यसैया 56:12 - Sunuwar Bible

¹² मेकोपुकीमी ‘जाक्‍कीन, अङगुर शांबु ग्‍याप्‍य। राकसी तूशा, दुक्‍य। दीसा यो मुलाक्‍त ङा खोदेंशो दुम्‍ब। मेको क्‍येङा यो रिम्‍शो दुम्‍ब’ देंनीम” देंत।

यसैया 56:12 ပူးပေါင်းရင်းမြစ်များ

अय्‍युब 24:23

परमप्रभुम मेको आन कली प्रोंइतु हना यो, मेकोमी मेको आन कली गेना हना यो कोव़शो बाक्‍ब।

भजन संग्रह 10:6

मिनु मेकोपुकीमी आन थुंमी “गो श्‍येत मजाइनुङ। आं चच युइ सम्‍म यो श्‍येत मजाइनीम” दे मिम्‍नीम। भजन संग्रह ७३:६-८

हितोपदेस 20:1

अङगुर शांबुमी हेंथे ब्‍वाक्‍पाइक्‍ब। राकसीमी राम्‍शी पपाइक्‍ब। सु मेको तूशा दुक्‍नीमी, मेको जोक्‍ब तुइक्‍ब मदुम्‍नीम। हितोपदेस २३:२९-३५; हितोपदेस ३१:५; होसे ४:११

हितोपदेस 23:35

मिनु गे मार देंनेवे, देंशा हना “आं कली तुप्‍तीमी, तन्‍न मखाइक्‍ङ। तुप्‍तीमी तन्‍न मतुइक्‍तु। मुल गेना सेंसीशा, लेंशा तूनुङा?” देंनेवे।

हितोपदेस 27:1

“दीसा पाइनुङ” दे ठेयब लेश्‍शो लोव़ मपावो। मारदे हना मेको नाक्‍त मार दुम्‍बा गे मतुइक्‍नेवे। याकूब ४:१३,१४

उपदेसक 2:24

मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७

यसैया 5:11

आबी, गे राक‍सी तूचा कली सुनी कना बोक्‍बपुकी, नाक्‍दो सम्‍म शांबु तूना तून दुक्‍शा बाक्‍नीनी।

यसैया 5:12

बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२

यसैया 5:22

गेपुकी शांबु तूचा कली बोल्‍यो दुम्‍खु पाइनीनी। राकसी ब्वाइक्‍स जोक्‍ब बाक्‍नीनी।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

होसे 4:11

माइत अङगुर शांबु नु नक अङगुर शांबुम मुर आन रुप्‍तीके कली साम्‍ब।

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

नहुम 1:10

आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

१ कोरिन्‍थी 15:32

एफिसस सहरम शेंना शेंन बाक्‍ङानु, मेकेर ङा मुरपुकीमी जोइ वां खोदेंशो पा खेदा पतीमी। मुर बेक्‍शो रे मसेंसीनीम हना, जय तू्‍य मारदे हना दीसा बेक्‍नय। यसैया २२:१३

तीतस 1:7

मोदेंशो थमा सुइक्‍ब आन कली कोव़ब परमप्रभु यावे आ खिं ङा गेय पाइब दुम्‍शा, दोस गेचा मपुंइसीब बाक्‍चा माल्‍ब। मिनु ठेयब लेश्‍शो, शुश गाइक्‍ब, राकसी शांबु तूशा दुक्‍ब, चुरशा गुइ प्रोंइब नु शिंम मुरुम मेको गेय पने मचाप्‍नीम। १कोरिन्‍थी ४:१; २तिमोथी २:२४