यसैया 55:12 - Sunuwar Bible

¹² मिनु गेपुकी ग्‍येरसीशा लाइनीनी। रिम्‍शो पा लेत्‍नीनी। इन ङोंइती डांडा नु पहाड कुम्‍सो पाइनीम। मिनु ब्‍वाकी ङा रवा नेल्‍लेमी गुइ फ्रोक्‍नीम। यसैया ४४:२३

यसैया 55:12 ပူးပေါင်းရင်းမြစ်များ

भजन संग्रह 105:43

मोपा परमप्रभुमी आ योव़शो मुर आन कली ग्‍येरपाइश्‍शा ग्रुंइदीमी बाक्‍त। मिनु मेकोपुकी कुम्‍सो पा ग्रू‍मा बाक्‍त।

भजन संग्रह 47:1

जात जात ङा मुर नेल्‍लेमी इन गुइ फ्रोक्‍तीन। गे ग्‍येरशा, परमप्रभु कली कुम्‍सो पने।

भजन संग्रह 65:12

गोरशो रागी ङा बी ब्‍यफ योव़तीके गिग दुम्‍नीम। पहाड थाम्‍पा ग्‍येरसीशो बाक्‍नीम।

भजन संग्रह 65:13

योव़तीके नेल्‍ल क्‍यारश भेडापुकीमी ब्रीशो बाक्‍नीम। दिंमपुकी अन्‍नमी सुम्‍सीशो बाक्‍नीम। मेकोपुकी शुश ग्‍येरसीशा कुम्‍सो पाइनीम।

भजन संग्रह 69:34

सरीङ नु रागीमी मेको कली ठेयब सेल्‍सेक्‍ल। समुन्‍द्र नु मेकेर बाक्‍शो नेल्‍लेमी मेको कली ठेयब सेल्‍मेक्‍ल।

यसैया 14:8

तोव़शी रवापुकी नु लेबानोन ङा लाइश्‍शो रवापुकीमी यो ग्‍येरशा “गे खतम दुमे रे आंइ कली क्‍योरब सुइ मजाक्‍म” देंनीम।

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 44:23

गे सरीङ कुम्‍सो पावो। रागी नेल्‍ल रेयके पा, शुश कुम्‍सो पने। गे डांडा, ब्‍वाकी नु रवा नेल्‍लेमी कुम्‍सो पने। मारदे हना परमप्रभु यावेमी याकूब कली श्‍येत रे प्रोंइतु। इस्राएल रागीमी आं नें ठेयब सेल्‍शो बाक्‍ब। यसैया ४९:१३; यसैया ५५:१२; भजन संग्रह ९६:११-१३

यसैया 48:20

‘बेबीलोन रे ग्रूङीन। कल्‍दी आन रागी रे प्रोक्‍कीन’ दे ठेयब सेंदा पा नेल्‍ल आन कली नेंपतीन। रागी ङा सुर सम्‍म नेंपतीन। गेपुकीमी ‘परमप्रभु यावेमी आ गेय पाइब याकूब कली पाप रे प्रोंइतु’ दे नेंपतीन” देंत। येरमीया ५१:६; प्रकाश १८:४

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

यसैया 51:11

परमप्रभु यावे आ प्रोंइशोपुकी लेत्‍नीम। मेकोपुकी कुम्‍सो पना पन सियोनम जाक्‍नीम। मिनु गेना हना यो ग्‍येरशा बाक्‍नीम। शुश ग्‍येरतीके, मेको आन श्‍येत नु हुक‍यी पतीके जाम्‍शा लाइ‍ब। यसैया ३५:१०

यसैया 52:9

यरूसलेम ङा ब्रेश्‍शो खिं ग्‍येरशा कुम्‍सो पने। मारदे हना परमप्रभु यावेमी आ मुर आन थुं बारपाइक्‍तु। मिनु मेकोमी यरूसलेम कली श्‍येत रे प्रोंइतु।

यसैया 54:10

डांडापुकी याक्‍सीनीम, पहाडपुकी हिम्‍सीनीम। तन्‍न आं गेना हना यो दाक्‍तीक इ क्‍येङा ङोन मलाइब। इ थुं नाइक्‍चा गेब कबल मक्‍याम्‍सीब” दे इ कली शिशी पाइब परमप्रभु यावेमी देंत। इजीकीएल ३७:२६

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

येरमीया 29:11

मारदे हना गो इन पर्बम शुश मिम्‍शो बाक्‍नुङ। गो मेको मिम्‍शो तुइक्‍नुङ। आं मिम्‍शो इन कली रिम्‍शो दुम्‍चा कली बाक्‍ब। मरिम्‍शो दुम्‍पाइक्‍चा कली ममाइ।

येरमीया 30:19

मेकेर ‘गे रिम्‍शो पाइब बाक्‍नीनी’ दे कुम्‍सो पशो नु थुं नाइश्‍शा बाक्‍शो ग्‍येरशो सेंदा नेंसीब। गो मेको आन कली शुश सेल्‍नुङमी। मिनु मेकोपुकी इच्‍का का ला मदुम्‍नीम। गो मेको आन कली मान ताइब सेल्‍नुङमी। मिनु मेको आन कली सुइम शुक्‍शी मपाइनीम।

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

येरमीया 33:6

गो आं मुर आन कली सापाइक्‍नुङमी। मिनु गो मेको आन कली सापाइश्‍शा, आन माल्‍शो गेशा मारेइ मदुम्‍थु रिम्‍शो पा बाक्‍चा गेनुङमी। येरमीया ३०:१७

इजीकीएल 17:24

मिनु रू ङा रवा नेल्‍लेम गो, परमप्रभु यावे नङ, दे तुइक्‍चा माल्‍नीम। गो लाइश्‍शो रवा आन कली आइक्‍च सेल्‍नुङ। आइक्‍च रवा आन कली लाइश्‍शो सेल्‍नुङ। गो गिगी रवा आन कली सोव़पाइक्‍नुङ। मिनु सोव़शो रवा आन कली गिगी दुम्‍पाइक्नुङ। गो, परमप्रभु यावेमी एको लोव़ पाता। मिनु गो एको थमा पा पाइनुङ” देंत।

लूका 15:10

मोपा पापी मुर कामी पाप पचा प्रोंइशा, आ थुं परमप्रभु यावे गे लेत्‍ताक्‍व हना, परमप्रभु यावे आ स्‍वर्ग ङा गेय पाइबपुकी ग्‍येरसीनीम” दे माइक्‍मी बाक्‍त।

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

रोमी 5:1

मिनु गो थमा सुइश्‍शोमीन ठीक दुम्‍पाइक्‍चा पुंइसीशा, इं प्रभु येसु ख्रीस्‍त रे पा परमप्रभु यावे नु दुशा बाक्‍तीक दुम्‍शो बाक्‍त। रोमी ३:२४,२८; यसैया ५३:५

रोमी 5:11

मेको ला ममाइ, इं प्रभु येसु ख्रीस्‍तम इं पशो पाप रे प्रोंइतीके आ पर्बम परमप्रभु यावे आ मुर दुम्‍शा ग्‍येरनय।

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

कलस्‍सी 1:11

इन छेङछेङ ङा सक्ति खोदेंशो पा मेको आन कली सक्ति पाइश्‍शो, बोल्‍यो सेलीन। मिनु सक्ति पाइश्‍शो बोल्‍यो दुम्‍शा, मारेइ मारेइ फाल्‍ने चाप्‍नीम” दे प्रार्थना पाइतस्‍कु।