यसैया 59:21 - Sunuwar Bible

²¹ “गो नु पशो कबल मार बाक्‍त देंशा हना, आं सोक्‍त इन तार बाक्‍ब। गो आं लोव़ इन शोव़म कुर पाता। मेकेर गेना हना यो बाक्‍शा इन आलपुकीम मेको लोव़ पना पन बाक्‍नीमी। मेको लोव़ गेना हना यो इन चच युइम यो पना पन बाक्‍नीम” दे परमप्रभु यावेमी देंत। येरमीया १:९

यसैया 59:21 ပူးပေါင်းရင်းမြစ်များ

भजन संग्रह 119:43

गे इन थमा लोव़ पचा कली मतेक्‍यीनी। मारदे हना गो इन पतीक लोव़ आस पा बाक्‍नुङ।

प्रस्‍थान 4:15

गो इ पचा माल्‍शो लोव़ नेल्‍ल शेंनुङ। मिनु गे मेको हारून कली देंचा माल्‍नेवे। मिनु मेकोमी इ पा ङा मुर आन कली लोव़ पचा माल्‍ब। मेको इ शोव़ खोदेंशो दुम्‍ब। गो इ कली लोव़ पाइब परमप्रभु खोदेंशो पा, गे हारून कली लोव़ पाइब बाक्‍नीनी।

हितोपदेस 7:3

मेको कली इ ब्रेप्‍चोम फ्रेंदो। इ थुंमी ब्रेक्‍शा वोतो।

यसैया 32:15

मिनु नोले परमप्रभु यावेमी आ सोक्‍ती इं तार मोइक्‍ब। मेना मुर मबाक्‍तीके गोरशो रागी ग्रेल्‍शो रू दुम्‍ब। मिनु मेको ग्रेल्‍शो रू ब्‍वाकी खोदेंशो दुम्‍ब। यसैया ४४:३; यसैया २९:१७

यसैया 40:8

घांस सोव़ब, आ फू हेम्‍ब। तन्‍न आंइ परमप्रभु आ लोव़ गेना हना यो लीब” देंत। भजन संग्रह ११९:८५; लूका २१:३३

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

यसैया 49:8

मिनु परमप्रभु यावेमी “शिशी पतीक नाक्‍त गो इ लोव़ नेंशा, लोव़ लेत्‍ताक्‍न। प्रोंइतीके नाक्‍त गो इ कली वारच पाता। गो इ कली कोव़शा, आं कबल ङा मुर सेल्‍ता। गो रागी लेंशा सेल्‍चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्‍थी ६:२; यसैया ४२:६

यसैया 51:16

गो इ कली आं लोव़ पपाइक्‍ता। गो इ कली आं गुइ ङा वांकुमी सुम्‍शा वोइक्‍तन। सरीङ प्राक्‍ब नु रागी आ जग वोइक्‍ब गो नङ। मिनु सियोन कली ‘गे आं मुर बाक्‍नीनी’ देंशो बाक्‍नुङ” देंत।

यसैया 54:10

डांडापुकी याक्‍सीनीम, पहाडपुकी हिम्‍सीनीम। तन्‍न आं गेना हना यो दाक्‍तीक इ क्‍येङा ङोन मलाइब। इ थुं नाइक्‍चा गेब कबल मक्‍याम्‍सीब” दे इ कली शिशी पाइब परमप्रभु यावेमी देंत। इजीकीएल ३७:२६

यसैया 55:11

आ लोव़ यो मोदेंशो बाक्‍ब। मेको श्‍येत्‍थ मलेप्‍ब। गो मेको कली मार पथ सोइक्‍तु, मेको पाइब। आं दाक्‍शो थमा पा पाइब। आं मिम्‍शो पाइब। मत्ती १३:८

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

यसैया 57:19

मिनु परमप्रभु यावेमी “ङोन नु नेक्‍था बाक्‍ब नेल्‍ल आन थुं नाइश्‍शा बाक्‍मल। मिनु गो मेको आन कली सापाइक्‍नुङमी। गन्‍ती ६:२६; लूका २:१४; एफिसी २:१७; प्रस्‍थान १५:२६-; येरमीया १७:१४; यहूदा १:१३; यसैया ४८:२२; हितोपदेस २८:१

यसैया 66:22

मिनु “दोपा आं सेल्‍शो नक सरीङ नु नक रागी आं ङोंइती गेना हना यो बाक्‍बा, मोपा इन नें नु इन चच युइ आन नें गेना हना यो लीनीम। यसैया ६५:१७

येरमीया 1:9

मिनु नोले परमप्रभु यावेम आ गुइ दिंशा, आं शोव़ थिप्‍तु। मिनु आं कली “मुल आं लोव़ इ शोव़म कुर पाता। प्रस्‍थान ४:१२

यूहन्‍ना 1:33

ङोंइती गो यो मेको कली मतुइक्‍ब बाक्‍ती। मिनु आं कली ब्‍वाक्‍कुमी ख्रुम्‍शा ग्रुंइतीक गेय पथ सोइक्‍बमी ‘तेको मुर तारी गेमी आं सोक्‍त जुक्‍शो ताइनेवे, मेको आं सोक्‍तीम ख्रुम्‍ब बाक्‍ब’ दे परमप्रभु यावेमी माइक्‍ती।

यूहन्‍ना 17:8

गे आं कली शेंताक्‍यीनी। मिनु इन शेंशो लोव़ मेको आन कली शेंताक्‍ङमी। मिनु थमा सुइक्‍तेक्‍म। गो इन बाक्‍तीक रे जाक्‍शो नङ, दे थमा पा तुइक्‍नीम। मेकोपुकीमी आं कली सोइक्‍ब, गे ननी, दे थमा सुइक्‍तेक्‍म। यूहन्‍ना १६:३०

यूहन्‍ना 3:34

परमप्रभु यावे आ सोइश्‍शोमी परमप्रभु यावे आ लोव़ पाइब। मेकोमी परमप्रभु यावे आ सोक्‍तीमी ब्री‍तीके आ लोव़ पाइब। यूहन्‍ना १:१६

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 7:39

मेको आ शेंशो दोदेंशो रुम्‍सीब देंशा हना, येसुमी परमप्रभु यावे आ सोक्‍त आ पर्बम शेंशो बाक्‍त। येसु कली थमा सुइक्‍बपुकीमी मेको सोक्‍त कली तचशो बाक्‍तेक्‍म। तन्‍न मेना सम्‍म परमप्रभु यावे आ सोक्‍त थमा सुइक्‍ब आन कली मगेशो बाक्‍त। मारदे हना येसु आ आफ आ छेङछेङम लाइक्‍चा मपुंइसीशो बाक्‍त। यूहन्‍ना १६:१७

यूहन्‍ना 8:38

गो आं आफ आ पशो तशा, शेंनुङ। गेपुकीमी चहिं इन आफ आ देंशो नेंशा, मार मार पाइनीनी” दे माइक्‍तीमी।

रोमी 11:27

मेको आन पाप क्‍याम्‍नुङ। मिनु मेको आन कली गेशो कबल खाप्‍नुङ” दे ब्रेक्‍शो बाक्‍ब। यसैया ५९:२०, येरमीया ३१:३३

रोमी 8:9

इन थुंमी परमप्रभु यावे आ सोक्‍त थमा पा बाक्‍त हना, मुर आ थुंमी मिम्‍शो प्रोंइशा, परमप्रभु यावे आ सोक्‍त रे पा मिम्‍ब दुम्‍नीनी। ख्रीस्‍त आ सोक्‍त मुर आन थुंमी मबाक्‍त हना, मेको मुर येसु ख्रीस्‍त आ मुर मनम।

२ कोरिन्‍थी 3:8

परमप्रभु यावे आ सोक्‍त आ कबल मेको क्‍येङा छेङछेङ मदुम्‍बा ङा? गलाती ३:२,५

हिब्रू 10:16

मेकोमी “नोले मेकोपुकी नु नक कबल का सेल्‍नुङ। आं लोव़ मेको आन कली आन कोव़जम वोइक्‍पाइश्‍शा, आन थुंमी ब्रेक्‍शा गेनायो मप्रेंब सेल्‍नुङमी। हिब्रू ८:१०