यसैया 55:1 - Sunuwar Bible1 मिनु परमप्रभु यावेमी “तूतू दाक्बपुकी ब्वाक्कु बाक्तीकेम जाक्कीन। क्येट मथीबपुकी यो जाक्कीन। मिनु ग्याप्शा जने। क्येट मथाप्थु, मोशा अङगुर शांबु नु दूध ग्यापीन। यूहन्ना ७:३७; प्रकाश २२:१७ အခန်းကိုကြည့်ပါ။ |
यसैया 55:1
39 ပူးပေါင်းရင်းမြစ်များ
मिनु नोले मेकोमी आं कली परमप्रभु यावे आ खिं आ ओव़तीक लाप्चोम लेश्शा चाक्ती। मिनु गो मेको लाप्चो आ थेंका रे ब्वाक्कु यिशा, पूर्ब गे शाइश्शो ताता। मारदे हना मेको परमप्रभु यावे आ खिं पूर्ब गे कोव़शो बाक्त। मिनु मेको ब्वाक्कु परमप्रभु यावे आ खिं आ दक्खिन चढ़ेतीक आ दक्खिन रे शाइश्शो बाक्त। उत्पत्ती २:१०-१४; योएल ४:१८; प्रकाश २२:१
मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।
ကြော်ငြာတွေ