यसैया 60:9 - Sunuwar Bible

⁹ समुन्‍द्र आ नेक्‍था ङा मुरपुकीम आं लां कोव़नीम। ङोंइती टारसीस ङा जहाजम इ आल आन कली ङोन रागी रे चाक्‍नीम। मेको आन सुन चांदी यो मेकोपुकी नु बाक्‍ब। मेको परमप्रभु यावे, इ परमप्रभु आ नेंमी जाक्‍नीम। इस्राएली आन का ला बाक्‍शो परमप्रभु आ पर्बम चाक्‍ब। मारदे हना मेकोमी इन कली दारशो सेल्‍शो बाक्‍ब। यसैया ४२:४; यसैया ५५:५

यसैया 60:9 ပူးပေါင်းရင်းမြစ်များ

उत्पत्ती 9:27

मिनु लेंशा “परमप्रभुमी यफेथ कली ‘सोशा बोशा शुश दुम्‍पदल। मेको शेम आ ताम्‍बुम बाक्‍चा तवल। कनान चहिं मेको आ वाइल दुम्‍ल’ ” दे लोव़ पवा बाक्‍त।

१ राजा 10:1

शेबा ङा पिपीममी सोलोमन आ रिम्‍शो पशो नेल्‍ल, परमप्रभु यावे आ ठेयब नें नु आ पशो नेल्‍ल नेना बाक्‍त। मिनु लोव़ लेन्‍ने मचाप्‍चा ङा लोव़ कुरशा सोलोमन कली नाक्‍चा कली जाक्‍माक्‍त। मत्ती १२:४२; १राजा ५:१४

१ राजा 10:22

मिनु पिप नु हीराम आस जहाजपुकी टारसीस गे लाइबाक्‍मा बाक्‍त। मिनु बर्स सां सांमी मेको जहाजम काले टारसीस रे सुन, चांदी, हात्ती आन ख्रुइ, बुदी नु मजुर चाक्‍शा, जाक्‍बाक्‍मा बाक्‍त।

१ राजा 22:48

येहो-शाफातम ओफीर रे सुन चाक्‍चा कली टारसीस ङा खोदेंशो पा जहाजपुकी सेल्‍पदा बाक्‍त। तन्‍न मेकोपुकी एस्‍योन-गेबेरम बिग्रेतीके समुन्‍द्रम लने मचाप्‍‍मे बाक्‍त।

१ राजा 8:41

मिनु इन मुर इस्राएली ममाइ, तन्‍न अर्को रागी ङा मुर सुइमी इन कली तुइश्‍शा ङोन ङोन रागी रे जाक्‍तेक्‍म हना, गन्‍ती १५:१४-१६

भजन संग्रह 48:7

गे टारसीस ङा जहाज आन कली पूर्ब ङा फश पतीकेमी खतम सेल्‍तीनी।

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

भजन संग्रह 97:1

परमप्रभु यावे पिप बाक्‍ब। रागी ग्‍येरसेक्‍ल। ङोन ङोन ङा रागी ङा मुरपुकी यो ग्‍येरसीमल। भजन संग्रह ९३:१

प्रस्‍थान 33:19

मिनु मेकोमी “गो इ ङोंइती रे लाइनुङ, आं गेना हना यो दाक्‍तीक कोंइनन। इ ङोंइती आं नें ‘यावे, देंना देंन गाक्‍नुङ’ सु सु आन कली शिशी पचा दाक्‍ङा, मेको आन कली शिशी पाइनुङ। सु सु आन कली दाक्‍चा दाक्‍ङा, मेको आन कली दाक्‍नुङ” दें‍त। रोमी ९:१५

हितोपदेस 18:20

मुर आन लोव़मी ब्रोंइनीम। मेको आन रिम्‍शो लोव़ पशोमी जचा ताइनीम। हितोपदेस १२:१४

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 2:16

टारसीस ङा जहाज नेल्‍ल, रिम्‍शो नु शुश क्‍येट लाइब सेल्‍शो थोव़कपुकी

यसैया 24:15

मोपतीके पूर्ब ङा मुर “परमप्रभु यावे ठेयब बाक्‍ब” दे मेको कली ठेयब सेलीन। समुन्‍द्र आ नेक्‍था बाक्‍ब आन कली “परमप्रभु यावे, इस्राएली आन परमप्रभु आ नें कली मान पने” देंमानु, मेको कली मान पाइनीम।

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 42:4

मेकोम रागी नेल्‍लेम मुर आन कली ठीक निसाफ पतीक लां मकोंइदा सम्‍म ग्‍युम्‍शा मगोल्‍ब। समुन्‍द्र आ नेक्‍थाम बाक्‍ब मुरपुकी आ शेंशो नेंचा दाक्‍शा, मेको कली रिम्‍नीम” देंत।

यसैया 43:4

मारदे हना गे आं योव़शो मुर बाक्‍नीनी। गे मान ताइब दुम्‍नीनी। गो इन कली दाक्‍नुङ। मोपतीके गो इन पा ङा अरु मुर आन कली गेनुङ। इन बेक्‍चा आ पा ङा रागी रागी ङा मुर आन कली गेतामी।

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

यसैया 49:1

गे समुन्‍द्र आ नेक्‍था बाक्‍बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्‍येङा ङोंइती रेन ब्रेश्‍शो बाक्‍त। गो आं ममा आ कोव़जीम बाक्‍ङानु, मेकोमी आं कली नें गेती।

यसैया 49:22

मिनु परमप्रभु, परमप्रभु यावेमी “गो आं गुइ रागी रागी गे दिं‍नुङ। गो जात जात ङा मुर आन ङोंइती आं छेदर ख्रुक्‍शा कोंइनुङ। मिनु मेकोपुकीमी इ तौ आन कली कुचुम मुप्‍शा नु इ तमी आन कली चीम कुरशा चाक्‍नीम। यसैया ६०:४

यसैया 51:5

गो आं ठीक पतीके रीब पा चाक्‍नुङ। गो ग्राचा चिक्‍शो बाक्‍नुङ। मिनु गो जात जात ङा मुर आन कली निसाफ पाइनुङ। समुन्‍द्र आ नेक्‍था बाक्‍ब मुरपुकीम आं लां कोव़नीम। आं वारच पतीके रिम्‍नीम। यसैया ४२:४

यसैया 55:5

नेनीन, गे इन मतुइश्‍शो रागी रागी ङा मुर आन कली ब्रेत्‍नीनी। मिनु इन कली मतुइश्‍शो रागी रागी ङा मुरपुकी इन गे जाक्‍नीम। परमप्रभु यावे, इन परमप्रभु, इस्राएली आन का ला बाक्‍शो परमप्रभु आ पर्बम मेकोपुकी जाक्‍नीम। मारदे हना मेकोमी इन कली आ खोदेंशो रिम्‍शो पा सेल्‍शो बाक्‍त” देंत।

यसैया 57:17

मेको आन परमप्रभु यावे आ अरेशो मटि‍थु, शिं‍म दुम्‍तीके गाइक्‍ताक्‍ङ। गो मेको आन कली तुप्‍शा थाइश्‍शा गाइक्‍ताक्‍ङ। तन्‍न मेकोपुकी नोले शोंइसीशा आंम आन लां लाम्‍तेक्‍म।

यसैया 60:4

इ मिक्‍च हिरशा, कोव़ङो। इ मुर नेल्‍ल ग्रुम्‍शा, इ बाक्‍तीके जाक्‍नीम। इ तौपुकी ङोन रागी रे जाक्‍नीम। इ तमी आन कली मुप्‍शा कुरशा चाक्‍नीम। यसैया ४९:१८; यसैया ४९:२२; यसैया ६६:१२

यसैया 60:6

गे शुश दलओंठ ताइनेवे। मिदयान नु एफाह ङा दलओंठ आन चाइक्‍बपुकीमी इ रागी ब्रीनीम। मिनु शेबा रे यो चाक्‍नीम। मेकोपुकीमी सुन नु धूप चाक्‍शा ‘परमप्रभु यावे ठेयब बाक्‍ब’ दे ग्‍येरशा आं पर्बम शेंनीम। भजन संग्रह ७२:१०; मत्ती २:१-११

यसैया 66:12

मारदे हना परमप्रभु यावेमी “गो ठेयब खोला खोदेंशो पा मार मार गेनुङ। मिनु बारशो खोला खोदेंशो पा रागी रागी ङा मुर आन शोंप गेनुङ। मिनु गे जाइनीनी। गेपुकी मुप्‍शा, कुरचा पुंइसीनीनी। थुकुम ग्‍यारपाइक्‍चा पुंइसीनीनी। यसैया ६०:४

येरमीया 3:17

मेना यरूसलेम कली ‘परमप्रभु यावे आ ठेयब नित्‍तीके’ देंनीम। मिनु रागी रागी ङा मुर नेल्‍ल मेकेर देल्‍नीम। मुर नेल्‍ल परमप्रभु यावे आ नेक्‍था यरूसलेमम देल्‍नीम। मेना रे आन थुं ङा मरिम्‍शो लोव़ मपाइ‍नीम। प्रस्‍थान १७:१६; यसैया २:२-४; मत्ती ४:२

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

इजीकीएल 39:7

गो आं नें आं मुर इस्राएली आन दातेम तुइक्‍पाइक्‍नुङमी। मिनु आं नें कली मरिम्‍शो सेल्‍चा मगेनुङ। मिनु रागी रागी ङा मुरपुकीम गोन परमप्रभु यावे, इस्राएली आन बाक्‍शो परमप्रभु नङ, दे तुइक्‍नीम।

मीका 4:13

सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।

मीका 7:12

मेको नाक्‍त अस्‍सुर नु इजीप्‍त रे शुश मुर जाक्‍नीम। इजीप्‍त रे युफ्रेटीस सम्‍म, समुन्‍द्र रे समुन्‍द्र सम्‍म नु पहाड रे पहाड सम्‍म ङा शुश मुर इन बाक्‍तीक जाक्‍नीम।

सेफन्‍याह 2:11

परमप्रभु यावेमी मेको आन कली थम मरिम्‍शो पाइब। रागी ङा देवी देवता नेल्‍ल आन कली खतम पोक्‍ब। नेल्‍ल आन बाक्‍तीकेमी बाक्‍शा, मेको आ ङोंइती बाप्‍चा माल्‍नीम। रागी रागी समुन्‍द्र आ सुंगी नु टापु ङा मुर नेल्‍ल परमप्रभु यावे आ ङोंइती बाप्‍नीम’ देंत।

जकरिया 14:14

यहूदा आ मुरपुकीमी यो यरूसलेममी लडाइ पाइनीम। मिनु रागी रागी ङा मुर आन शोंप खुप्‍नीम। मार खुप्‍नीम देंशा हना, सुन चांदी नु वासी शुश खुप्‍शा तेल्‍नीम।

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

यूहन्‍ना 17:26

गो मेको आन कली इन नें तुइक्‍पाइक्‍तामी। मिनु लेंशा तुइक्‍पाइक्‍नुङमी। मारदे इन नें तुइक्‍पाइक्‍नुङमी देंशा हना, गेमी आं कली दाक्‍शो खोदेंशो पा इन दाक्‍तीके मेको आन आगामी बाक्‍ल। मिनु गो मेको नु आन आगाम बाक्‍ङल” दे येसुमी परमप्रभु यावे कली पुंइतु।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

गलाती 3:26

ख्रीस्‍त येसु कली थमा सुइश्‍शा, गे नेल्‍ल परमप्रभु यावे आ तमी तौ दुम्‍तीनी। यूहन्‍ना १:१२; रोमी ८:१७

गलाती 4:26

इर ङा यरूसलेम चहिं प्रोंइसीशो बाक्‍ब। मेको यरूसलेम कली इं ममा मिम्‍नय। हिब्रू १२:२२; प्रकाश २१:२

यहोसु 9:9

मिनु मेकोपुकीमी “गो इन गेय पाइबपुकी शुश ङोन रागी रे जाक्‍शो नकी। गोपुकी परमप्रभु यावे, इन परमप्रभु आ पर्बम शुश नेंतक। मिनु इजीप्‍त रागीमी मार पवा मेको नेल्‍ल नेंतक।