यसैया 57:20 - Sunuwar Bible

²⁰ तन्‍न आं अरेशो लोव़ मटीबपुकी समुन्‍द्र ङा फशेम क्‍युक्‍शो समुन्‍द्र ङा ब्‍वाक्‍कु खोदेंशो बाक्‍नीम। गेना हना यो रेयके पाइब ब्‍वाक्‍कु खोदेंशो बाक्‍नीम। मेको ब्‍वाक्‍कुमी ग्रांग्रा दिचा ङा थोव़क नु हिलो ग्रुंइब” देंत।

यसैया 57:20 ပူးပေါင်းရင်းမြစ်များ

२ राजा 6:11

मोपतीके अराम ङा पिपमी “इस्राएल ङा पिपम इं बाक्‍तीक दोपा तुइक्‍ता” दे थाम्‍पा गाइक्‍ता बाक्‍त। मिनु मेकोम आ लडाइ पाइब आन ठेयब मुर आन कली ब्रेश्‍शा “गे इन दाते ङा सुमी चहिं इस्राएल ङा पिप कली लोव़ शेंदीनी? लो, देनीन” देंमाक्‍त।

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

यसैया 3:9

मेको आन कुलमी आन मरिम्‍शो पशो तुइक्‍पाइक्‍ब। सोदोम ङा मुर खोदेंशो पा मेकोपुकीम आन पाप मख्रुइक्‍थु शोव़नीम। आबी, मेकोपुकीमी आंम कली ग्‍याइश्‍शा लाइक्‍चा पुंइसीब सेल्‍सीनीम। उत्‍पत्ती १९:५-९

यसैया 48:22

परमप्रभु यावेमी “आं अरेशो लोव़ मटीब आन थुं नाइक्‍चा मताइनीम” देंत। यसैया ५७:२१

यसैया 59:8

मेकोपुकीम थुं नाइक्‍पाइक्‍तीक आ पर्बम मारेइ मतुइक्‍नीम। मेको आन लांम ठीक निसाफ मबाक्‍ब। मेकोपुकी हेंथे लां खोइक्‍नीम। सु सु मेको हेंथे लां गाक्‍नीमी, मेको यो थुं नाइश्‍शा बाक्‍चा मताइनीम।

येरमीया 49:23

परमप्रभु यावेमी दमस्‍कस आ पर्बम “हमाथ नु अरपाद वाम ग्‍याम दुम्‍शो बाक्‍नीस। मारदे हना मेको निक्‍शीमी मरिम्‍शो लोव़ नेंताक्‍स। मेको हिंशा आस थुं ग्‍येत्‍थ लुक्‍च दुम्‍शो बाक्‍नीस। मिनु समुन्‍द्र खोदेंशो पा सिक्‍सी पा बाक्‍ने मचाप्‍नीस।

यहूदा 1:12

मेकोपुकी इन ग्रुम्‍मुशो भोजमी जाक्‍शा, दाइल पपाइक्‍ब फुल्‍लु खोदेंशो पा बाक्‍नीमी। आंम दातेम ग्‍येरपमुइनीम, तन्‍न महिंथु आंम कोव़ज ला प्रिंनीम। मेको रेउ मपाइश्‍शो फशेम बेरशो गोस्‍स खोदेंशो बाक्‍नीम। फल सित्‍ची ना फल मसिप्‍ब रवा खोदेंशो बाक्‍नीम। शाक्‍श दुल्‍शो रवा खोदेंशो पा, निक्‍शी खेयप बेक्‍शो बाक्‍नीम। १कोरिन्‍थी ११:२१

यहूदा 1:13

मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०