यसैया 65:8 - Sunuwar Bible

⁸ मिनु परमप्रभु यावेमी “दोपा अङगुर आगाम रस बाक्‍बा, मिनु ‘मेको कली मताइक्‍चा, रस बाक्‍ब’ देंनीमी, मोपा मबिग्रेचा कली आ आगाम आसीक बाक्‍ब। गो मेको आं गेय पाइब आन पर्बम मोदेंशो पाइनुङ। यसैया ६:१३; उत्‍पत्ती १८:२६-३२

यसैया 65:8 ပူးပေါင်းရင်းမြစ်များ

उत्पत्ती 18:26

मिनु परमप्रभु यावेमी “सोदोम सहरम ५० जना ठीक पाइब मुर बाक्‍तेक्‍म हना, गो मेको आन पर्बम सहर मक्‍याम्‍नुङ” देंमाक्‍त। यसैया ६५:८; मत्ती २४:२२

यसैया 1:9

मुर नेल्‍ल आन परमप्रभु यावेमी “का निक्‍शी मुर महें‍शो हना, गेपुकी सोदोम नु गोमोररा खोदेंशो दुम्‍नी वा” देंत। उत्‍पत्ती १९:२४-२५; रोमी ९:२९

यसैया 10:21

मिनु का निक्‍शी याकूब आ मुरपुकी सक्ति पाइश्‍शो परमप्रभु गे लेत्‍नीम।

यसैया 10:22

इन इस्राएल ङा मुर समुन्‍द्र ङा बाल्‍वा खोदेंशो पा शुश बाक्‍तेक्‍म हना यो, का निक्‍शी ला लेत्‍नीम। अरु चहिं नेल्‍ल साइक्‍चा पुंइसीनीम। मिनु ठीक प‍तीक ठेयब दुम्‍ब। रोमी ९:२७

यसैया 48:9

आं नें आ पर्बम आं गाइक्‍तीके तेक्‍नुङ। आं कली ठेयब सेल्‍तीके, गो इन पर्बम आं गाइक्‍तीके तेक्‍नुङ। इन कली मसाइक्‍चा कली मो पाइनुङ।

यसैया 6:13

मिनु १० भागम भाग का मुर लीतेक्‍म हना, मेकोपुकी यो चोचा पुंइसीनीम। ठेयब नु बोल्‍यो रवा तिम्‍शा हना यो, आन ठुटा लीब। मेको लीशो ठुटा आं मुर, इस्राएल आ वांचेर बाक्‍नीम” देंत। आमोस ५:३; यसैया ७:३; यसैया १०:२०-२१

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

मत्ती 24:22

मोदेंशो श्‍येत जतीक नाक्‍त शुश नाक्‍त दुम्‍त हना, सुइ मब्रोंइनीम वा। तन्‍न आ योव़शो आन पर्बम परमप्रभु यावेमी मेको श्‍येत शुश नाक्‍त लीचा मगेब।

मर्कूस 13:20

प्रभुमी मोदेंशो श्‍येत जतीक नाक्‍त शुश वोइश्‍शो हना, सुइ ब्रोंइने मचाप्‍नीम। तन्‍न आ योव़शो आन पर्बम प्रभुमी मेको श्‍येत शुश नाक्‍ती लीचा मगेब।