यसैया 64:7 - Sunuwar Bible

⁷ मिनु इन नें थीब सुइ मबाक्‍नीमी। इन कली थिचा माल्‍ब सुइ मबाक्‍नीम। मारदे हना गे आंइ ङोंइती रे इन कुल ख्रुइक्‍ताक्‍नी। आंइ मरिम्‍शो पतीके मतेक्‍नी। यसैया ६३:१६; यसैया ४५:९; बिलाप ४:२; रोमी ९:२१

यसैया 64:7 ပူးပေါင်းရင်းမြစ်များ

अय्‍युब 10:9

गे आं कली खप के सेल्‍तीनी। मेको मिम्‍तीन। मिनु मुल फुरक सेल्‍नीनी? अय्‍युब ३३:६; उत्‍पत्ती २:७; उत्‍पत्ती ३:१९

अय्‍युब 8:4

इन तमी तौपुकीम मेको आ पर्बम पाप पाम्‍तेक्‍म। मोपतीके मेकोम मेको आन कली आन हेंथे पशो मोइक्‍ताक्‍व। अय्‍युब १:४-५

भजन संग्रह 100:3

परमप्रभु यावे का ला परमप्रभु बाक्‍ब, दे रुपीन। मेकोमी इं कली सेल्‍शो बाक्‍त, गो मेको आ मुर बाक्‍नय। गो मेको आ योव़तीक ङा भेडा बाक्‍नय। भजन संग्रह ९५:७

भजन संग्रह 14:4

मरिम्‍शो पाइबपुकीमी परमप्रभु यावे कली मतुइक्‍नीम। आ मुर आन कली शोब्‍ले जशो खोदेंशो पा नेक्‍नीम। मेकोपुकीमी परमप्रभु यावे कली यो मपुंइनीम। मीका ३:३

प्रस्‍थान 32:12

मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 27:5

मोदेंशो मदुम्‍त हना, मेको गो नु गारशा, आं कली वारच सेल्‍ब। आं कली वारच सेल्‍ब।

यसैया 45:9

आबी, सुमी आ कली सेल्‍ब कली दोस गेबा, मेको गर आ गम्‍टे का खोदेंशो बाक्‍ब। मार, खपीमी खप के ग्‍योंब सेल्‍ब कली ‘मार पवी?’ देंबा ङा? गेयमी गेय पाइब कली ‘मजोक्‍ब बाक्‍ते’ देंबा ङा? अय्‍युब ४०:२; यसैया २९:१६; येरमीया १८:६; रोमी ९:२०

यसैया 50:2

गो जाक्‍ङानु, मारदे सुइ मबाक्‍मा? गो ब्रेङङानु, मारदे सुइमी लोव़ मलेत्‍ता? आं गुइ इन कली पाप रे प्रोंइने मचाप्‍चा ङा दुम्‍शो बाक्‍मे? इन कली प्रोंइने चाप्‍तीक सक्ति गो नु मबाक्‍बा? गो हुइक्‍तुनु, समुन्‍द्र सोव़ब। खोलापुकी ब्‍वाक्‍कु मबाक्‍शो गोरशो रागी सेल्‍नुङ। ब्‍वाक्‍कु मबाक्‍तीके ङांइपुकी बेक्‍शा, राक्‍शा, रिना पाइनीम। यसैया ५९:१; गन्‍ती ११:२३; प्रस्‍थान १४:२१

यसैया 54:8

गो शुश गाइश्‍शा, याम का आं कुल इ ङोंइती रे ख्रुइक्‍ताक्‍ङ। तन्‍न आं गेना हना यो दाक्‍तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२

यसैया 56:4

मारदे हना परमप्रभु यावेमी “आल मथीब मुरुमी आं नाइक्‍तीक नाक्‍ती नाइश्‍शा, आं दाक्शो पाम्‍तेक्‍म नु आं कबल मप्रोंइथु बाक्‍तेक्‍म हना,

यसैया 57:17

मेको आन परमप्रभु यावे आ अरेशो मटि‍थु, शिं‍म दुम्‍तीके गाइक्‍ताक्‍ङ। गो मेको आन कली तुप्‍शा थाइश्‍शा गाइक्‍ताक्‍ङ। तन्‍न मेकोपुकी नोले शोंइसीशा आंम आन लां लाम्‍तेक्‍म।

यसैया 59:16

मिनु वारच पाइब सुइ मबाक्‍शो तशा, छक लाक्‍त। मोपतीके मेकोमी आंम आ सक्तिम ग्रात। आ ठीक पतीकेम आ कली वारच पाइक्‍तु। इजीकीएल १३:४-५

यसैया 59:2

इन मरिम्‍शो पतीकेमी इन कली इन परमप्रभु रे फ्राशो बाक्‍ब। इन पाप आ पर्बम इन ङोंइती रे आ कुल ख्रुइश्‍शो बाक्‍ब। मोपतीके इन लोव़ मनेंब।

यसैया 59:4

सुइमी ठीक निसाफ मपाइनीम। सुइमी ठीक निसाफ पाइक्‍चा मपुंइसीनी। गे जाम्‍शा लाइब कली थमा सुइश्‍शा, जोल पाइनीनी। मेकोपुकीम हेंथे पतीकेम ब्रीशा, मरिम्‍शो पतीके ला थीनीम। भजन संग्रह ७:१५

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

येरमीया 9:7

मोपतीके मुर नेल्‍ल आन परमप्रभु यावेम “गो मेको आन कली यपाइश्‍शा नाक्‍नुङमी। पाप पाइब आं मुर आन कली गो अरु मार पने चाप्‍नुङा ङा?

इजीकीएल 22:30

मिनु गो मेको आन दातेम गारो प्रोव़शा गेब नु रागी मक्‍याम्‍दुल, दे रागी आ पर्बम आं ङोंइती राप्‍ब मुर का माल्‍ता, तन्‍न मथिदु। इजीकीएल १३:५

इजीकीएल 24:11

मेको नोले मेको ग्‍योंब श्‍येत्‍थ सेल्‍शा मी तार कादीन। मिनु मेको होल। मिनु मेको आ तांबा लल दुम्‍ल। मेको आ आगा ङा ग्रांग्रा दिशो नु खिया यशा लल। मिनु मीम नेक्‍गल।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

होसे 7:7

मेको नेल्‍ले मी खोदेंशो पा ब्रशो बाक्‍नीम। मिनु आन सासन पाइब आन कली साइक्‍नीम। मेको आन पिप नेल्‍ल आन कली साइक्‍तेक्‍म। मिनु मेकेर ङा सुइमी यो आं कली मथोइनीम” देंत।

मलाकी 1:6

मिनु मुर नेल्‍ल आन परमप्रभु यावेमी आ नें आइक्‍च सेल्‍ब चढ़ेब आन कली “तौपुकीमी आन आफ कली मान पाइनीम। मिनु गेय पाइबपुकीमी आन होव़प कली यो मान पाइनीम। गो इन आफ नङ हना, मारदे आं कली मान मपाइनीनी? गो इन होव़प नङ हना, मारदे आं कली मान पा महिंनीनी?” देंत। मिनु गेपुकीमी “गो दोपा इन नें आइक्‍च सेल्‍का?” देंतीनी। प्रस्‍थान २०:१२

मलाकी 2:10

मार, गो नेल्‍ल इं आफ कान ममाइ ङा? मार, परमप्रभु कामीन इं कली मसेला ङा? मारदे गोपुकीमी कामी अर्को कली थमा मसुइक्‍थु, इं किकी पिपी आन कली गेशो कबल ख्रोइक्‍नया? मलाकी १:६; अय्‍युब ३१:१५; एफिसी ४:६