यसैया 64:5 - Sunuwar Bible

⁵ गे ग्‍येरशा ठीक पतीके मिम्‍शा पाइब आन कली वारच पाइब बाक्‍नीनी। मेको मुरपुकी इन लांम गाक्‍शा, इन कली मिम्‍ब बाक्‍नीम। गे आंइ पाप पशो आ पर्बम गाइक्‍ताक्‍नी। मारदे हना गे ख्रुंइसाक्‍नी। मिनु गो हेंथे गाक्‍तक।

यसैया 64:5 ပူးပေါင်းရင်းမြစ်များ

भजन संग्रह 103:17

तन्‍न परमप्रभु यावे आ गेना हना यो दाक्‍तीक आ कली मान पा हिंब नु गेना हना यो लीब। मिनु आ ठीक पतीके आन तौ चच आन पाला सम्‍म लीब। लूका १:५०

भजन संग्रह 112:1

परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्‍येरसीशो मुर बाक्‍ब। मेकोमी परमप्रभु आ शेंशो शुश दाक्‍ब। भजन संग्रह १:२; हितोपदेस २०:७

भजन संग्रह 25:10

परमप्रभु यावे आ कबल नु आ देंशो टीब नेल्‍ल परमप्रभु आ गेना हना यो दाक्‍तीके नु आ दाक्‍शा मप्रोंइतीकेमी ब्रीशो बाक्‍नीम।

भजन संग्रह 37:4

परमप्रभु यावे कली तुइश्‍शा, ग्‍येरसीने। मेकोमी इन थुंम पुंइशो गेब। भजन संग्रह २०:५

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

प्रस्‍थान 25:22

मिनु गो मेको सन्‍दोस सुम्‍तीके शिशी बाक्‍तीकेम गे नु ग्रुम्‍शा, लोव़ पाइनुङ। मेको सुम्‍तीके आ तारी मेको करूब निक्‍शी आस दाते रे गो इस्राएली आन कली मार मार अरेचा माल्‍नुङा, मेको गो इ कली देंनुङ। गन्‍ती ७:८९; २सामुएल ६:२

प्रस्‍थान 30:6

मिनु मेको परमप्रभु यावे आ अरेशो लोव़ वोइश्‍शो कबल पशो सन्‍दोस नु सुम्‍तीके फारतीक वा आ ङोंइती वोइक्‍चा माल्‍नेवे। गो मेकेर इ कली ग्रुम्‍नुङ। प्रस्‍थान २५:२१-२२

यसैया 1:30

गे सोव़शो रवा ङा सफा पाइश्‍शो नु ब्‍वाक्‍कु मतशो रू खोदेंशो दुम्‍नीनी।

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 26:13

आंइ परमप्रभु यावे अरु ठेयब मुरुम आंइ कली हुकुम पाम्‍तेक्‍म। तन्‍न गे का ला आंइ कली अरेब बाक्‍नीनी।

यसैया 27:8

ग्‍याइश्‍शा लाइक्‍चा पुंइसीशो रागी रे ग्रुंइशो मुर नु लडाइ पाइतीनी। परमप्रभुमी मेको आन कली मुइश्‍शा, पूर्ब ङा फश पवानु, ठेयब फश गिवारमी योल्‍पाइक्‍ब।

यसैया 63:10

तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।

यसैया 63:7

गो परमप्रभु यावे आ मुर आन कली शिशी पतीक गेय मिम्‍नुङ। मारदे हना मेको आ पर्बम परमप्रभु यावे कली ठेयब सेल्‍चा माल्‍नीकी। मिनु आंइ कली मार मार पशो आ पर्बम, इस्राएल आ खिं ङा मुर आन कली शुश दाक्‍ताक्‍व। मिनु मेको आन कली शिशी कोंइशा, गेना हना यो दाक्‍शो बाक्‍त। मोपतीके मेको कली ठेयब सेल्‍चा माल्‍नीकी।

दानीएल 9:5

गोपुकीमी पाप पशा, मरिम्‍शो पाइतक। मिनु इन अरेशो मटिथु नु इन कली गन गन पा, इन शेंशो नु निसाफ पतीके लोव़ प्रोंइतक।

होसे 11:8

एफ्राइम, गो इ कली दोपा प्रोंइने चाप्‍नुङा? इस्राएल, गो इ कली दोपा इ जोरी सत्रु आन गुइमी गेने चाप्‍नुङा ङा? गो इ कली दोपा अदमाह कली पाइश्‍शो खोदेंशो पाइनुङा ङा? गो इ कली दोपा सेबोयीम खोदेंशो सेल्‍नुङा ङा? मुल आं थुं फांइसाक्‍व। गो गाइक्‍चा रे लेश्‍शा, शिशी पाइब दुम्‍ती। ब्‍यवस्‍था २९:२२; येरमीया ३१:२०

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

जकरिया 3:3

यहोसु ग्रांग्रा दिशो लुम्‍सीशो वा फेक्‍शा, स्‍वर्ग ङा गेय पाइब आ ङोंइती राप्‍शो बाक्‍त।

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

प्रेरित 10:35

मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६

हिब्रू 4:16

मोपतीके इं कली मार मार माल्‍यानु, वारच पपांइसीशा, माफ नु शिशी तचा कली परमप्रभु यावे आ ङोंइती महिंथु, थुं बारपा जाक्‍दीय्‍य। रोमी ३:२५; रोमी ५:२