यसैया 6:2 - Sunuwar Bible

² मेको आ इर गे स्‍वर्ग ङा गेय पाइब सेराफ बाक्‍शो बाक्‍तेक्‍म। मेको आन के ६, ६ ओटा फ्रां बाक्‍तेक्‍म। मिनु फ्रां निक्‍शीमी आन कुल सुम्‍शो बाक्‍तेक्‍म। फ्रां निक्‍शीम आन खोइली सुम्‍शो बाक्‍तेक्‍म, फ्रां निक्‍शीमी बेरबाक्‍तेक्‍म। १राजा २२:१९

यसैया 6:2 ပူးပေါင်းရင်းမြစ်များ

उत्पत्ती 17:3

मिनु अब्राम खुम्‍की पा बाम्‍माक्‍त। परमप्रभुमी मेको कली

१ राजा 19:13

मिनु एलीयामी मेको सेंदा नेंशा, आ वामी आ कुल सुम्‍से बाक्‍त। मिनु लाङगा ग्रूशा पुक्‍खी आ ङोंइती राम्‍माक्‍त। मिनु मेको आइक्‍च सेंदाम “एलीया गे एक मार पन पन बाक्‍ङे?” देंमाक्‍त।

१ राजा 22:19

मिनु मीकायामी लोव़ तेम्‍शा “एको परमप्रभु यावे आ लोव़ नेनीन। गो परमप्रभु यावे आ स्‍वर्ग ङा गेय पाइब नेल्‍ल आन कली आ ग्‍युरा गे नु आ पेरा गे राप्‍पाइश्‍शा, परमप्रभु यावे आ नित्‍तीकेम बाक्‍शो ताता। २इतिहास १८:१८; अय्‍युब १:६; यसैया ६:१

१ राजा 6:24

करूब आ फ्रां का ५ कुबीत लाइश्‍शो बाक्‍माक्‍त। मिनु अर्को यो ५ कुबीत लाइश्‍शो बाक्‍माक्‍त। मिनु फ्रां का आ ङर रे अर्को फ्रां आ ङर सम्‍म १० कुबीत लाइश्‍शो बाक्‍माक्‍त।

१ राजा 6:27

मिनु मेकोमी मेको करूब आस कली परमप्रभु यावे आ खिं ङा नेल्‍ल क्‍येङा चोव़खो कोठाम वोदा बाक्‍त। मेको करूब आस फ्रां प्राक्‍पाइश्‍शा सेल्‍शो बाक्‍माक्‍त। मोपा करूब का आ फ्रां कामी गारो का कली नु अर्को करूब आ फ्रां कामी अर्को गारो कली थिशो बाक्‍माक्‍त। मिनु मेको आस अर्को फ्रां चहिं दातेम थिमुशो बाक्‍सा बाक्‍त।

१ राजा 8:7

मारदे हना मेको करूब आस फ्रांम सन्‍दोस नु कुरतीक कोक्‍के कली सुम्‍शो बाक्‍सा बाक्‍त।

नेहेम्‍याह 9:6

मिनु एज्रामी “गे का ला परमप्रभु यावे बाक्‍नीनी। गे सरीङ सेल्‍तीनी। स्‍वर्ग नु मेकेर बाक्‍ब नेल्‍ल सेल्‍तीनी। गे रागी नु मेकेर ङा मारेइ मारेइ, समुन्‍द्र नु मेकेर ङा मारेइ मारेइ आन कली सेल्‍तीनी। मिनु मेको नेल्‍ल कली ब्रोंइचा गेतीनी। मिनु स्‍वर्ग ङा गेय पाइबपुकीमी इन कली ठेयब सेल्‍नीम।

अय्‍युब 1:6

मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु जाक्‍माक्‍त। अय्‍युब २:१; उत्‍पत्ती ६:२; १इतिहास २१:१

अय्‍युब 15:15

परमप्रभुम आंम आ मुर आन कली थमा मसुइक्‍ब। मिनु स्‍वर्गम बाक्‍ब यो मेको आ ङोंइती दोस ताइब बाक्‍नीम। अय्‍युब ४:१८; अय्‍युब २५:५

अय्‍युब 4:18

परमप्रभुम आ गेय पाइब आन कली थमा मसुइक्‍ब। मिनु आ स्‍वर्ग ङा गेय पाइब आन कली दोस गेब। अय्‍युब १५:१५

भजन संग्रह 103:20

परमप्रभु यावे आ स्‍वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्‍शो, आ देंशो टीबपुकी मेको कली ठेयब सेलीन। यसैया ६:१-४; भजन संग्रह २९:१; भजन संग्रह १४८:-; दानीएल ७:१०

भजन संग्रह 104:4

मिनु गे फश कली इन लोव़ चोव़ब नु मी कली इन गेय पाइब सेल्‍शो बाक्‍नीनी। हिब्रू १:७

भजन संग्रह 18:10

मेको करूब का ङोइश्‍शा, फशेम बेरत। भजन संग्रह ९९:१

भजन संग्रह 89:7

आंम मुर आन बुक्‍तीकेमी परमप्रभु कली मान पा हिंनीम। मेको आ एर ओंथ बाक्‍ब नेल्‍ल आन क्‍येङा मेको शुश ठेयब नु मान पा हिंचा माल्‍शो बाक्‍ब।

प्रस्‍थान 25:20

मेको करूबम आस फ्रां हाम्‍शा, सुम्‍तीके फारचा माल्‍नीस। आस कुल कोव़मुशा, सन्‍दोस सुम्‍तीके गे कोव़चा माल्‍नीसी।

प्रस्‍थान 3:6

गो इ आफ आ परमप्रभु इ किकी पिपी अब्राहाम, इसहाक नु याकूब आन परमप्रभु नङ” दे मोसा कली लोव़ पाप्‍तु। मिनु मोसामी परमप्रभु कली तशा हिंशा, आ कुल सुम्‍साक्‍व। उत्‍पत्ती १७:१; उत्‍पत्ती २८:१-४; उत्‍पत्ती ३५:९-११; मत्ती २२:३२

प्रस्‍थान 37:9

करूब आस फ्रां हाम्‍शा, सुम्‍तीके फारपाइश्‍शा, खाल का ङा पा सन्‍दोस सुम्‍तीके गे कोव़पाइश्‍शा चेम्‍शा सेल्‍तु।

यसैया 6:6

मिनु सेराफ का थनारोम चढ़ेतीक ङा मी गुप्‍शा, आं नेक्‍था जाक्‍त।

इजीकीएल 1:11

मेको आन कुल मोदेंशो बाक्‍तेक्‍म। मेको आन फ्रां इर गे प्राक्‍शो बाक्‍तेक्‍म। मेको आन फ्रां निक्‍शीमी अर्को आन फ्रांम थिमुशो बाक्‍तेक्‍म। मिनु फ्रां निक्‍शीमी आन आन रां सुम्‍सीशो बाक्‍तेक्‍म।

इजीकीएल 1:24

मेको गाक्‍मानु, गो मेको आन फ्रां आन रेयके, ठेयब समुन्‍द्र आ रेयके खोदेंशो नेंता। मेको रेयके नेल्‍ल क्‍येङा सक्ति पाइश्‍शो बुंबु पाइब नु लडाइ पाइब आन ग्रांग्‍ये माग्‍ये पोक्‍शो रेयके खोदेंशो नेंता। मेको सोक्‍त पाइश्‍शोपुकी राम्‍मानु, आन फ्रां लुक्‍च तोक्‍बाक्‍तेक्‍म।

इजीकीएल 1:4

मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-

इजीकीएल 1:6

मेको आन के ४, ४ ओटा कुल नु ४, ४ ओटा फ्रां बाक्‍तेक्‍म।

इजीकीएल 1:9

मेको आन फ्रां थिमुशो बाक्‍तेक्‍म। मेकोपुकी तेइ लमानु ङोंइती गे पा गाक्‍बाक्‍तेक्‍म। आन कुल एर ओंथ महिरथु ग्‍येत्‍थ गाक्‍बाक्‍तेक्‍म।

इजीकीएल 10:16

मिनु मेको करूब गाक्‍मानु, मेको गुगील आन नेक्‍था गाक्‍बाक्‍तेक्‍म। करूब इर लचा कली आन फ्रां ग्‍येत्‍थ क्‍युक्‍गमेनु, मेको आन नेक्‍था बाक्‍शो गुगील महिरथु, गाक्‍बाक्‍तेक्‍म। इजीकीएल १:१९

इजीकीएल 10:21

मेको नेल्‍ल आन के ४ ओटा कुल नु ४ ओटा फ्रां बाक्‍तेक्‍म। मिनु मेको आन फ्रां आगाम मुर आन गुइ खोदेंशो बाक्‍तेक्‍म।

दानीएल 7:10

मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

दानीएल 9:21

प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६

जकरिया 3:4

मिनु मेको स्‍वर्ग ङा गेय पाइबमी आ ङोंइती बाक्‍ब आन कली “मेको आ ग्रांग्रा दिशो लुम्‍सीशो वा प्रुइक्‍तीन” देंत। मिनु मेकोमी यहोसु कली “गो इ मरिम्‍शो पशो नेल्‍ल क्‍याम्‍‍ताक्‍ङ। गो इ कली रिम्‍शो वा फेक्‍‍नन” देंत। यसैया ६:७; यसैया ६१:३

लूका 1:10

मिनु धूप चोची ना मुर नेल्‍ल लाङगाम रिम्‍शा, परमप्रभु यावे कली पुंइना पुंइन बाक्‍मा बाक्‍त।

हिब्रू 1:7

परमप्रभु यावेमी आ स्‍वर्ग ङा गेय पाइब आन पर्बम “आं स्‍वर्ग ङा गेय पाइब आन कली फश नु ब्रशो मी सेल्‍नुङ” देंत। भजन संग्रह १०४:४

प्रकाश 14:6

मिनु स्‍वर्ग आ दातेमी गो परमप्रभु यावे आ स्‍वर्ग ङा गेय पाइब का बेरशो ताता। मेको रागीमी लीशो मुर आन कली गेना हना यो पाप रे प्रोंइब जाक्‍त, दे ग्‍येरपाइक्‍ब लोव़ शेंथ यित। मेको नेल्‍ल रागी ङा, नेल्‍ल जात ङा, नेल्‍ल लोव़ पाइब नु शुश मुर आन कली शेंथ यित।

प्रकाश 4:8

मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४

प्रकाश 7:11

मिनु परमप्रभु यावे आ स्‍वर्ग ङा गेय पाइब नेल्‍ले, ठेयब नित्‍तीके, शेंब खाल्‍पा नु मेको ४ ओटा सेस जन्‍तु आन एर ओंथ बाक्‍तेक्‍म। मिनु मेको नेल्‍लेमी ठेयब नित्‍तीकेमी निश्‍शो परमप्रभु यावे आ ङोंइती खुम्‍की पा बाप्‍शा, परमप्रभु यावे कली मान पाम्‍तेक्‍म।

प्रकाश 8:13

मिनु नोले ककाकुली का सरीङमी बेरशो ताता। मेकोमी ठेयब सेंदामी “मुल परमप्रभु यावे आ स्‍वर्ग ङा गेय पाइब सांमी तुराही ताप्‍चा लीतेक्‍म। मेको आन ताप्‍शो रेयकेमी रागी ङा मुर आन कली थम हिंचा ङा दुम्‍चाप्‍तु। आबी आबी आबी, तुराही ग्रीशोमी रागी ङा मुरपुकी शुश श्‍येत जाइनीम” दे ग्रीशो नेंता।