यसैया 55:9 - Sunuwar Bible

⁹ सरीङ, रागी क्‍येङा इर बाक्‍शो खोदेंशो पा आं लां, इन लां क्‍येङा इर बाक्‍ब। मिनु आं मिम्‍शो इन मिम्‍शो, क्‍येङा इर बाक्‍ब।

यसैया 55:9 ပူးပေါင်းရင်းမြစ်များ

२ सामुएल 7:19

आं कली पशो इन ङोंइती आइक्‍च बाक्‍ब। गे इन गेय पाइब आ खिं आ पर्बम नोले दुम्‍ब लोव़ यो पाइतीनी। परमप्रभु यावे, मेको इन मुर आन कली अरेशो लोव़ बाक्‍ब।

भजन संग्रह 103:11

रागी रे सरीङ दोशो इर बाक्‍बा, मोशोन आ गेना हना यो दाक्‍तीके आ कली मान पा हिंब आन कली पशो बाक्‍ब। भजन संग्रह ३६:६; यसैया ५५:८-९

भजन संग्रह 36:5

परमप्रभु यावे, इन गेना हना यो दाक्‍तीके सरीङ सम्‍म जाक्‍दीश्‍शो बाक्‍ब। इन दाक्‍शा मप्रोंइतीके गोस्‍स क्‍येङा इर बाक्‍ब।

भजन संग्रह 77:19

इन लां समुन्‍द्र रे पा लशो बाक्‍त। इन गाक्‍शो लां ठेयब समुन्‍द्र आ दातेमी बाक्‍त। मो हना यो इन खोइलीम दिम्‍शो मारेइ मतांइसे। प्रस्‍थान १४:२१-३१

भजन संग्रह 89:2

गे इन दाक्‍तीक गेना हना यो लीपाइक्‍चा कली वोइक्‍तीनी। इन दाक्‍शा गेनायो मप्रोंइतीके सरीङ खोदेंशो ठेयब बाक्‍ब।

भजन संग्रह 92:6

निप्‍स मपाइश्‍शो मुरपुकीमी मेको तुइक्‍ने मचाप्‍नीम। मूर्खपुकीमी मेको रुप्‍ने मचाप्‍नीम।

यसैया 14:24

मिनु मुर नेल्‍ल आन परमप्रभु यावेमी कसम जशा “थमा पा, आं ङोंइती मिम्‍शो खोदेंशो पा दुम्‍पाइक्‍नुङ। गो आं देंशो पाइनुङ।

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९