यसैया 59:12 - Sunuwar Bible

¹² इन ङोंइती आंइ हेंथे पशो शुश बाक्‍ब। आंइ पशो पापमी इन कली तुइक्‍पाइक्‍ब। गो मरिम्‍शो पाइब बाक्‍नीकी, दे तुइक्‍नीकी। आंइ हेंथे पशो थमा पा गोपुकी नु बाक्‍ब। गोपुकी आंइ मरिम्‍शो पशो तुइक्‍नीकी। येरमीया १४:७

यसैया 59:12 ပူးပေါင်းရင်းမြစ်များ

एज्रा 9:13

गोपुकीमी आंइ मरिम्‍शो पतीके नु आंइ ठेयब दोस आ पर्बम श्‍येत जशो बाक्‍तक। मो हना यो आंइ परमप्रभुमी आंइ तचा माल्‍शो क्‍येङा इच्‍का ला सजाइ गेतीनी। मिनु आंइ कली ब्रोंइचा गेतीनी।

एज्रा 9:6

“आं परमप्रभु, गो इन कली आं कुल कोंइचा थाम्‍पा मुने पाता। मारदे हना आंइ मरिम्‍शो पतीके आंइ पिया क्‍येङा यो लाक्‍शो बाक्‍ब। मिनु आंइ दोस सरीङ सम्‍म जाक्‍दीशो बाक्‍ब। दानीएल ९:७-८

नेहेम्‍याह 9:33

आंइ कली दुम्‍तीके, गे ठीक पशो बाक्‍नीनी। मारदे हना गे आंइ कली रिम्‍शो पाइतीनी। गोपुकीमी चहिं इन कली थम मरिम्‍शो पाइतक। दानीएल ९:५,७

भजन संग्रह 51:3

मारदे हना गो आं मरिम्‍शो पशो तुइक्‍नुङ। मिनु आं पाप गेना हना यो मिम्‍नुङ।

यसैया 1:4

आबी, पापम ब्रीशो रागी, मुरपुकी मरिम्‍शो पतीकेम ब्रीशो बाक्‍नीम। मेको आन आल काइ मरिम्‍शो पाइब दुम्‍तेक्‍म। मेकोपुकी शोर गाक्‍शो बाक्‍नीम। परमप्रभु यावे कली प्रोंइशो बाक्‍नीम। इस्राएली आन का ला बाक्‍शो परमप्रभु आ पर्बम ‘ममाल्‍नीकी’ देंशो बाक्‍नीम। मेकोपुकी नोले शोंइसीशो बाक्‍नीम।

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

यसैया 64:4

सु सुमी मेको कली रिम्‍नीमी, मेकोमी, मेको आन पर्बम गेय पाइब। मारदे हना साइ ङोंइती रे गे ङा लाक्‍शा अरु परमप्रभु बाक्‍ब, दे सुइम मनेंशो नु मतशो बाक्‍तेक्‍म। प्रस्‍थान ३२:५-१०

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

येरमीया 3:2

परमप्रभु यावेम “इर कोव़ङो। गोरशो डांडा मेर कोव़ङो। गे सु नु मइ‍मे? गे मुर मबाक्‍तीके अराब खोदेंशो पा लांमी बाक्‍शा, गे नु इप्‍ब मुर आन कली रिम्‍ना रिम्‍न बाक्‍ते। गे इ तेल्‍लेम पतीके नु आं अरेशो मटितीकेम मेको रागी ग्रांग्रा दिशो सेल्‍तीवी। होसे ४:१३

इजीकीएल 5:6

तन्‍न मेकोम आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीव। आ एर ओंथ बाक्‍शो रागी रागी नु जात जात ङा मुर आन क्‍येङा यो आं निसाफ पतीक लोव़ नु आं फुल्‍लुम मुशा ब्रेक्‍शो लोव़ मटीब बाक्‍ब” देंत।

इजीकीएल 7:16

मिनु ब्रोंइशा प्रोक्‍शो नेल्‍ल बेंसी ङा ढुकुर खोदेंशो पा पहाडम बाक्‍नीम। मेको आन मरिम्‍शो पशो आ पर्बम रोंका पा बाक्‍नीम।

इजीकीएल 7:23

साङलो का सेलीन। मारदे हना रागी हुश ख्राक्‍शेम ब्रीशो बाक्‍ब। मिनु सहर हुश ख्राक्‍श पोक्‍बपुकीम ब्रीशो बाक्‍ब।

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

होसे 5:5

इस्राएली आन ठेयब लेत्‍तीकेमी मरिम्‍शो पाइब बाक्‍नीम, दे आन सांकछी बाक्‍ब। एफ्राइम ङा मुरपुकी आंम पाप पतीकेमी खतम दुम्‍नीम। यहूदा ङा मुरपुकी यो मेकोपुकी नु खतम दुम्‍नीम।

होसे 7:10

इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।

हबकुक 1:4

मिनु इन अरेशो मपाइनीम। ठीक पाइबपुकीमी ग्राने मचाप्‍नीम। इन अरेशो मटीबपुकीमी ठीक पाइब आन कली पुम्‍नीम। मिनु निसाफ पतीके दूली दुम्‍ब” देंती।

गन्‍ती 32:23

तन्‍न गेपुकीम मो मपाइतीनी हना, परमप्रभु यावे आ ङोंइती पाप पाइनीनी। मिनु इन पाप थमा पा राइनीनी।