यसैया 6:8 - Sunuwar Bible

⁸ मिनु परमप्रभु यावेमी “गो सु कली सोइक्‍नुङा? आंइ पर्बम सु लाइबा?” दे लोव़ पशो नेंता। मिनु “गो बाक्‍ती। आं कली सोइक्‍तीनी” देंती।

यसैया 6:8 ပူးပေါင်းရင်းမြစ်များ

उत्पत्ती 1:26

मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९

उत्पत्ती 11:7

मुल उइ लय। मेको आन पशो लोव़ खाल्‍शा पपाइय्‍य। मिनु कामी अर्को आ लोव़ मरुबल” देंमाक्‍त।

उत्पत्ती 22:1

मिनु नोले परमप्रभुमी “अब्राहामम आं कली टीबाक्‍म कों, मटीबाक्‍म” दे मिम्‍शा “अब्राहाम” दे ब्रेत्‍ता बाक्‍त। अब्राहाममी “गो एक बाक्‍ती” दे परमप्रभु कली मदा बाक्‍त। प्रस्‍थान १५:२५; प्रस्‍थान १६:४; प्रस्‍थान २०:२०; ब्‍यवस्‍था ८:२; ब्‍यवस्‍था १३:४; न्‍यायाधीस २:२२; हिब्रू ११:१७; याकूब १:१३

उत्पत्ती 22:11

मिनु परमप्रभु यावे आ स्‍वर्ग ङा गेय पाइबमी सरीङ रे “अब्राहाम, अब्राहाम” दे ब्रेत्‍ता बाक्‍त। मिनु अब्राहाममी “गो नेंता” देंमाक्‍त।

उत्पत्ती 3:22

मिनु परमप्रभु यावेमी “मुर इं खोदेंशो दुम्‍त। रिम्‍शो नु मरिम्‍शो तुइक्‍ब दुम्‍त। मेको ब्रोंइपाइक्‍ब रवा आ फल यो सेक्‍शा, ब्‍वाप्‍तु हना, गेना हना यो ब्रोंइब, गेनायो मबेक्‍ब दुम्‍ब” देंमाक्‍त।

२ सामुएल 1:7

मिनु मेकोमी नोले लेश्‍शा कोव़ङानु, आं कली तती। मिनु ब्रेत्‍ताक्‍यी। मिनु गो ‘मार देंनी’ देंती।

१ राजा 22:20

मिनु परमप्रभु यावेमी ‘आहाब कली रामोथ-गिलाद नु लडाइ पपाइश्‍शा, मेको कली साइक्‍पाइक्‍चा कली सुम क्‍युक्‍बा?’ दें‍त। मिनु काम लोव़ का पाप्‍तु, अर्कोम अर्को लोव़ पाप्‍तु।

यसैया 65:1

परमप्रभु यावेमी “गो आं कली मतुइक्‍ब आन कली माल्‍ब सेल्‍तामी। आं कली ममाल्‍बमी आं कली थित्‍तीमी। आं नें मथीब रागी ङा मुर आन कली गो ‘गो एके बाक्‍ती। गो एके बाक्‍ती’ दे माइक्‍तामी। रोमी १०:२०

इजीकीएल 1:24

मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।

इजीकीएल 10:5

मेको करूब आन फ्रां आन रेयके लाङगा सम्‍म नेंसी बाक्‍त। मेको परमप्रभु यावे ब्‍वाक्‍शो खोदेंशो पा नेंसी बाक्‍त।

इजीकीएल 9:1

मिनु परमप्रभुमी ठेयब सेंदा पा “सहर ङा सजाइ गेब मुर आन नेक्‍था जाक्‍कीन। इन साइक्‍तीक या कुरशा जाक्‍कीन” दे ग्रीत।

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

प्रेरित 22:21

प्रभुमी ‘मेकेर रे लावो। मारदे हना ङोन ङोन बाक्‍ब अर्को रागी ङा मुर आन कली आं पर्बम शेंथ सोइक्‍नन’ देंत” दे पावलमी देंमाक्‍त। प्रेरित १३:२

प्रेरित 26:19

अग्रीप्‍पा सरकार, परमप्रभुमी कोंइशो कोंइतीक तशा, आ लोव़ नेंशा, मेको लोव़ टीब दुम्‍ती। गलाती १:१६

प्रेरित 9:4

मोपा छेङछेङ तवानु, दिङ गोल्‍माक्‍त। मिनु “सावल, सावल, गे मारदे आं कली खेदा पयी?” देंशो लोव़ नेंना बाक्‍त।

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७

१ सामुएल 3:4

मिनु परमप्रभु यावेमी “सामुएल, सामुएल” दे ब्रेत्‍ता बाक्‍त। मिनु सामुएलम “गो एक बाक्‍ती” देंमाक्‍त।