यसैया 6:4 - Sunuwar Bible

⁴ मेको आन ब्‍वाक्‍शो रेयकेमी परमप्रभु यावे आ खिं ङा जग हिम्‍सीशा, कुनम ब्रीत।

यसैया 6:4 ပူးပေါင်းရင်းမြစ်များ

२ इतिहास 5:13

मिनु तुराही ताप्‍बपुकी नु कुम्‍सो पाइबपुकीम खाल का ङा सेंदा पा “परमप्रभु यावे, गे ठेयब बाक्‍नीनी। गे रिम्‍शो पाइब बाक्‍नीनी” दे कुम्‍सो पतीक मेको आन गेय बाक्‍माक्‍त। मिनु मेकोपुकीम तुराही, बुप्‍केल नु अरु ताप्‍तीक ताप्‍शा, परमप्रभु यावे कली “गे रिम्‍शो पाइब बाक्‍नीनी। इन दाक्‍तीके गेना हना यो लीब” दे कुम्‍सो पामे बाक्‍त। मिनु परमप्रभु यावे आ खिं गोस्‍सुम ब्रीमाक्‍त। १इतिहास १६:३४; भजन संग्रह १०६:१

भजन संग्रह 18:8

आ नें रे कुन कुत। आ शोव़ रे ठेयब मी ग्रूशा, ब्रशो कोइला हुरुर पा बेरतेक्‍म। प्रस्‍थान १९:१८

प्रस्‍थान 40:34

मिनु गोस्‍सुमी ग्रुम्‍तीक ताम्‍बु सुम्‍तु। परमप्रभु यावे आ सक्ति नु छेङछेङमी मेको आ बाक्‍तीक ब्रीत। इजीकीएल ४३:१-९

इजीकीएल 1:24

मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।

इजीकीएल 10:5

मेको करूब आन फ्रां आन रेयके लाङगा सम्‍म नेंसी बाक्‍त। मेको परमप्रभु यावे ब्‍वाक्‍शो खोदेंशो पा नेंसी बाक्‍त।

इजीकीएल 41:16

मिनु मेको सांफा आन एर ओंथ नेल्‍ल गे झेल बाक्‍तेक्‍म। लाप्‍चो गे कोव़चा कली नेल्‍ल शीम क्‍येप्‍शो बाक्‍त। उइ खप रे झेल सम्‍म शीम क्‍येप्‍‍शो बाक्‍तेक्‍म।

इजीकीएल 44:4

मिनु नोले मेकोमी आं कली उत्तर गे ङा ठेयब लाप्‍चो रे पा परमप्रभु यावे आ खिं आ ङोंइती चाक्‍ती। मिनु मेको कोव़ङुनु, परमप्रभु यावे आ छेङछेङम मेको आ खिं ब्रीशो बाक्‍त। मिनु गो खुम्‍की पा बाप्‍ती।

आमोस 9:1

गो परमप्रभु कली चढ़ेतीक आ नेक्‍था राप्‍शो ताता। मिनु मेकोमी आं कली “लाप्‍चो ङा शी शुश हिम्‍पाइक्‍चा कली थाम आन ङर तुपो। मिनु ब्रेश्‍शा मुर नेल्‍ल आन पिया तार दोक्‍नीम। मिनु ब्रोंइशा लीशो आन कली तरवारमी क्‍योरनुङमी। मेको आन दाते ङा का यो प्रोक्‍चा मताइनीम। का यो ब्रोंइचा मताइनीम।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 15:8

मिनु परमप्रभु यावे आ खिं परमप्रभु आ छेङछेङ नु सक्ति ङा कुनमी ब्रीशो बाक्‍त। मिनु परमप्रभु यावे आ ७ जना स्‍वर्ग ङा गेय पाइबपुकीमी श्‍येत मगेमे सम्‍म सुइ परमप्रभु यावे आ खिं ओव़ने मचाप्‍बाक्‍तेक्‍म। यसैया ६:४; प्रस्‍थान ४०:३४; १राजा ८:१-११; इजीकीएल ४४:४