यसैया 57:1 - Sunuwar Bible

¹ ठीक पाइब बेक्‍नीम। सुइमी मेको आन पर्बम सुर्ता मपाइनीम। परमप्रभु यावे कली मप्रोंइथु, दाक्‍बपुकी लाइक्‍चा पुंइसीनीम। मारदे मो पाइनीमी, मेको सुइमी मरुप्‍नीम। ठीक पाइब हिंचा ङा श्‍येत दुम्‍चा क्‍येङा ङोंइती लाइक्‍चा पुंइसीनीम। मीका ७:२

यसैया 57:1 ပူးပေါင်းရင်းမြစ်များ

१ राजा 14:13

मिनु इस्राएली नेल्‍लेमी मेको आ पर्बम रोंका पा, मेको कली थिम्‍नीम। मारदे हना मेको का ला रिम्‍शो पा थिम्‍चा पुंइसीब बाक्‍त। परमप्रभु यावे, इस्राएली आन परमप्रभुमी मेको आल कली दाक्‍ताक्‍व।

२ राजा 22:20

मिनु गे इ थुं नाइश्‍शा बेक्‍नेवे। मिनु गो यहूदा कली गेशो ठेयब श्‍येत गे तचा ममाल्‍नेवे’ दे मतो” दे परमप्रभुमी देंमाक्‍त। मिनु मेकोपुकीम मेको लोव़ पिप आ बाक्‍तीकेम चाक्‍गमे बाक्‍त। २राजा २०:१९; यसैया ५७:१-२

२ इतिहास 32:33

मिनु हिज्‍कीयाह बेक्‍माक्‍त। मिनु मुरपुकीम मेको कली दाऊद आ चच युइ आन कली थिम्‍तीक देम्‍सीलो मेर थि‍म्‍मे बाक्‍त। मिनु मेको बेक्‍मेनु, यहूदा नु यरूसलेम ङा मुर नेल्‍लेमी मान पामे बाक्‍त। मिनु मेको आ नोले आ तौ मनस्‍से पिप दुम्‍माक्‍त। २इतिहास १६:१४

२ इतिहास 34:28

मोपतीके गे एको खतम दुम्‍तीके मताइनेवे। गे थुं नाइश्‍शा बेक्‍नेवे। मिनु इ किकी पिपी आन कली थिम्‍तीकेम थिम्‍चा पुंइसीनेवे’ दे मतीने” देंमाक्‍त। मिनु सोइश्‍शोपुकीमी हुल्‍दा आ देंशो पिप कली मदमे बाक्‍त।

२ इतिहास 35:24

मोपतीके आ गेय पाइबपुकीम मेको कली आ बग्‍गी रे ग्रुंइशा, अर्को बग्‍गीम कुर पा यरूसलेम सहरम चाक्‍गमे बाक्‍त। मिनु मेको मेकेर बेक्‍माक्‍त। मिनु मुरपुकीमी मेको कली आ किकी पिपी आन कली थिम्‍तीकेम थिम्‍मे बाक्‍त। मिनु यहूदा नु यरूसलेम ङा मुरपुकीम योसीयाह आ पर्बम रोंका पामे बाक्‍त।

भजन संग्रह 12:1

परमप्रभु यावे, वारच पाइक्‍की। इन लां खोइक्‍ब जाम्‍शा लाम्‍तेक्‍म। मुर आन दातेमी इन कली थमा सुइक्‍बपुकी यो मबाक्‍नीम।

भजन संग्रह 37:37

दोस मताइब आन कली कोव़ङीन। रिम्‍शो थुं पाइश्‍शो मुर कली कोव़ङीन। मारदे हना मेकोपुकी थुं नाइश्‍शा बाक्‍शो बाक्‍नीम। उत्‍पत्ती ३९:७-९

यसैया 42:25

मोपतीके परमप्रभु यावे मेको आन पर्बम शुश गाइक्‍ताक्‍व। मेको आन कली लडाइ ङा श्‍येत दुम्‍पाइक्‍तु। मेको आन एर ओंथ नेल्‍ल मी जेत्‍ताक्‍व। मो हना यो मेकोपुकीमी काइ मरुबेम। मी जेश्‍‍शा यो आन थुं परमप्रभु यावे गे मलेत्‍तेम।

यसैया 47:11

तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।

यसैया 47:7

मिनु गे ‘गो गेना हना यो पिपीम बाक्‍नुङ’ देंते। गे आं मुर आन कली मरिम्‍शो पाप्‍तीवी। नोले मार दुम्‍बा, मेको ममिम्‍ती।

यसैया 57:11

गे सु क्‍येङा शुश हिंशा, जोल पनी? मिनु आं कली मफ्रुक्‍थु ममिम्‍तीनी। गो सिक्‍सी पा बाक्‍शा, आं मिक्‍च क्रिप्‍ताक्‍ङ। मिनु गे आं कली तशा महिंनी? भजन संग्रह ५०:२१

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 22:10

बेक्‍शा लशो आन पर्बम मङाक्‍कीन। मेको आन पर्बम रोंका मपने। मेको क्‍येङा यो ग्‍याइश्‍शा लाइश्‍शो मुर आन पर्बम ङाक्‍कीन। मारदे हना मेको गेनायो मलेप्‍ब। मेकोमी आ रागी गेनायो मताइब। २राजा २३:२९-३४

इजीकीएल 21:3

मिनु इस्राएल ङा खाल्‍पा आन कली परमप्रभु यावेमी मार लोव़ पाप्‍तु देंशा हना ‘गो बारशा, आं तरवार खोत रे शोइश्‍शा, इन दाते ङा ठीक पाइब नु आं अरेशो लोव़ मटीब नेल्‍ल आन कली साइक्‍नुङमी।

मीका 7:2

थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

गन्‍ती 23:10

याकूब आ मुर फुरक खोदेंशो पा शुश दुम्‍शो बाक्‍नीम। इस्राएल ङा मुर आन ४ भाग ङा भाग का यो, सुम हिक्‍ने चाप्‍नीमी ङा? उत्‍पत्ती १३:१६ गे आं कली ठीक पाइब मुर आन कली खोदेंशो पा बेक्‍चा गेयीनी। मिनु आं बेक्‍तीके मेको आन केन खोदेंशो दुम्‍ल” देंत।