यसैया 55:4 - Sunuwar Bible

⁴ नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।

यसैया 55:4 ပူးပေါင်းရင်းမြစ်များ

२ सामुएल 22:44

गे आं कली मुर आन जिचा पोक्‍तीक रे प्रोंइतीनी। गे आं कली रागी रागी ङा मुर आन ठेयब मुर सेल्‍शा वोइक्‍तीनी। आं मतुइश्‍शो मुरपुकीम आं कली गेय पाम्‍तेक्‍म।

भजन संग्रह 18:43

गे मुर आन साइक्‍तीक रे आं कली प्रोंइतीनी। रागी रागी कली सासन पाइब सेल्‍तीनी। आं मतुइश्‍शो जात ङा मुरपुकी आं गेय पाइब दुम्‍तेक्‍म।

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

यसैया 16:5

गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 43:10

परमप्रभु यावेमी “गेपुकी आं सांकछी बाक्‍नीनी। मिनु गे आं योव़शो गेय पाइब बाक्‍नीनी। गे आं कली तुइश्‍शा थमा सुइक्‍ब दुम्‍शो बाक्‍नीनी। मिनु गो परमप्रभु नङ, दे रुप्‍नीनी। आं ङोंइती सुइ परमप्रभु मबा, आं नोले यो सुइ परमप्रभु मदुम्‍नीम। यसैया ४४:३

यसैया 43:12

इन दातेमी देवी देवता मबाक्‍थु, गो इन कली शेंशा, पाप रे प्रोंइशा, लोव़ नेंपाइक्‍ता। गे आं सांकछी बाक्‍नीनी।

येरमीया 30:9

तन्‍न मेकोपुकीम परमप्रभु यावे, आन परमप्रभु, आं कली नु आं सेल्‍शो पिप दाऊद आ गेय पाइनीम।

इजीकीएल 37:24

आं गेय पाइब दाऊद मेको आन पिप दुम्‍ब। मिनु मेको आन गोठला कान दुम्‍ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्‍लुम मुशा ब्रेक्‍शो लोव़ होस पा पाइनीम। इजीकीएल ३४:२३; इजीकीएल ३६:२७

इजीकीएल 37:25

मिनु मेकोपुकी आं गेय पाइब याकूब कली गेशो रागीम बाक्‍नीम। मेकेर आन किकी पिपी बाक्‍शो बाक्‍तेक्‍म। मिनु मेकेर मेको आन आल, चच युइ गेना हना यो बाक्‍नीम। मिनु आं गेय पाइब दाऊद गेना हना यो मेको आन कली सासन पाइब दुम्‍ब। लूका १:३२-३३

दानीएल 9:25

मोपतीके यरूसलेम लेंशा सेल्‍तीक लोव़ तेल लुक्‍शो पिप मजाक्‍म सम्‍म ७ हप्‍ता बाक्‍नीम। मिनु ६२ हप्‍ता लां नु खिं आ एर ओंथ लेंशा सेल्‍चा कली माल्‍ब, दे रुप्‍शा तुइक्‍तो। मेना श्‍येत जतीक ना बाक्‍ब।

होसे 3:5

मिनु नोले ङा नाक्‍तीमी इस्राएलीपुकी लेश्‍शा, परमप्रभु यावे, आन परमप्रभु कली नु आन पिप दाऊद कली माल्‍नीम। मेकोपुकी ख्रिंख्रि पा आन परमप्रभु यावे गे लेश्‍शा, आसीक ताइनीम। येरमीया ३०:९; इजीकीएल ३४:२३-२४

मत्ती 2:6

‘ए यहूदीया ङा बेथलेहेम सहर, यहूदीया ङा सहर नेल्‍ल क्‍येङा आइक्‍च महिक्‍सीशो सहर मनवे। मारदे हना इं इस्राएली आन कली सासन पाइब बेथलेहेममी जरमेसीब’ दे ब्रेक्‍शो बाक्‍ब” दे शेंदमे बाक्‍त। मीका ५:२

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 10:3

गोठला जाक्‍मेनु, लाप्‍चो खाल पाइबमी मेको कली लाप्‍चो रोक्‍ब। भेडापुकीमी गोठला आ सेंदा नेंनीम। गोठलामी आंम भेडा आन नें थिशा ब्रेश्‍शा, गोठ रे ग्रुंइब।

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 13:13

गेपुकीमी आं कली शेंब नु प्रभु देंनीनी। मेको ठीक देंतीनी। मारदे हना गो मेकोन नङ। मत्ती २८:८,१०

यूहन्‍ना 18:37

पिलातसमी “मिनु गे पिपन ननी?” दे हिल्‍लो पाप्‍तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्‍बा, दे कोंइचा कली रागीम जरमेशा जाक्‍ती। सु थमामी बाक्‍बा, मेकोमी आं सेंदा नेंब” देंत। १तिमोथी ६:१३

यूहन्‍ना 3:16

परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९

एफिसी 5:24

दोपा थमा सुइक्‍बपुकीमी ख्रीस्‍त कली टीनीमी, मोपा मीश मुरपुकीमी आंम वोंइश आ देंशो नेल्‍ल टिचा माल्‍नीमी।

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

१ तिमोथी 6:13

नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५

हिब्रू 2:10

नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२

हिब्रू 5:9

मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५