यसैया 63:11 - Sunuwar Bible

¹¹ मिनु नोले मेकोपुकीमी साइ ङोंइती ङा नाक्‍ती मिम्‍ताक्‍म। मेको आ गेय पाइब मोसा आ पाला ना ङा नाक्‍ती मिम्‍ताक्‍म। मिनु मेकोपुकीमी “समुन्‍द्र रे पा गोठला नु आ बगाल ग्रुंइब ते बाक्‍म? मेको आन कली परमप्रभु यावे आ सोक्‍त वोइक्‍ब, ते बाक्‍मे? प्रस्‍थान २:५; गन्‍ती ११:१७

यसैया 63:11 ပူးပေါင်းရင်းမြစ်များ

नेहेम्‍याह 9:20

मिनु मेको आन कली शेंचा, दे इन रिम्‍शो पाइब सोक्‍त गेतीनी। मेको आन कली मन्‍ना शोब्‍ले गेचा मप्रोंइनी। मिनु मेको आन कली रूथ्री पा ब्‍वाक्‍कु तूचा गेतीनी। प्रस्‍थान १६:३५; प्रस्‍थान १७:६; गन्‍ती ११:१७-२५; भजन संग्रह ७८:१५-१६; भजन संग्रह ७८:२३-२४

भजन संग्रह 106:44

तन्‍न परमप्रभुमी मेको आन ङाक्‍शो नेंशा, आन श्‍येत जशो रे प्रोंइमी बाक्‍त।

भजन संग्रह 106:45

मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।

भजन संग्रह 106:9

मेकोमी लल समुन्‍द्र कली हुइक्‍तानु, सोव़शो बाक्‍त। मिनु मेको आन कली गोरशो रागी खोदेंशो पा, समुन्‍द्र ङा लां रे खुल्‍शो बाक्‍त।

भजन संग्रह 143:5

गो साइ ङोंइती ङा नाक्‍त मिम्‍नुङ। मिनु इन गेय नेल्‍ल मिम्‍ना मिम्‍न बाक्‍नुङ। इन गुइम पशो नेल्‍ल मिम्‍नुङ। भजन संग्रह ७७:६

भजन संग्रह 25:6

परमप्रभु यावे, इन शिशी नु गेना हना यो दाक्‍तीके कली मिम्‍तीन। मारदे हना मेको साइ ङोंइती रेन बाक्‍त।

भजन संग्रह 51:11

आं कली इन ङोंइती रे मखेरयीनी। इन सोक्‍त आं रे मलतीन।

भजन संग्रह 77:12

गो इन पशो नेल्‍ल मिम्‍स ङा मिम्‍स बाक्‍नुङ। साइ ङोंइती ङा इन छक लाक्‍चा ङा गेय आ पर्बम मिम्‍नुङ।

भजन संग्रह 77:20

मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता।

भजन संग्रह 78:52

मिनु नोले आ मुर आन कली भेडा खोदेंशो पा ग्रुंइताक्‍व। मिनु मेको आन कली भेडा आन हुल खोदेंशो पा गोरशो रागीमी लां कोंइशा गाक्‍पाइक्‍तीमी। भजन संग्रह ७७:२१

प्रस्‍थान 14:22

मिनु इस्राएलीपुकी समुन्‍द्र ङा सोव़शो लां लाम्‍तेक्‍म। समुन्‍द्र ङा ब्‍वाक्‍कु चहिं आन ग्‍युरा नु पेरा गे गारो खोदेंशो पा बाक्‍त। यहोसु ४:२३; २राजा २:८; यसैया ११:१५-१६; १कोरिन्‍थी १०:१; हिब्रू ११:२९

प्रस्‍थान 14:30

मोपा परमप्रभु यावेमी मेको नाक्‍ती इस्राएली आन कली इजीप्‍त रागी ङा लडाइ पाइब रे प्रोंइतीमी। मिनु इस्राएलीपुकीमी इजीप्‍त ङा मुर आन कली दिल दिल थिश्‍शा, समुन्‍द्र आ नेक्‍था बेक्‍शो ताम्‍तेक्‍म।

यसैया 43:16

मिनु परमप्रभु यावेमी “सुमी समुन्‍द्रमी लां का सेल्‍बा? सुमी ठेयब ब्‍वाक्‍कुमी गाक्‍तीक लां सेल्‍बा ङा? प्रस्‍थान १४:२२; यहोसु ३:१६

यसैया 63:10

तन्‍न मेकोपुकीमी काइ मटिथु, आ सोक्‍त कली थुं खाइक्‍पाइक्‍तेक्‍म। मोपतीके परमप्रभु यावे मेको आन जोरी सत्रु दुम्‍शा, आंमा मेकोपुकी नु लडाइ पाप्‍तु।

यसैया 63:15

सरीङ ङा इन छेङछेङ ङा बाक्‍तीके रे उइ कोव़ङीन। इन वारच पचा दाक्‍तीके नु इन सक्ति ते बाक्‍मे? इन थुं ङा आंइ कली दाक्‍तीके नु इन शिशी पतीके ते बाक्‍म? गो मेको मतक। ब्‍यवस्‍था २६:१५

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

दानीएल 4:8

मिनु नेल्‍ल क्‍येङा नोले दानीएल आं ङोंइती जाक्‍त। मेको आ नें आं देवता आ नें खोदेंशो पा बेल्‍त-शजर बाक्‍त। मिनु मेको आ आगाम नेल्‍ल क्‍येङा ठेयब देवता आ सोक्‍त बाक्‍त। मिनु मेको कली गो ङोमु का ताता” दे शोव़ता। दानीएल ५:११,१४

होसे 12:13

मिनु परमप्रभु यावेमी आ लोव़ पाइब आ पतीके इस्राएली आन कली इजीप्‍त रागी रे ग्रुंइताक्‍व। मिनु आ लोव़ पाइब रे पा मेको आन कली कोव़तु। प्रस्‍थान ३:१०

आमोस 9:11

परमप्रभु यावे, इन परमप्रभुमी “गो मेको नाक्‍त दाऊद आ ब्रेश्‍शो खिं आन कली लेंशा सेल्‍नुङ। मिनु मेको आ ब्रेश्‍शो गारो आ पोव़ला सुइ‍नुङ। मिनु मोपा नेल्‍ल साइ ङोंइती ङा खोदेंशो सेल्‍नुङ। १राजा १२:१९; प्रेरित १५:१६-१७

हाग्‍गै 2:5

गेपुकी इजीप्‍‍त रागी रे पा ग्रूशा पिनीनु, गेपुकी नु कबल का पाता। आं सोक्‍त गेपुकी नु बाक्‍ब, दे कबल पाता। मोपतीके महिनीन” दे मुर नेल्‍ल आन परमप्रभु यावेमी देंत। प्रस्‍थान १९:५; जकरिया ४:६

जकरिया 4:6

मिनु मेकोमी आं कली “एको परमप्रभु यावेमी जेरूब-बाबेल कली पशो लोव़ बाक्‍ब। ‘बोलम ममाइ, सक्तिमी यो ममाइ, तन्‍न आं सोक्‍तीमी पाइनुङ’ दे मुर नेल्‍ल आन परमप्रभु यावेमी देंत।

गन्‍ती 11:17

मिनु गो यिशा, गे नु लोव़ पाइनुङ। मिनु गो इ आगामी बाक्‍शो सोक्‍त रे लाइश्‍शा, मेको आन तारी वोइक्‍नुङ। मिनु मेकोपुकीमी गे नु गारशा, मेको मुर आन श्‍येत कुरनीम। मिनु गे का ला कुरचा ममाल्‍नेवे।

गन्‍ती 11:25

मिनु नोले परमप्रभु यावे गोस्‍सुमी उइ आगा तोइश्‍शा, मोसा नु लोव़ पाप्‍तु। मिनु मेकोमी मोसा आ आगा बाक्‍शो सोक्‍त इच्‍का लाइश्‍शा, मेको ७० जना खाल्‍पा आन तार वोइक्‍तु। मिनु मेको सोक्‍त मेको आन तार नांइसेनु, मेकोपुकीमी परमप्रभु यावे आ लोव़ पाम्‍तेक्‍म। तन्‍न नोनोले मो मपाम।

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

हिब्रू 13:20

नेल्‍ल क्‍येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्‍तु। दुशा बाक्‍चा गेब परमप्रभु यावेमी मेको कली बेक्‍शो रे सेंताक्‍व। यूहन्‍ना १०:११; १पत्रुस २:२५

न्‍यायाधीस 6:13

मिनु गिदोनमी मेको कली “हजुर, परमप्रभु यावे गोपुकी नु बाक्‍त हना, आंइ कली मारदे ओदेंशो दुम्‍मे? मिनु मेको आ छक लाक्‍चा ङा गेय नेल्‍ले ते बाक्‍नीमी? आंइ किकी पिपीपुकीमी ‘परमप्रभु यावेमी आंइ कली इजीप्‍त रागी रे ग्रुंइशा पिश्‍शो’ दे मदेंमा ङा? तन्‍न मुल परमप्रभु यावेमी आंइ कली प्रोंइतु। मिनु आंइ कली मिदयान ङा मुर आन गुइमी गेप्‍तु” देंमाक्‍त।