबल का पय। आ प्रभु नु परमप्रभु आ शेंतीक मान पा हिंशा टी‍ब आन देंशो खोदेंशो पा एको मीश मुर नु आन आल नेल्‍ल आन कली प्रोंइशा सोइक्‍चा कली लोव़ थोक्‍तय। मिनु परमप्रभु आ अरेशो लोव़म देंशो खोदेंशो पय।

एज्रा 9:4

मेको ग्‍याइश्‍शा लाइक्‍चा पुंइसीब आन मरिम्‍शो पतीके आ पर्बम इस्राएली आन परमप्रभु आ लोव़ कली मान पा हिंबपुकी आं बाक्‍तीकेम एर ओंथ बुक्‍तेक्‍म। मेकेर रे गो नाक्‍दो ङा चढ़ेतीक सम्‍म मारेइ लोव़ पने मचाप्‍थु, सिक्‍सी पा बाक्‍ती।

भजन संग्रह 119:120

गो इन कली मान पा हिंशा ख्रिंख्रि पाइ‍नुङ। मिनु गो इन निसाफ पतीक मिम्‍शा हिंनुङ।

भजन संग्रह 119:161

ठेयब मुरपुकीमी आं कली बित्‍चीम खेदा पाइनीमी। तन्‍न आं थुं इन लोव़ क्‍येङा हिंब।

भजन संग्रह 138:6

परमप्रभु यावे नेल्‍ल क्‍येङा ठेयब बाक्‍त हना यो, मेकोमी आइक्‍च मुर आन कली कोव़ब। तन्‍न ठेयब लेश्‍शो मुर आन क्‍येङा ङोन बाक्‍ब।

भजन संग्रह 34:18

परमप्रभु यावे थुं लुक्‍च लशो आन नेक्‍था बाक्‍ब। आन थुं बेक्‍शो आन कली प्रोंइब। भजन संग्रह ५१:१९

भजन संग्रह 51:17

परमप्रभु, गे मरिम्‍शो पशो आ पर्बम जिक्‍शो थुं नु ब्रेम्‍शो मुर आन थुं दाक्‍नीनी। भजन संग्रह ३४:३९

भजन संग्रह 51:19

मिनु नोले मुरपुकीमी ठीक पा चढ़ेनीम। मुरपुकीमी इन कली ग्‍येरपाइक्‍चा कली चोशा चढ़ेतीक नेल्‍ल चढ़ेनीम। मिनु इन कली ब्‍यफ चढ़ेनीम।

हितोपदेस 28:14

परमप्रभु यावे कली मान पा हिंब मुर गेना हना यो ग्‍येरशा बाक्‍चा ताइब। तन्‍न मरिम्‍शो थुं पाइश्‍शो मुर श्‍येत जाइनीम।

हितोपदेस 29:23

मुर आन ठेयब लेश्‍शोमी मेको कली आइक्‍च सेल्‍ब। ब्रेम्‍शो थुं पाइश्‍शो मुर चहिं मान ताइब।

यसैया 40:26

गेपुकी ग्‍येत्‍थ कोव़ङीन। मेको आन कली सुम सेला? मेकोमी शुश राप्‍पाइश्‍शा, मेको आन कली हिक्‍ब। मेको आन नें थिशा, ब्रेप्‍ब। मारदे हना मेको आ ठेयब सक्तिम पतीके का यो मजाम्‍नीम। भजन संग्रह १४७:४; उत्‍पत्ती १:१४-१८

यसैया 41:20

मुर नेल्‍लेमी परमप्रभु यावे आ पशो बाक्‍ब, दे तशा, तुइश्‍‍शा, मिम्‍शा रुप्‍चा माल्‍नीम। इस्राएली आन का ला बाक्‍शो परमप्रभुमी मोदेंशो सेल्‍तु” देंत।

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

यसैया 66:5

परमप्रभु यावे आ लोव़ क्‍येङा हिंशा, ख्रिंख्रि पाइबपुकीम “आं लोव़ नेनीन। इन लोक्‍बपुकीमी गेपुकी आं मुर दुम्तीके इन कली काइ मदाक्‍थु, तिल्‍नीम। मेकोपुकीमी ‘परमप्रभु यावे कली ठेयब सेलल। मिनु गो इन ग्‍येरशा बाक्‍शो तकल’ देंनीम। तन्‍न मेकोपुकी मुने दोक्‍नीम। लूका ६:२२

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

मीका 6:8

परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२

हबकुक 3:16

गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।

मत्ती 12:6

एकेर परमप्रभु यावे आ खिं क्‍येङा ठेयब मुर का बाक्‍ब, दे इन कली देंनुङ। ।

प्रेरित 7:50

सरीङ नु रागी नेल्‍ल आं सेल्‍शो ममाइ ङा?’ दे परमप्रभुमी देंमाक्‍त” दे लोव़ पवा बाक्‍त। यसैया ६६:१-२

प्रेरित 9:6

मुल छुल बोक्‍शा दमस्‍कस सहर लावो। मिनु मेकेर जाक्‍दीश्‍शा, गे मार गेय पचा माल्‍नेवे तुइक्‍पाइक्‍चा पुंइसीनेवे” देंशो लोव़ नेंना बाक्‍त।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

कलस्‍सी 1:17

मोपा मेको नेल्‍ल आन क्‍येङा ङोंइती ङा बाक्‍ब। मिनु नेल्‍ल आन कली बाक्‍चा गेब यो बाक्‍ब।