यसैया 65:9 - Sunuwar Bible

⁹ मिनु गो याकूब आ चच युइ रे जाक्‍पाइक्‍नुङ। मिनु यहूदा आ थर ङा आं डांडा ताइब मुर ग्रुंइनुङ। मेको आं योव़शो मुर आन के दुम्‍शा, आं गेय पाइब आन बाक्‍तीके दुम्‍ब।

यसैया 65:9 ပူးပေါင်းရင်းမြစ်များ

यसैया 27:6

मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।

यसैया 30:19

यरूसलेमम बाक्‍ब सियोन ङा मुरपुकी, गे लेंशा मङाक्‍नीनी। मेकोमी इन ब्रेश्‍शो नेंशा, इन कली थमा पा शिशी पाइब। इन लोव़ नेंशा, लोव़ लेप्‍ब। यसैया ६५:२४

यसैया 32:18

आं मुरपुकी थुं नाइश्‍शा, महिंथु बाक्‍तीकेम बाक्‍नीम। लडाइ मदुम्‍थु, रिम्‍शो बाक्‍तीकेमी सिक्‍सी पा बाक्‍नीम। येरमीया ३३:१६

यसैया 45:19

गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६

यसैया 45:25

इस्राएल आ चच युइ नेल्‍लेम ‘परमप्रभु यावेमी इं कली ठीक सेल्‍ब। गोपुकी आ मुर दुम्‍तय’ दे ग्‍येरसीनीम” देंत। येरमीया ९:२२-२३

यसैया 49:8

मिनु परमप्रभु यावेमी “शिशी पतीक नाक्‍त गो इ लोव़ नेंशा, लोव़ लेत्‍ताक्‍न। प्रोंइतीके नाक्‍त गो इ कली वारच पाता। गो इ कली कोव़शा, आं कबल ङा मुर सेल्‍ता। गो रागी लेंशा सेल्‍चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्‍थी ६:२; यसैया ४२:६

यसैया 57:13

गेपुकी श्‍येत जशा, थोनीनु, इन खुप्‍शो मूर्तिपुकीम इन कली प्रोन्‍मेक्‍ल। तन्‍न फशेमी मेको आन कली बेरपाइश्‍शा योल्‍ब। मुइश्‍शोमी मेको जाम्‍शा लाइनीम। तन्‍न सु सु आं गे जाक्‍शा पुंइसीनीमी, रागी मेको आन के दुम्‍ब। मिनु आं डांडा मेको आन के दुम्‍ब” देंत। भजन संग्रह ३७:९-११

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 65:15

आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्‍नन्‍नी। तन्‍न आं गेय पाइब आन कली नक नें वोइक्‍नुङमी। यसैया ६२:२

यसैया 65:22

आंम आन सेल्‍शो खिंमी अरु मबाक्‍नीम। आन ख्रुम्‍शो अङगुर अरुम मब्‍वाइनीम। आं मुरपुकी रवा खोदेंशो पा शुश बर्स ब्रोंइनीम। आं योव़शो मुरपुकीम आंम आन गुइ ङा गेय ग्‍येरशा जाइनीम। ब्‍यवस्‍था २८:३०; अय्‍युब १४:७

इजीकीएल 36:24

गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।

सेफन्‍याह 3:20

मेना गो इन कली खुप्‍शा चाक्‍नन्‍नी। मारदे हना गो इन कली रागी नेल्‍ल ङा मुर आन दातेमी ठेयब सेल्‍शा, मान ताइब सेल्‍नन्‍नी। मिनु गो नेल्‍ल आन तचा ङा पा इन कली ङोंइती खोदेंशो पा रिम्‍शो पा बाक्‍चा गेनन्‍नी” दे परमप्रभु यावेमी देंत। सेफन्‍याह २:७; येरमीया २९:१४

मत्ती 24:22

मोदेंशो श्‍येत जतीक नाक्‍त शुश नाक्‍त दुम्‍त हना, सुइ मब्रोंइनीम वा। तन्‍न आ योव़शो आन पर्बम परमप्रभु यावेमी मेको श्‍येत शुश नाक्‍त लीचा मगेब।

रोमी 11:28

मुल सम्‍म इस्राएलीपुकीमी ख्रीस्‍त परमप्रभु यावे आ सोइश्‍शो पाप रे प्रोंइब बाक्‍ब, दे थमा मसुइक्‍नीम। मोपतीके परमप्रभु यावे आ जोरी सत्रु दुम्‍तेक्‍म। आन थमा मसुइश्‍शोमी इन कली चहिं रिम्‍शो दुम्‍त। परमप्रभु यावेमी आन किकी पिपी आन पर्बम मेको आन कली योव़शा, दाक्‍ब।