यसैया 64:10 - Sunuwar Bible

¹⁰ इन योव़शो सहरपुकी गोरशो रागी दुम्‍शो बाक्‍ब। सियोन यो गोरशो रागी दुम्‍शो बाक्‍ब। यरूसलेम मुर मबाक्‍तीके दुम्‍शो बाक्‍ब। भजन संग्रह २४:७

यसैया 64:10 ပူးပေါင်းရင်းမြစ်များ

२ राजा 25:9

मिनु मेकोमी परमप्रभु यावे आ खिं, पिप आ दरवार, यरूसलेम सहर ङा खिं नेल्‍ल नु ठेयब खिं नेल्‍ल मी सुइक्‍ता बाक्‍त।

१ इतिहास 23:5

मिनु ४ हजार लाप्‍चो खाल पाइब दुम्‍चा माल्‍नीम। मिनु नोले ङा ४ हजार आं गेशो बाजापुकी ताप्‍शा, परमप्रभु यावे कली ठेयब सेल्‍तीक कुम्‍सो पचा माल्‍नीम” देंमाक्‍त।

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 48:2

मेकोपुकी आंम आंमा ‘गोपुकी परमप्रभु आ योव़शो सहर ङा नकी’ देंनीम। इस्राएली आन परमप्रभु आ पर्बम मेकोम आंइ कली कोव़ब” दे मिम्‍नीनी। मेको आ नें मुर नेल्‍ल आन परमप्रभु यावे बाक्‍ब।

यसैया 52:1

मिनु परमप्रभुमी “बोक्‍को। सियोन बोक्‍को। सक्ति पाइश्‍शो दुमो। इ दारशो वा फेक्‍सो। यरूसलेम, गे परमप्रभु यावे आ सहर बाक्‍नेवे। मुल रे ख्रोइक्‍तीक चिनु मख्रोइश्‍शो नु ग्रांग्रा दिचा ङा मुर मेकेर ओव़ने मचाप्‍नीम।

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

यसैया 63:18

इन योव़शो मुरपुकी इच्‍का नाक्‍त सम्‍म ला एको रागीम बाक्‍चा ताम्‍तेक्‍म। तन्‍न मुल आंइ जोरी सत्रुमी इन योव़शो बाक्‍तीके खतम सेल्‍तेक्‍म। बजन संग्रह ७९:१

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

बिलाप 1:10

आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४

बिलाप 1:7

यरूसलेममी ठेयब श्‍येत जतीक नु सुर्ता पतीक नाक्‍ती जाक्‍चा क्‍येङा ङोंइती आंम के बाक्‍शो शोंप नेल्‍ल मिम्‍ब। मेको आ मुर आन जोरी सत्रु आन गुइमी गेचा पुंइसीची ना सुइमी मेको कली वारच मपाम। आ जोरी सत्रुम मेको आ श्‍येत तशा शुक्‍शी पाम्‍तेक्‍म।

बिलाप 5:18

सियोन डांडाम श्‍येत दुम्‍त। मेको सिवार आन बाक्‍तीके दुम्‍त।

दानीएल 12:7

मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

हाग्‍गै 2:3

‘इन दाते ङा सु सुमी परमप्रभु यावे आ ङोंइती ङा खिं आ दारस तनी? मुल एको खिं दोदेंशो तांइसीबा? मार, एको मदारशो तांइसीबा? दे हिल्‍लो पावो’ ” देंत। एज्रा ३:१२

लूका 21:21

मोपतीके यहूदीया रागीम बाक्‍बपुकी डांडा ग्‍येत्‍थ प्रोक्‍मल। सहरम बाक्‍बपुकी सहर प्रोंइशा प्रोक्‍मल। सहर एर ओंथ रू मेर बाक्‍बपुकी सहर मओव़मल।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५