यसैया 58:6 - Sunuwar Bible

⁶ आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

यसैया 58:6 ပူးပေါင်းရင်းမြစ်များ

२ इतिहास 10:11

आं आफोम इन कली हेल्‍शो गेय पपाइश्‍शो बाक्‍माक्‍त। तन्‍न मुल गो मेको क्‍येङा हेल्‍शो गेय पपाइक्‍नुङ। आं आफोम इन कली कोक्‍केम तुप्‍पाइश्‍शो बाक्‍माक्‍त। तन्‍न मुल गो इन कली बिच्‍छीम क्राइक्‍पाइक्‍न‍न्‍नी’ मतीन” दे अर्ती गेमे बाक्‍त।

२ इतिहास 28:11

मुल आं लोव़ नेनीन। इन ग्‍याइश्‍शो आंम मुर आन कली प्रोंइशा लेत्‍चा गेने। मारदे हना परमप्रभु यावे इन कली तशा शुश चुरशो बाक्‍ब” देंमाक्‍त।

हितोपदेस 24:11

मुर कली साइक्‍चा, दे कीशा लाइश्‍शो ताप्‍तीवी हना, मेको आन कली प्रोंइथ लावो। मिनु साइक्‍चा पुंइसीचा चिक्‍शो कली वारच पावो। भजन संग्रह ८२:४

यसैया 1:17

रिम्‍शो पचा शेंसीन। ठीक निसाफ पतीक मालीन। दिप्‍चा पुंइसीशो आन कली वारच पने। रोम रोइक्‍च आन कली वारच पने। वोंइश बेक्‍शो मीश मुर आन कली वारच पतीन” देंत। येरमीया ७:५-६

यसैया 33:15

सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

यसैया 58:9

मेना गे पुंइनीनी। मिनु परमप्रभु यावेमी लोव़ लेप्‍ब। मिनु गे ‘वारच पने’ दे थोइनीनी। मिनु मेकोमी ‘गो एके बाक्‍ती’ देंब। गे इन दाते रे मरिम्‍शो पतीक जुवा ताइक्‍ताक्‍नी हना, ब्रेप्‍चो पोक्‍शा, मरिम्‍शो लोव़ पचा प्रोंइतीनी हना, रिम्‍शो दुम्‍ब। यसैया ३०:१९

येरमीया 22:3

परमप्रभु यावेमी मार देंत देंशा हना “गे ठीक निसाफ पने। ठीक गेय पने। रोइक्‍चा पुंइसीशो आन कली मरिम्‍शो पाइब आन गुइ रे प्रोनीन। अर्को रागी ङा मुर, रोम रोइक्‍च नु आन वोंइश बेक्‍शो मीश मुर आन कली मरिम्‍शो मपने। मिनु एको रागीम मारेइ दोस मताइब आन हुश मशाइक्‍पतीन। येरमीया २१:१२

येरमीया 50:33

मुर नेल्‍ल आन परमप्रभु यावेमी “इस्राएल ङा मुर नु यहूदा ङा मुर श्‍येत गेचा नु दिप्‍चा पुंइसीनीम। मेको आन कली ग्‍याइश्‍शा लाइक्‍बपुकीम मेको आन कली लचा मगेनीम।

दानीएल 4:27

हजुर पिप, मोपतीके आं गेशो अर्ती इन कली दुम्‍ल। इन पाप कली ठीक पतीकेमी क्‍याम्‍दीन। मिनु इन मरिम्‍शो पशो, श्‍येत जाइब आन कली शिशी पतीकेमी क्‍याम्‍दीन। मो पाइतीनी हना, इन रिम्‍शो बाक्‍तीक शुश नाक्‍त सम्‍म लीब” देंत। हितोपदेस १९:१७; मत्ती ५:७

लेवी 6:5

तेको थोव़क आ पर्बम जोल पा कसम जशो बाक्‍मे, मेकोमी मेको थोव़क नेल्‍लेमी ५ भाग तेम्‍शा, आ होव़प कली लेश्‍शा गेचा माल्‍ब। मेकोमी दोस आ पर्बम चढ़ेतीक नाक्‍ती मेको सु के बाक्‍मे मेको आ नेक्‍था ङा मुर कली लेश्‍शा गेचा माल्‍ब।

योना 3:8

मुरपुकीम अरन्‍डी सुम्‍सीशा, बी ब्‍यफ, क्‍यारश भेडा यो सुम्‍चा माल्‍नीम। मिनु मेकोपुकीमी परमप्रभु कली ठेयब सेंदाम पुंइचा माल्‍नीम। मिनु नेल्‍ल आन मरिम्‍शो लां नु आन मरिम्‍शो पशो रे लेत्‍चा माल्‍नीम।

जकरिया 7:9

मिनु मुर नेल्‍ल आन परमप्रभु यावेमी मार लोव़ पाप्‍तु देंशा हना “ठीक पा निसाफ पने, दाक्‍मुने नु शिशी पमुने, मीका ६:८

प्रेरित 8:23

मुल इ थुं चोशा पापमी ब्रीशो मरिम्‍शो बाक्‍ङे बाक्‍त, दे तुइक्‍ताक्‍ङ” दे पत्रुसमी मदानु,

१ तिमोथी 6:1

वाइलीम वाइल नेल्‍लेमी आन होव़प मान ताक्‍चा शिरशो बाक्‍नीम, दे मिम्‍चा माल्‍नीम। मोपा मुरपुकीमी परमप्रभु यावे आ नें नु आ शेंतीके आइक्‍च मसेल्‍नीम। एफिसी ६:५; तीतस २:९-१०