यसैया 64:2 - Sunuwar Bible

² मिनु दोपा मीम सोव़शो राशी जेप्‍बा, मिनु ब्‍वाक्‍कु ब्रुइक्‍पाइक्‍बा, मोपा इन जोरी सत्रु आन कली इन नें तुइक्‍पतीन। मिनु रागी रागी ङा मुर इन ङोंइती हिंशा ख्रिंख्रि पाइनीम।

यसैया 64:2 ပူးပေါင်းရင်းမြစ်များ

भजन संग्रह 106:8

मोदेंशो पाम्‍तेक्‍म हना यो, परमप्रभुमी आ नें आ पर्बम मेको आन कली श्‍येत रे प्रोंइशो बाक्‍त। मोदेंशो पा आ ठेयब सक्ति कोंइशो बाक्‍त।

भजन संग्रह 46:10

मेकोमी “सिक्‍सी पा बाक्‍कीन। गो परमप्रभु नङ, दे तुइक्‍तीन। गो रागी रागी ङा मुर आन दातेमी ठेयब दुम्‍नुङ। गो रागी नेल्‍लेमी नेल्‍ल क्‍येङा ठेयब दुम्‍नुङ” देंत।

भजन संग्रह 79:10

मारदे रागी रागी ङा मुरपुकीमी “मेको आन परमप्रभु ते बाक्‍म?” दे हिल्‍लो पाइनीमी। रागी रागी ङा मुरपुकीमी इन मुर आन कली आन ङोंइती साइश्‍शो आ क्‍येक्‍क लेप्‍ब, दे तुइक्‍तमेक्‍ल। भजन संग्रह ११५:२; योएल २:१७

भजन संग्रह 83:13

आं परमप्रभु, मेको आन कली फशेम योल्‍शो फुरक नु फशेम बेरपाइश्‍शो भूस खोदेंशो सेलीन।

भजन संग्रह 9:20

परमप्रभु यावे, मेको आन कली हिंपतीन। रागी रागी ङा मुरपुकीमी “गो मुर ला बाक्‍नय” दे तुइक्‍तमेक्‍ल। ठेयब सेंदा पा।

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

प्रस्‍थान 14:4

मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२

यसैया 28:21

मारदे हना परमप्रभु यावे पेराजीम डांडाम बोक्‍शो खोदेंशो पा बोक्‍ब। मेको गिबोन ङा बेंसीम गाइश्‍शो खोदेंशो पा गाइक्‍ब। मोपा मेकोम आ गेय पाइब। मेको आ गेय छक लाक्‍चा ङा बाक्‍ब। मिनु मरुप्‍चा ङा बाक्‍ब। २सामुएल ५:२०; १इतिहास १४:११; १इतिहास १४:१६

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 63:12

सुमी आ सक्ति पाइश्‍शो गुइ मोसा आ ग्‍युरा गे गाक्‍चा कली वोदा? सुमी आंम कली गेना हना यो आ नें लीपाइक्‍चा कली समुन्‍द्रम लां सेला? प्रस्‍थान १४:२९

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

आमोस 4:12

मोपतीके परमप्रभु यावेमी “ए इस्राएल ङा मुरपुकी, गो इन कली मार पाइ‍नुङ देंशा हना, गे इन परमप्रभु, आं कली ग्रुम्‍चा माल्‍नीनी।

मीका 1:4

मी आ नेक्‍था मयीन यशो खोदेंशो पा, लुक्‍च लतीकेमी ब्‍वाक्‍कु शाइश्‍शो खोदेंशो पा, मेको आ थेक्‍शो डांडापुकी याइनीम। मिनु दिंमपुकी ब्रोल्‍नीम।

जकरिया 14:4

मेको नाक्‍त आ खोइलीमी यरूसलेम आ ङोंइती पूर्ब गे बाक्‍शो जैतून डांडा कली थेक्‍ब। मिनु जैतून डांडा आ पूर्ब रे पच्‍छिम सम्‍म ठेयब पा जेप्‍ब। मिनु डांडा उइक्‍थ उत्तर गे नु उइक्‍थ दक्‍खिन गे दुम्‍शा बाक्‍ब। मिनु दातेमी ठेयब बेंसी का दुम्‍ब।

ब्‍यवस्‍था 2:25

मुलाक्‍त रे गो जात जात ङा मुर नेल्‍ल आन कली इन लोव़ नेंशा, इन क्‍येङा हिंशा, ख्रिंख्रि पाइब सेल्‍नुङमी’ देंत। प्रस्‍थान २३:२७