यसैया 61:2 - Sunuwar Bible

² मिनु आं कली परमप्रभु यावे आ शिशी पाइब बर्स नु आंइ परमप्रभु आ क्‍येक्‍क लेत्‍तीक नाक्‍त नु रोंका पाइब आन थुं बारपाइक्‍तीक नाक्‍त बाक्‍ब, दे तुइक्‍पाइक्‍चा कली यो सोइक्‍ताक्‍यी। लेवी २५:१०,१३; यसैया ६३:४

यसैया 61:2 ပူးပေါင်းရင်းမြစ်များ

यसैया 1:24

मोपतीके परमप्रभु, मुर नेल्‍ल आन परमप्रभु यावे, इस्राएली आन सक्ति पाइश्‍शो परमप्रभु यावेमी “गो आं जोरी सत्रु आन तारी आं गाइश्‍शो मोइश्‍शा, क्‍येक्‍क लेत्‍नुङमी।

यसैया 13:6

ठेयब सेंदा पा ङाक्‍कीन। मारदे हना परमप्रभु यावे आ नाक्‍त जाक्‍चशो बाक्‍ब। नेल्‍ल क्‍येङा ठेयब सक्ति पाइश्‍शो परमप्रभु मेको नाक्‍ती खतम पोक्‍थ जाक्‍ब।

यसैया 2:12

मिनु मुर नेल्‍ल आन परमप्रभु यावेमी काबु नाक्‍ती ठेयब लेश्‍‍शो, बोरशो मुर नु “गो ठेयब नङ” देंब आन कली आइक्‍च सेल्‍ब। येरमीया ४६:१०; इजीकीएल ३०:३; योएल १:१५; आमोस ५:१८; सेफन्‍याह १:१४

यसैया 25:8

मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७

यसैया 34:2

मारदे हना परमप्रभु यावे रागी रागी नेल्‍ल आन पर्बम गाइक्‍ब। मेको आन लडाइ पाइब आन पर्बम चुरब। मेको आन कली क्‍याम्‍चा कली साइक्‍ब कली गेशो बाक्‍ब।

यसैया 34:8

काबु परमप्रभु यावे आ क्‍येक्‍क लेत्‍तीक नाक्‍त बाक्‍ब। सियोन आ पर्बम ठीक सेल्‍चा कली क्‍येक्‍क लेत्‍तीक बर्स का बाक्‍ब। यसैया ६३:४

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 40:1

इन परमप्रभुमी “आं मुर आन कली लेम्‍दीन, लेम्‍दीन।

यसैया 49:8

मिनु परमप्रभु यावेमी “शिशी पतीक नाक्‍त गो इ लोव़ नेंशा, लोव़ लेत्‍ताक्‍न। प्रोंइतीके नाक्‍त गो इ कली वारच पाता। गो इ कली कोव़शा, आं कबल ङा मुर सेल्‍ता। गो रागी लेंशा सेल्‍चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्‍थी ६:२; यसैया ४२:६

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

यसैया 57:18

गो मेको आन पशो ताता। तन्‍न गो मेको आन कली सापाइक्‍नुङमी। मेको आन कली कुक्‍शा, आन थुं बारपाङक्‍नुङमी। मेको आन दाते ङा रोंका पाइब आन कली थुं बारपाइक्‍तीक लोव़ पाइनुङ” देंत। प्रस्‍थान १५:२६

यसैया 58:5

आं योव़शो माइजा बाक्‍तीक मोदेंशो बाक्‍बा ङा? मार, आंम कली काबु ला ब्रेम्‍शो सेल्‍चा? बुदी मीलु घांस गुक्‍शो खोदेंशो पा इन पिया खुक्‍शा, अरन्‍डी फेक्‍शो नु पुलु तार निश्‍शो कली माइजा बाक्‍शो देंनीनी? मेको परमप्रभु यावे आ दाक्शो बाक्‍ब, देंनीनी? जकरिया ७:५-६; मत्ती ६:१६-१८

यसैया 60:10

मिनु अर्को रागी ङा मुरपुकीम इ गारो प्रोव़शा हिरनीम। मेको आन पिपपुकीमी इ गेय पाइनीम। ङोंइती गाइश्‍शा, इ कली तुप्‍तन। तन्‍न मुल आं दाक्‍तीकेमी शिशी पाइक्‍तन। यसैया ५४:८

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

येरमीया 31:13

मेना ठिटी मीश मुर ग्‍येरशा सिल पाइनीम। ठिटा नु खाल्‍पा ग्‍येरनीम। गो मेको आन रोंका पतीके ग्‍येरतीकेम फाइक्‍नुङ। गो मेको आन थुं बार पाइश्‍शा, सुर्ता पतीक आ पा ङा ग्‍येरतीक थुं गेनुङमी।

येरमीया 46:10

मेको नाक्‍ती परमप्रभु, मुर नेल्‍ल आन परमप्रभु यावे आ नाक्‍त बाक्‍ब। मेको क्‍येक्‍क लेत्‍तीक नाक्‍ती बाक्‍ब। आंम जोरी सत्रु आन कली क्‍येक्‍क लेत्‍तीक नाक्‍ती बाक्‍ब। मुरुम तरवारम साइक्‍नीम। तरवार हुश तूशा, आ तूतू दाक्‍शो रू‍ब। मारदे हना मुर नेल्‍ल आन परमप्रभु यावेमी उत्तर गे ङा रागीमी, युफ्रेटीस खोला आ नेक्‍था क्‍योरशा चढ़ेब। यसैया २:१२; ब्‍यवस्‍था ३२:४१-४२

मीका 3:8

तन्‍न गो सक्ति पाइश्‍शो बाक्‍नुङ। गो परमप्रभु यावे आ सोक्‍ती, ठीक निसाफ पतीके नु आ सक्तिम ब्रीशो बाक्‍नुङ। गो याकूब आ हेंथे पशो नु इस्राएल ङा मुर आन पाप शेंचा कली मोदेंशो दुम्‍शो बाक्‍नुङ। यसैया ५८:१

मत्ती 5:4

आन थुं खाइश्‍शोपुकी आसीक राइनीम। मारदे हना आन थुं नाइक्‍चा ताइनीम। भजन संग्रह १२६:५; प्रकाश ७:१७

लूका 4:19

परमप्रभु यावे आ शिशी पतीक बर्स आ पर्बम शेंचा कली सोइक्‍ताक्‍यी” दे पढेशा नेंपाइक्‍मी बाक्‍त। लेवी २५:१०

लूका 6:21

मुल जचा मतथु बाक्‍बपुकी, ग्‍येरसीने, मारदे हना परमप्रभु यावेमी इन कली रूथ्री जचा गेब। मुल श्‍येत जशा, ङाक्‍न ङाक्‍न बाक्‍शोपुकी, ग्‍येरसीने। मारदे हना नोले ग्‍येरसीशा बाक्‍चा ताइनीनी। प्रकाश ७:१६-१७

२ कोरिन्‍थी 6:2

मारदे हना मेकोमी “शिशी पची ना इ पुंइशो नेंता। गो पाप रे प्रोंइतीक नाक्‍तीमी इ कली वारच पाता” दे ब्रेक्‍शो बाक्‍ब। नेनीने, मुल शिशी पची ना बाक्‍ब। नेनीन मुल पाप रे प्रोंइतीक नाक्‍त बाक्‍ब। यसैया ४९:८; लूका ४:१९,२१

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३