यसैया 59:3 - Sunuwar Bible

³ इन गुइ हुश लुम्‍सीशो बाक्‍नीम। गे नेल्‍ल मरिम्‍शो पाइब बाक्‍नीनी। गे जोल पना पन बाक्‍तीनी। गे ओल ओल लोव़ पाइनीनी। यसैया १:१५

यसैया 59:3 ပူးပေါင်းရင်းမြစ်များ

हितोपदेस 6:17

मेको मार बाक्‍नीम देंशा हना, ठेयब लेत्‍तीके, जोल पतीके, दोस मताइब मुर आन कली हुश ख्राक्‍श पोक्‍तीके,

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 1:21

परमप्रभु यावेमी “आं थमा सुइश्‍शो सहर दोपा तेल्‍लेम दु‍म्‍मे? ठीक निसाफ नु ठीक पतीके मेको नु बाक्‍त। मुल मेको मुर साइक्‍ब मुरुम ब्रीतेक्‍म।

यसैया 28:15

मिनु गेपुकीमी “गोपुकीमी बेक्‍पाइक्‍ब नु कबल पमुशो बाक्‍नीकी। बेक्‍शो मुर आन बाक्‍तीके नु सल्‍ला पाइतक। ठेयब श्‍येत जाक्‍त हना यो, आंइ कली मारेइ मदुम्‍ब। मारदे हना जोल पतीके नु गारशा ख्रुइश्‍शो बाक्‍नीकी। दूली पतीकेमी फाम्‍सीशो बाक्‍नीकी” देंतीनी।

यसैया 3:8

मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।

यसैया 30:9

मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।

यसैया 44:20

सु सुमी पुलु कली सेउ पाइनीमी, मेको आन दूली थुंमी दूली मिम्‍पाइश्‍शो बाक्‍नीम। मेकोमी आंम कली प्रोंइने मचाप्‍ब। मिनु “आंइ सेल्‍शो मूर्ति जोल बाक्‍ब” मदेंनीम।

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 9:15

खाल्‍पा नु हुकुम पाइबपुकी पिया नम। जोल पा परमप्रभु यावे आ लोव़ पाइबपुकी चहिं मीलु नम।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

येरमीया 22:17

तन्‍न इ मिक्‍च नु इ थुंम ठीक पा मचेम्‍शो क्‍येट ला बाक्‍ब। गे दोस मताइब आन हुश शाइक्‍पाइक्‍नेवे। गे मुर आन कली दिप्‍शा हुश ख्राक्‍श पोक्‍नेवे। मरिम्‍शो पचा नु रोइक्‍चा ला दाक्‍नेवे।

येरमीया 7:8

तन्‍न गेपुकी दा जोल लोव़ कली थमा सुइक्‍‍नीनी। मेको नेल्‍ल मोशा बाक्‍नीम।

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

येरमीया 9:7

मोपतीके मुर नेल्‍ल आन परमप्रभु यावेम “गो मेको आन कली यपाइश्‍शा नाक्‍नुङमी। पाप पाइब आं मुर आन कली गो अरु मार पने चाप्‍नुङा ङा?

इजीकीएल 13:8

मोपतीके परमप्रभु, परमप्रभु यावेमी “गेपुकीम फश लोव़ पा, जोल पा कोंइतीक आ पर्बम लोव़ पतीके, गो इन कली मरिम्‍शो पाइनुङ।

इजीकीएल 22:2

मार लोव़ पाप्‍तु देंशा हना “ए मुर, मार गे मेको निसाफ पाइनेवे? गे मेको हुश ख्राक्‍श पोक्‍ब सहर कली निसाफ पाइनेवे? मो हना मेको आ ग्रांग्रा दिशो गेय नेल्‍ल आन पर्बम मेको कली शेंदो। इजीकीएल २४:६; इजीकीएल २०:४

इजीकीएल 35:6

मोपतीके परमप्रभु, परमप्रभु यावेमी, गो आं ब्रोंइशा बाक्‍शो खोदेंशो पा, गो इ कली हुश ख्राक्‍श पोक्‍ब आन गुइमी जिम्‍मा गेनन। मारदे हना गे हुश ख्राक्‍श पोक्‍चा दाक्‍तावी। हुश ख्राक्‍श पोक्‍तीकेम इ कली खेदा पाइब।

इजीकीएल 7:23

साङलो का सेलीन। मारदे हना रागी हुश ख्राक्‍शेम ब्रीशो बाक्‍ब। मिनु सहर हुश ख्राक्‍श पोक्‍बपुकीम ब्रीशो बाक्‍ब।

इजीकीएल 9:9

मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

होसे 7:13

आबी आबी, मेकोपुकी गो रे पा ङोन लाम्‍तेक्‍म। मेकोपुकी खतम दुम्‍मल। मारदे हना मेकोपुकी आं कली मटीब दुम्‍शो बाक्‍नीम। गो मेको आन कली श्‍येत रे प्रोंइ‍चा दाक्‍नुङ। तन्‍न मेकोपुकीमी आं पर्बम जोल पाइनीम। भजन संग्रह ८१:१४-१५

होसे 7:3

परमप्रभुमी “मेको आन मरिम्‍शो पशोमी पिप कली ग्‍येरपाइक्‍नीम। मिनु आन जोल पतीकेमी सासन पाइब आन कली ग्‍येरपाइक्‍नीम।

मीका 3:4

मिनु मेकोपुकीमी परमप्रभु यावे कली पुंइनीम। तन्‍न मेकोमी मेको आन पुंइशो लोव़ मलेप्‍ब। आ अरेशो मटितीके मेकोमी मेको आन क्‍येङा आ कुल ख्रुइक्‍ब। हितोपदेस १:२८; इजीकीएल ८:१८

मीका 6:12

मेको आ शोंप पाइश्‍शो मुरपुकी हुश ख्राक्‍श पोक्‍तीकेम ब्रीशो बाक्‍नीम। मेको सहर ङा मुरपुकी जोल पाइनीम। मेको आन शोव़ जोल पतीकेमी ब्रीशो बाक्‍ब।

मीका 7:2

थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।

मत्ती 27:4

“रिम्‍शो मुर कली ग्‍याइक्‍पाइक्‍चा वारच पा पाप पाता” देंमेनु “गोपुकीमी मार पाइनीकी? गे आंमा तुइक्‍तो” देंमा बाक्‍त।

१ तिमोथी 4:2

मेको मुर आन थुं ङा मिम्‍तीके खतम दुम्‍ब। मिनु जोल शेंनीम।