यसैया 63:12 - Sunuwar Bible

¹² सुमी आ सक्ति पाइश्‍शो गुइ मोसा आ ग्‍युरा गे गाक्‍चा कली वोदा? सुमी आंम कली गेना हना यो आ नें लीपाइक्‍चा कली समुन्‍द्रम लां सेला? प्रस्‍थान १४:२९

यसैया 63:12 ပူးပေါင်းရင်းမြစ်များ

१ राजा 8:42

मेकोपुकीम इन ठेयब नें, इन ठेयब सक्ति नु इन वारच पतीके नेंशो बाक्‍तेक्‍म। मोदेंशो मुर जाक्‍शा, एको खिं गे कोव़शा पुंइतेक्‍म हना,

नेहेम्‍याह 9:10

मिनु गेमी पिप फाराओ आ गेय पाइब नु आ रागी ङा मुर नेल्‍ल आन ङोंइती चिन्‍ड नु छक लाक्‍चा ङा गेय पाइतीनी। मारदे हना मेकोपुकीमी आंइ किकी पिपी आन कली ठेयब लेश्‍शा, श्‍येत गेशो बाक्‍तेक्‍म, दे तुइक्‍ताक्‍नी। मोदेंशो पा इन नें ठेयब सेल्‍साक्‍नी। मुल सम्‍म मेको मोदेंशो बाक्‍ब। प्रस्‍थान १८:११

नेहेम्‍याह 9:11

मेको आन ङोंइती समुन्‍द्र कली चेश्‍शा लां का सेल्‍तीनी। मेकोपुकी सोव़शो खपीम गाक्‍शा, समुन्‍द्र शोक्‍साक्‍म। मेको खेदा पाइब आन कली चहिं ब्‍वाक्‍कुम ख्रुम्‍तीनी। फुल्‍लु ब्‍वारशा, ब्‍वाक्‍कुम ताइश्‍शो खोदेंशो पा ख्रुम्‍तीनी। प्रस्‍थान १४:२१; प्रस्‍थान १५:५,१०

भजन संग्रह 78:13

मेकोमी समुन्‍द्र कली फ्राशा, लां सेल्‍तु। मिनु मेको लां रे पा मेको आन कली आइक्‍ची हांबु शोक्‍ताक्‍मी। मेकोमी ब्‍वाक्‍कु कली गारो खोदेंशो पा एर ओंथ राप्‍पाइक्‍तु। प्रस्‍थान १४:२१-२२

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

प्रस्‍थान 15:13

गे इन ग्रुंइशो मुर आन कली गेना हना यो शिशी पा, लां कोंइताक्‍नी। मेको आन कली इन सक्तिमी इन आंम बाक्‍तीकेम खुल्‍तीनी।

प्रस्‍थान 15:16

परमप्रभु यावे, इजीप्‍त रागी रे इन ग्रुंइशो मुरपुकी मजाक्‍दीम्‍मा सम्‍म मेको आन जोरी सत्रु इन सक्ति ङा गेय तशा, हिंशा फुल्‍लु खोदेंशो पा सिक्‍सी पा बाक्‍तेक्‍म। मोपा हिंशा मेको आन थुं लुक्‍च लत।

प्रस्‍थान 15:6

परमप्रभु यावे, इन सक्ति ठेयब बाक्‍ब। इन सक्तिमी इन जोरी सत्रु आन कली थुम्‍पाइक्‍तीनी।

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

यसैया 11:15

मिनु परमप्रभु यावेमी इजीप्‍त ङा समुन्‍द्र ङा ब्‍वाक्‍कु नेल्‍ल सोव़पाइक्‍ब। मेकोमी युफ्रेटीस तारी यो आ गुइ क्‍युक्‍शा, मेको रे ७ ओटा खोला सेल्‍ब। मिनु मुरपुकी गाक्‍शा शोक्‍शा लाइनीम।

यसैया 43:16

मिनु परमप्रभु यावेमी “सुमी समुन्‍द्रमी लां का सेल्‍बा? सुमी ठेयब ब्‍वाक्‍कुमी गाक्‍तीक लां सेल्‍बा ङा? प्रस्‍थान १४:२२; यहोसु ३:१६

यसैया 44:27

गो शुश लुक्‍च लशो ब्‍वाक्‍कु सोव़पाइक्‍नुङ। गो इ खोला आन कली सोव़पाइक्‍नुङ। यहोसु ४:२३

यसैया 51:10

समुन्‍द्र सोव़पाइक्‍ब, गे मननी ङा? गे समुन्‍द्र कली चेश्‍शा आ पुंम लां मसेल्‍नी ङा? इन पाप रे प्रोंइशो, इन मुर आन कली शोक्‍पाइक्‍चा कली मोदेंशो पाइतीनी। प्रस्‍थान १४:२१-२२

यसैया 55:13

मिनु चू आन पा ङा सला रवा नु चूले आन पा ङा दारशो आइक्‍च फू रवा वानीम” देंत। मेको परमप्रभु यावे कली मिम्‍तीके नु गेना हना यो मजाम्‍थु, चिन्‍ड का दुम्‍शा बाक्‍ब। यसैया ४१:१९-२०

येरमीया 31:32

मेको कबल मेको आन किकी पिपी आन कली इजीप्‍त रे ग्रुंइची ना पशो कबल खोदेंशो ममाइ। गो मेको आन वोंइश खोदेंशो बाक्‍ती हना यो, मेकोपुकीमी मेको कबल मखबेम।

येरमीया 32:20

गे इजीप्‍त रागीमी चिन्‍ड नु छक लाक्‍चा ङा गेय कोंइताक्‍नी। मिनु मुल सम्‍म इस्राएल नु मुर नेल्‍ल आन दातेमी इन नें ठेयब सेल्‍तीनी।

येरमीया 32:21

गे इन मुर इस्राएली आन कली इजीप्‍त रे चिन्‍ड नु छक लाक्‍चा ङा गेय इन सक्ति नु बोल नु शुश हिंचा ङा श्‍येत कोंइशा ग्रुंइताक्‍नी।

रोमी 9:17

परमप्रभु यावेमी फाराओ कली “नेल्‍ल रागी ङा मुरपुकीमी आं सक्ति तशा, आं नें तुइक्‍तमेक्‍ल, दे इ कली वोइक्‍ता” देंशो बाक्‍त। प्रस्‍थान ९:१६

यहोसु 3:16

इर रे यिशो ब्‍वाक्‍कु तेक्‍साक्‍व। मेको गारो खोदेंशो दुम्‍शा, मुर आन लतीके लां रे ङोन बाक्‍त। मेको ते तेक्‍सीशो बाक्‍त देंशा हना, चारेथन आ नेक्‍था ङा आदम सहर माइश्‍शोमी तेक्‍सीशो बाक्‍त। मिनु इर रे यिशो दिंम ङा अराबाह समुन्‍द्र, मेको कली हिक्‍सी समुन्‍द्र यो देंनीम, यीब ब्‍वाक्‍कु तेक्‍सीशो बाक्‍त। प्रस्‍थान १४:२१-२२; भजन संग्रह ११४:३