यसैया 60:16 - Sunuwar Bible

¹⁶ गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०

यसैया 60:16 ပူးပေါင်းရင်းမြစ်များ

प्रस्‍थान 6:7

मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी।

यसैया 1:24

मोपतीके परमप्रभु, मुर नेल्‍ल आन परमप्रभु यावे, इस्राएली आन सक्ति पाइश्‍शो परमप्रभु यावेमी “गो आं जोरी सत्रु आन तारी आं गाइश्‍शो मोइश्‍शा, क्‍येक्‍क लेत्‍नुङमी।

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 19:20

मेको थाम इजीप्‍त रागीमी मुर नेल्‍ल आन परमप्रभु यावे कली मिम्‍तीक चिन्‍ड का दुम्‍ब। मारदे हना मेकोपुकीमी श्‍येत गेचा पुंइसीतीके परमप्रभु यावे कली “वारच पाइक्‍की” दे लोव़ पाइनीम। मिनु परमप्रभु यावेमी मेको आन कली आन श्‍येत रे प्रोंइब का सोइक्‍ब। मेकोमी लडाइ पा मेको आन कली श्‍येत रे प्रोंइब।

यसैया 25:9

मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५

यसैया 29:24

मिनु काइ मरुप्‍ब मुरपुकी रुप्‍ब दुम्‍नीम। मिनु गन गन पाइबपुकी परमप्रभु आ शेंतीके लोव़ नेंनीम” देंत।

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 45:15

थमा पा, गे परमप्रभु बाक्‍नीनी। गे ख्रुंइसीशो बाक्‍नीनी। गे इस्राएली आन परमप्रभु, श्‍येत रे प्रोंइब बाक्‍नीनी। रोमी ११:३३; यसैया ४३:११

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 49:26

इ कली श्‍येत गेब आन कली आंम आन श्‍ये ब्‍वपाइक्‍नुङ। मेकोपुकी अङगुर शांबुम दुक्‍शो खोदेंशो पा आंम आन हुशेम दुक्‍नीम। मिनु मुर नेल्‍लेमी ‘गो इ कली श्‍येत रे प्रोंइब, इ परमप्रभु यावे नङ। गो इ कली पाप रे प्रोंइब, याकूब आ सक्ति पाइश्‍शो परमप्रभु नङ’ दे तुइक्‍नीम” देंत।

यसैया 52:6

मोपतीके आं मुर आन कली आं नें तुइक्‍पाइक्‍नुङमी। काबु नाक्‍ती मेकोपुकीमी ‘गो मेको लोव़ पाइब बाक्‍नुङ’ दे तुइक्‍चा माल्‍नीम” देंत।

यसैया 59:20

मिनु सियोनम का जाक्‍ब। मिनु मेकेर ङा मुर आन कली पाप रे प्रोंइब। मेकोमी हेंथे पतीके रे लेप्‍ब याकूब आ खिं ङा मुर आन कली रोमी ११:२६

यसैया 60:17

मिनु गो कांसा आ पा ङा सुन चाक्‍नुङ। फलाम आ पा ङा चांदी चाक्‍नुङ। शी आ पा ङा कांसा नु फुल्‍लु आ पा ङा फलाम चाक्‍नुङ। मिनु गो थुं नाइक्‍तीके इ कली कोव़ब सेल्‍नुङ। ठीक पतीके इ ठेयब मुर सेल्‍नुङ।

यसैया 61:6

तन्‍न इन कली ‘परमप्रभु यावे कली चढ़ेब नम’ देंनीम। मिनु ‘आंइ परमप्रभु आ गेय पाइब नम’ दे यो देंनीम। गेपुकीमी रागी रागी ङा मुर आन शोंप ताइनीनी। मिनु मेको आन शोंपोम ग्‍येरनीनी। प्रस्‍थान १९:६; १पत्रुस २:५,९

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

यसैया 63:8

मेकोमी “मेकोपुकी थमा पा आं मुर बाक्‍नीम जोल मपाइब आल बाक्‍नीम” देंत। मोपतीके परमप्रभु यावे मेको आन कली श्‍येत रे प्रोंइब दुम्‍त। ब्‍यवस्‍था ३२:५,२०

यसैया 66:14

गेपुकी मेको कली तशा, शुश ग्‍येरशा, इन थुं बारपाइक्‍नीनी। गे घांस बारशो खोदेंशो पा बारनीनी” देंत। परमप्रभु यावेमी आ गेय पाइब आन कली वारच पाइब, दे मुर नेल्‍लेमी तुइक्‍नीम। मेको आ जोरी सत्रु आन पर्बम गाइक्‍ब।

येरमीया 15:21

गो इ कली आं अरेशो मटीब आन गुइ रे प्रोंइनन। मिनु शिशी मपाइक्‍ब आन गुइ रे यो प्रोंइनन” दे परमप्रभु यावेमी देंत।

इजीकीएल 34:30

मिनु मुरपुकीमी गो, परमप्रभु यावे मेको आन परमप्रभु नङ, दे तुइक्‍नीम। गो मेकोपुकी नु बाक्‍नुङ, दे तुइक्‍नीम। मिनु मेकोपुकीम इस्राएल आ खिं ङा मुर आं मुर नम, दे तुइक्‍नीम। इजीकीएल ११:२०

प्रकाश 21:24

मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।

प्रकाश 21:26

मिनु रागी रागी ङा मुरपुकीमी आन शोंप नु दारस मेको सहरमी चाक्‍नीमी।