यसैया 62:8 - Sunuwar Bible

⁸ परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२

यसैया 62:8 ပူးပေါင်းရင်းမြစ်များ

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 45:23

गो आं नेंमी कसम जाता। गो ठीक लोव़ पाता। एको लोव़ मक्‍याम्‍सीब। मुर नेल्‍ले आं ङोंइती पोक्‍च थेक्‍चा माल्‍नीम। आं नेंमी कसम जचा माल्‍नीम। रोमी १४:११; फिलिप्‍पी २:१०-११

यसैया 54:9

मिनु लेंशा “मेको आं कली नोआह आ नाक्‍ती खोदेंशो बाक्‍ब। दोपा गो नोआह आ पाला ङा ब्‍वाक्‍कुम लेंशा रागी कली मसुम्‍ब, दे कसम जङा, मोपा गे नु मगाइक्‍नुङ, दे कसम जाता। मिनु गो इ कली महुइक्‍नुङ। उत्‍पत्ती ९:११-१७

यसैया 55:2

मारदे जचा मदुम्‍शो थोव़क कली क्‍येट थाप्‍नीनी? मारदे मरूपाइक्‍ब थोव़क कली इन चेम्‍शो क्‍येट थाप्‍नीनी? आं लोव़ नोफा दाइश्‍शा नेनीन। रिम्‍शो थोव़क जने। मिनु ब्रोव़शो जशा, ग्‍येरसीने।

यसैया 59:16

मिनु वारच पाइब सुइ मबाक्‍शो तशा, छक लाक्‍त। मोपतीके मेकोमी आंम आ सक्तिम ग्रात। आ ठीक पतीकेम आ कली वारच पाइक्‍तु। इजीकीएल १३:४-५

येरमीया 31:5

गे सामरीया ङा डांडा मेर लेंशा अङगुर ख्रुम्‍नेवे। मेको रू ङा गेय पाइबपुकीम ख्रुम्‍नीम। मिनु मेको आ फल जशा ग्‍येरसीनीम।

येरमीया 5:17

मेकोपुकीमी इन खुप्‍शो अन्‍न नु जचा थोव़क नेल्‍ल नेक्‍नीम। मिनु इन तमी तौ नेल्‍ल आन कली यो लाइक्‍नीम। मेकोपुकीमी इन क्‍यारश भेडा नु बी ब्‍यफ नेल्‍ल नेक्‍नीम। मेकोपुकीमी इन अङगुर नु फोव़शी नेल्‍ल नेक्‍नीम। मिनु इन थमा सुइश्‍शो बोल्‍यो गारो हिरशो सहर नेल्‍ल तरवारम क्‍याम्‍नीम।

इजीकीएल 20:5

गो इस्राएल कली योव़ङु नाक्‍ती याकूब आ खिं ङा आ चच युइ नु कसम जाता। इजीप्‍त रागीमी गो मेको आन दातेम तुइक्‍पांइसाक्‍यी। मेको आन कली गो परमप्रभु यावे, इन परमप्रभु नङ, दे कसम जाता। प्रस्‍थान ६:७-८

लेवी 26:16

गो इन कली मार पाइनुङ देंशा हना, गो इन दातेमी शुश हिंतीके सेल्‍नुङ। मिनु इन रां सोव़ना सोव़न बाक्‍नीम। मिनु जरो पा इन मिक्‍च ततीके जाम्‍ना जाम्‍न लाइब। मिनु गे ओंखां पा बेक्‍नीनी। इन शोक्‍शो अन्‍न मोशा दुम्‍नीम। मारदे हना इन जोरी सत्रुम नेक्‍नीम।

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

ब्‍यवस्‍था 28:30

गेपुकी मीश आल का कली पुंइनीनी, तन्‍न अरु वोंइश मुरुम मेको नु इप्‍ब। मिनु खिं का सेल्‍नीनी, तन्‍न आंमान बाक्‍चा मताइ‍नीनी। मिनु गेपुकीम अङगुर रू का ख्रुम्‍नीनी, तन्‍न आंमान ब्‍वचा मताइनीनी।

ब्‍यवस्‍था 28:31

मिनु इन ङोंइती इन बी ब्‍यफ क्‍योरनीम, तन्‍न आ श्‍ये ब्‍वचा मताइ‍नीनी। इन गधा इन कली तचा ङा पा रोइक्‍नीम, मलेत्‍नीम। इन क्‍यारश भेडा इन जोरी सत्रु आन कली गेनीम। मिनु इन कली वारच पाइब सुइ मबाक्‍नीम।

ब्‍यवस्‍था 28:33

इन मतुइश्‍शो मुरपुकीमी इन रू ङा ख्रुम्‍शो जाइनीम। मिनु गेपुकी गेना हना यो श्‍येत जचा नु दिप्‍चा पुंइसीनीनी। न्‍यायाधीस ६:३

ब्‍यवस्‍था 32:40

मिनु गो आं गुइ सरीङ गे पोक्‍शा, गो गेना हना यो ब्रोंइशा बाक्‍शो खोदेंशो पा कसम जाइनुङ।