यसैया 60:17 - Sunuwar Bible

¹⁷ मिनु गो कांसा आ पा ङा सुन चाक्‍नुङ। फलाम आ पा ङा चांदी चाक्‍नुङ। शी आ पा ङा कांसा नु फुल्‍लु आ पा ङा फलाम चाक्‍नुङ। मिनु गो थुं नाइक्‍तीके इ कली कोव़ब सेल्‍नुङ। ठीक पतीके इ ठेयब मुर सेल्‍नुङ।

यसैया 60:17 ပူးပေါင်းရင်းမြစ်များ

१ राजा 6:30

मिनु मेकोमी परमप्रभु यावे आ खिं ङा नेल्‍ल क्‍येङा चोव़खो कोठा ङा खप नेल्‍ल सुन ब्रपदा बाक्‍त।

भजन संग्रह 147:14

मेकोमी इ सांदमी लडाइ मदुम्‍पाइक्‍ब। मेकोमी इ कली रिम्‍शो चेरबीम रूपाइक्‍ब।

भजन संग्रह 72:3

मोदेंशो ठीक पतीके तशा, डांडा नु पहाड ङा रूपुकी अन्‍न ग्रेल्‍ब दुम्‍मल।

यसैया 1:26

मिनु गो इ निसाफ पाइब, सासन पाइब नु अर्ती गेब आन कली ङोंइती ङा खोदेंशो सेल्‍नुङ। नोले इ कली ‘ठीक पाइब नु परमप्रभु कली मप्रोंइब सहर’ दे नें वोइक्‍नीम। जकरिया ८:३

यसैया 30:26

मिनु तास्‍ला आ छेङछेङ नां आ छेङछेङ खोदेंशो दुम्‍ब। नां आ छेङछेङ चहिं ७ ओटा नां आ छेङछेङ खोदेंशो दुम्‍ब। मेको ७ नाक्‍त ङा छेङछेङ दुम्‍ब। मेना परमप्रभु यावेमी आ मुर आन गार फ्रेंब। तुप्‍शो गार सापाइक्‍ब।

यसैया 55:13

मिनु चू आन पा ङा सला रवा नु चूले आन पा ङा दारशो आइक्‍च फू रवा वानीम” देंत। मेको परमप्रभु यावे कली मिम्‍तीके नु गेना हना यो मजाम्‍थु, चिन्‍ड का दुम्‍शा बाक्‍ब। यसैया ४१:१९-२०

यसैया 60:16

गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

दानीएल 11:20

मिनु मेको आ नोले अर्को मुर का पिप दुम्‍ब। मेकोमी आ राज्‍य कली शोंप तेल्‍‍चा कली ठेयब मुर का कली तिरो पोक्‍थ सोइक्‍ब। तन्‍न इच्‍का नाक्‍त नोले मेको पिप यो गाइक्‍चा मपुंइसीथु, लडाइ मपथु, बेक्‍ब।

हाग्‍गै 2:8

सुन चांदी नेल्‍ल आं के बाक्‍ब।

जकरिया 12:8

मेको नाक्‍ती परमप्रभु यावेमी यरूसलेममी बाक्‍ब मुर आन कली वारच पाइब। मेकेर बाक्‍ब नेल्‍ल क्‍येङा मचाप्‍ब दाऊद खोदेंशो बाक्‍नीम। मिनु दाऊद आ खिं ङा मुर परमप्रभु खोदेंशो बाक्‍नीम। मिनु परमप्रभु यावे आ स्‍वर्ग ङा गेय पाइब मेको आन ङोंइती गाक्‍ब। यसैया ३३:२४

हिब्रू 11:40

मारदे हना परमप्रभु यावेमी इं पर्बम शुश रिम्‍शो मिम्‍शो बाक्‍मा बाक्‍त। मिनु मेकोपुकी यो गोपुकी नु रिम्‍शो दुम्‍मल। मेको नक लां रे पा पाको मसेल। मेको आन कली नु इं कली काथा वोइश्‍शो बाक्‍ब, दे रुब्‍य।

२ पत्रुस 3:13

तन्‍न आ ङोंइती देंशो “नक सरीङ नु नक रागी सेल्‍नुङ। मेकेर नेल्‍ल रिम्‍शो नु ठीक ला पाइनीम” देंशो लोव़ रिम्‍नय। यसैया ६५:१७; प्रकाश २१:१; प्रकाश २१:२७