यसैया 59:6 - Sunuwar Bible

⁶ मेको जाल फेक्‍सीचा नु सुम्‍सीचा मदुम्‍ब। मेको आन सेल्‍शो थोव़कमी आन रां सुम्‍ने मचाप्‍नीम। मेको आन गेय मरिम्‍शो पतीक गेय बाक्‍ब। मेको हुश ख्राक्‍श पोक्‍ब बाक्‍नीम।

यसैया 59:6 ပူးပေါင်းရင်းမြစ်များ

उत्पत्ती 6:11

परमप्रभुमी मुर आन कली कोव़ङानु, नेल्‍ल मरिम्‍शो बाक्‍मा बाक्‍त। रागी नेल्‍ल हुश ख्राक्‍श पोक्‍तीकेमी ब्रीमाक्‍त। अर्को मरिम्‍शो पाइब यो बाक्‍मा बाक्‍त।

अय्‍युब 16:17

मो हना यो आं गुइमी मरिम्‍शो मपशो बाक्‍ती। आं पुंइशो लोव़ रिम्‍शो बाक्‍ब।

भजन संग्रह 55:11

मेको सहरम मारेइ मारेइ खतम पोक्‍ब बाक्‍ब। मुर आन कली दिप्‍तीके नु जोल पतीके सहर प्रोंइशा मलाइनीम।

भजन संग्रह 58:2

ममाइ, गे इन थुंमी ठीक ममिम्‍नीनी। मिनु गे रागीम हुश ख्राक्‍श पोक्‍नीनी।

यसैया 30:1

मिनु परमप्रभु यावेमी “आबी, गे काइ मटीब आलपुकी, गे आंम इन मिम्‍शो पाइनीनी। तन्‍न आं देंशो मटीनीनी। गे कबल का पाइनीनी। तन्‍न आं दाक्‍शो मिम्‍शो कबल ममाइ। पाप तारी पाप तेम्‍नीनी। यसैया १:२

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

यसैया 57:12

गो इन ठीक पशो नु इन गेय तुइक्‍पाइक्‍नन्‍नी। तन्‍न मेको इन कली मारेइ रिम्‍शो मदुम्‍ब।

यसैया 58:4

गेपुकी जिशा खेशा तुम्‍मुचा कली ला माइजा बाक्‍नीनी। इन मुडकीमी तुप्‍चा कली ला माइजा बाक्‍नीनी। मोदेंशो माइजा बाक्‍शा, इन सेंदा इर सम्‍म मजाक्‍दीप्‍ब।

यसैया 64:6

गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।

येरमीया 6:7

इनारम दोपा आ ब्‍वाक्‍कु बारपाइक्‍बा, मोपा मेकोमी आ परमप्रभु यावे आ अरेशो मटितीके बारपाइक्‍ब। मेको आ आगाम काइ मरिम्‍शो पतीक नु मारेइ मारेइ खतम पोक्‍तीक आ पर्बम लोव़ नेंसीब। मेको आ रोइ नु आ सेल्‍शो गार गेना हना यो आं ङोंइती बाक्‍नीम।

इजीकीएल 18:12

प्रुङग नु मारेइ मथीब आन कली दिप्‍ब, मुर आन मार मार रोइक्‍ब। जाकटी वोइश्‍शो थोव़क मलेप्‍ब, मूर्ति आन कली पूजा पाइब नु ग्रांग्रा दिशो गेय पाइब।

इजीकीएल 7:11

हुश ख्राक्‍श पोक्‍तीके परमप्रभु यावे आ अरेशो मटीब आन कोक्‍के दुम्‍त। मेको आन दाते ङा मारेइ मलीब। मेको आन बाक्‍शो मारेइ मारेइ, आन शोंप नु आन ठेयब दुम्‍तीके मारेइ मलीब।

इजीकीएल 7:23

साङलो का सेलीन। मारदे हना रागी हुश ख्राक्‍शेम ब्रीशो बाक्‍ब। मिनु सहर हुश ख्राक्‍श पोक्‍बपुकीम ब्रीशो बाक्‍ब।

इजीकीएल 9:9

मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२

आमोस 3:10

मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।

आमोस 6:3

गे ‘श्‍येत जतीक नाक्‍त मजाक्‍ब’ दे मिम्‍नीनी। मिनु गे हुश ख्राक्‍श पोक्‍ब सासन पाइब चाक्‍नीनी। भजन संग्रह १०:५

मीका 2:8

तन्‍न गे आं मुर आन ङोंइती जोरी सत्रु खोदेंशो दुम्‍शा बाक्‍नीनी। रिम्‍शो पाइब मुर आन फेक्‍तीक रोइश्‍शा लाइक्‍नीनी। लडाइ मदुम्‍शो बाक्‍ब, दे इन कली थमा सुइश्‍शा गाक्‍ब आन कली मोदेंशो पाइनीनी।

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।

सेफन्‍याह 1:9

मेको नाक्‍त सु सु लाप्‍चो रे ओव़नीमी, मेको आन कली सजाइ गेनुङ। मारदे हना मेकोपुकीमी आन होव़प आ खिं तुम्‍‍मुचा, जिचा खेचा नु जोल पतीकेमी प्रिंनीम” देंत।

सेफन्‍याह 3:1

मेकोमी “आं देंशो गेनायो मटीब, ग्रांग्रा दिचा ङा नु मुर आन कली दिप्‍ब सहर बाक्‍ब।

मलाकी 2:16

मारदे हना परमप्रभु यावे, इस्राएली आन परमप्रभुमी गो मीश, वोंइश कली प्रोंइब मुर काइ मदाक्‍नुङ। आन जिशो मदाक्‍नुङ। मोपतीके इन थुं फ्रेंदीन। इन मीश मप्रोंइब दुमीन। ब्‍यवस्‍था २४:१