यसैया 56:10 - Sunuwar Bible

¹⁰ इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९

यसैया 56:10 ပူးပေါင်းရင်းမြစ်များ

२ राजा 12:6

तन्‍न योआशमी सासन पवा आ २३ बर्स सम्‍म यो चढ़ेबपुकीम मेको बिग्रेशो मारेइ मसेल्‍पदमे बाक्‍त।

यसैया 29:10

मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यसैया 29:9

छक लाक्‍शा कोव़ङीन। मिक्‍च क्रिप्‍शा, मिक्‍च मताइब दुमीन। दुक्‍शो दुमीन। तन्‍न अङगुर शांबुम ममाइ। गोल्‍चा चिक्‍शा गाक्‍कीन, तन्‍न राकसीम ममाइ।

यसैया 52:8

नेनीन, इ कली कोव़ब नेल्‍लेमी ठेयब सेंदा पा ग्‍येरशा कुम्‍सो पाइनीम। मारदे हना मेकोमी परमप्रभु यावे सियोन गे लशा लेश्‍शा पिशो ताइनीम। यसैया ६२:६; इजीकीएल ३:१७

यसैया 58:1

मिनु परमप्रभु यावेमी “ठेयब सेंदा पा ग्रीङो। तुराही खोदेंशो पा ठेयब सेंदा पावो। आं मुर आन काइ मटिशो नु याकूब आ खिं ङा मुर आन पाप तुइक्‍पाइक्‍मी। मीका ३:८

बिलाप 4:14

मेकोपुकी मिक्‍च मताइब खोदेंशो पा लां मेर हिरसाक्‍म। मेकोपुकी हुश लुम्‍सीशो बाक्‍तेक्‍म। मेको आन वा सुइम मथिचा ङा बाक्‍त।

इजीकीएल 13:16

इस्राएल ङा मेको जोल पा परमप्रभु यावे आ लोव़ पाइबपुकीम यरूसलेम आ पर्बम लोव़ पाम्‍तेक्‍म। मिनु मेकेर थुं नाइश्‍शा बाक्‍तीक मदुम्‍थु यो ‘थुं नाइश्‍शा बाक्‍तीक ताइतक’ देंतेक्‍म।

इजीकीएल 33:6

तन्‍न मेको खाल पाइबम तरवार कुरशा लडाइ पाइब जाक्‍शो तशा यो, मुर आन कली नेंपाइक्‍चा कली तुराही मताप्‍तु नु तरवार जाक्‍शा सुइ मुर का कली साइक्‍तु हना, मेको मुर आ मरिम्‍शो पशो आ पर्बम बेक्‍ब। तन्‍न गो मेको खाल पाइब कली मेको आ हुश आ क्‍येक्‍क ताक्‍नुङ।

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

नहुम 3:18

अस्‍सुर ङा पिप, इ गोठलापुकी इप्‍शो बाक्‍नीम। इ ठेयब मुरपुकी नाइश्‍शा गोल्‍शा बाक्‍शो बाक्‍नीम। इ मुर नेल्‍ल डांडाम ब्रशो बाक्‍नीम। मिनु मेको आन कली खुप्‍ब सुइ मबाक्‍नीम।

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

फिलिप्‍पी 3:2

कुचुम खोदेंशो मुर आन क्‍येङा होस पा बाक्‍कीन। मरिम्‍शो गेय पाइब आन कली तशा, होस पा बाक्‍कीन। ख्रोइक्‍तीक चिनु ख्रोइक्‍चा माल्‍ब देंब, आन क्‍येङा यो होस पा बाक्‍कीन। प्रकाश २२:१५; गलाती ५:१२