यसैया 54:9 - Sunuwar Bible

⁹ मिनु लेंशा “मेको आं कली नोआह आ नाक्‍ती खोदेंशो बाक्‍ब। दोपा गो नोआह आ पाला ङा ब्‍वाक्‍कुम लेंशा रागी कली मसुम्‍ब, दे कसम जङा, मोपा गे नु मगाइक्‍नुङ, दे कसम जाता। मिनु गो इ कली महुइक्‍नुङ। उत्‍पत्ती ९:११-१७

यसैया 54:9 ပူးပေါင်းရင်းမြစ်များ

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

अय्‍युब 11:16

मिनु गे इन श्‍येत प्रेंनीनी। गे मेको कली शाइश्‍शा लशो ब्‍वाक्‍कु खोदेंशो मिम्‍नीनी।

भजन संग्रह 104:9

मेको लेंशा रागी कली सुम्‍थ मजाक्‍मल, दे गे सांद सेल्‍तीनी। अय्‍युब ३८:८-११; हितोपदेस ८:२९

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 49:18

कोव़ङो, मिक्‍च हिरशा कोव़ङो। मेको नेल्‍ल ग्रुम्‍शा, इ बाक्‍तीक जाक्‍नीम। परमप्रभु यावेमी “गो ब्रोंइशा बाक्‍शो खोदेंशो पा, गे मेको लेश्‍शा जाक्‍ब आन कली माला खोदेंशो पा रेल्‍सीचा माल्‍नेवे। ग्‍युम्‍ली खोदेंशो पा मेकोपुकीमी ग्‍योम्‍सीचा माल्‍नेवे। यसैया ६०:४

यसैया 51:22

परमप्रभु यावे, इ होव़प दुम्‍शा परमप्रभुमी “गो आं मुर आन कली वारच पाइब बाक्‍नुङ। गो इ दिङ दाङ गोल्‍पाइक्‍ब कचौरा इ गुइ रे लाइक्‍ता। मुल रे गे आं गाइक्‍तीक कचौरा लेंशा तूचा ममाल्‍नेवे।

यसैया 51:6

मिनु सरीङ गे कोव़ङीन। खप गे कोव़ङीन। मारदे हना सरीङ कुन खोदेंशो पा जाम्‍ब। रागी वा खोदेंशो पा जेक्‍ब। रागीम बाक्‍ब मुर नेल्‍ल भुस्‍ना खोदेंशो पा बेक्‍नीम। आं पाप रे प्रोंइतीके चहिं गेना हना यो लीशा बाक्‍ब। आं ग्रातीके गेनायो मनुप्‍‍ब। भजन संग्रह १०२:२६-२७; मत्ती २४:३५

यसैया 51:8

मारदे हना तुम्‍बुम वा नेक्‍शो खोदेंशो पा, मेको आन कली नेक्‍नीम। बुस्‍सुम ऊन ख्रोइश्‍शो खोदेंशो पा ख्रोइक्‍नीम। आं ग्राचा चहिं गेना हना यो लीशा बाक्‍ब। आं पाप रे प्रोंइतीके पाला पाला नेल्‍ल आन कली लीब” देंत।

यसैया 55:11

आ लोव़ यो मोदेंशो बाक्‍ब। मेको श्‍येत्‍थ मलेप्‍ब। गो मेको कली मार पथ सोइक्‍तु, मेको पाइब। आं दाक्‍शो थमा पा पाइब। आं मिम्‍शो पाइब। मत्ती १३:८

यसैया 62:8

परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२

येरमीया 31:37

परमप्रभु यावेमी “सरीङ कली पुक्‍ने जाप्‍त हना, रागी आ जग माल्‍शा ग्रुंइने चाम्‍साक्‍व हना, ला गो इस्राएल आ आल आन कली तिल्‍नुङमी” देंत।

इजीकीएल 16:42

मिनु आं गाइश्‍शो नु आं रुश पशो, इ रे ङोन नाइक्‍पाइक्‍नुङ। मिनु गो सिक्‍सी पा बाक्‍शा मगाइक्‍नुङ।

इजीकीएल 39:20

गेपुकी आं भोजम शारा, बग्‍गी ङोइक्‍ब, सक्ति पाइश्‍शो मुर नु नेल्‍ल खाल ङा लडाइ पाइब ब्‍वशा रूनीनी’ ” दे परमप्रभु, परमप्रभु यावेमी देंत।

इजीकीएल 39:29

मुल रे गो आं कुल मेको आन ङोंइती रे गेनायो मख्रुइक्‍नुङ। मारदे हना गो आं सोक्‍त इस्राएल आ खिं ङा मुर आन तार मोइक्‍नुङ” दे परमप्रभु, परमप्रभु यावेमी देंत। इजीकीएल ३६:२६-२७; योएल ३:१