यसैया 54:7 - Sunuwar Bible

⁷ गो इ कली याम का प्रोंइतन। तन्‍न गो इ कली शुश शिशी पा लेंशा खुप्‍ताक्‍न। भजन संग्रह ३०:६

यसैया 54:7 ပူးပေါင်းရင်းမြစ်များ

भजन संग्रह 106:47

मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। ब्‍यवस्‍था ३०:३; १इतिहास १६:३५

भजन संग्रह 107:3

मेको आन कली रागी रागी रे खुप्‍ताक्‍मी। पूर्ब, पच्‍छिम, उत्तर, दक्‍खिन नु ब्‍वाक्‍कु बुक्‍तीके रे नु ब्‍वाक्‍कु शाइक्‍तीक रे खुप्‍ताक्‍मी।

भजन संग्रह 30:5

मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८

भजन संग्रह 30:6

गो थुं नाइश्‍शा बाक्‍ङानु “गो गेनायो महिम्‍सीनुङ” देंती।

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 11:12

मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 26:20

आं मुरपुकी जाक्‍शा, इन खिं ओव़ङीन। मिनु इन नोले लाप्‍चो चोक्‍कीन। गाइक्‍चा मनुम्म सम्‍म इच्‍का नाक्‍ती ख्रुंइ‍सीन। मत्ती ६:६

यसैया 27:12

मिनु मेको नाक्‍ती परमप्रभु यावेमी युफ्रेटीस खोला रे इजीप्‍त ङा ब्‍वाक्‍कु मबाक्‍शो खोला सम्‍म अन्‍न तुप्‍ब। गे इस्राएल ङा मुरपुकी का का पा खुप्‍चा पुंइसीनीनी।

यसैया 27:8

ग्‍याइश्‍शा लाइक्‍चा पुंइसीशो रागी रे ग्रुंइशो मुर नु लडाइ पाइतीनी। परमप्रभुमी मेको आन कली मुइश्‍शा, पूर्ब ङा फश पवानु, ठेयब फश गिवारमी योल्‍पाइक्‍ब।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 49:13

सरीङ, ग्‍येरसीशा कुम्‍सो पावो। रागी, ग्‍येरसो। डांडापुकी ग्‍येरशा, कुम्‍सो पने। मारदे हना परमप्रभु यावेमी आ मुर आन कली लेम्‍‍ताक्‍व। मेकोमी श्‍येत जाइब आन कली शिशी पाइब। यसैया ४४:२३

यसैया 49:18

कोव़ङो, मिक्‍च हिरशा कोव़ङो। मेको नेल्‍ल ग्रुम्‍शा, इ बाक्‍तीक जाक्‍नीम। परमप्रभु यावेमी “गो ब्रोंइशा बाक्‍शो खोदेंशो पा, गे मेको लेश्‍शा जाक्‍ब आन कली माला खोदेंशो पा रेल्‍सीचा माल्‍नेवे। ग्‍युम्‍ली खोदेंशो पा मेकोपुकीमी ग्‍योम्‍सीचा माल्‍नेवे। यसैया ६०:४

यसैया 49:21

मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

यसैया 60:10

मिनु अर्को रागी ङा मुरपुकीम इ गारो प्रोव़शा हिरनीम। मेको आन पिपपुकीमी इ गेय पाइनीम। ङोंइती गाइश्‍शा, इ कली तुप्‍तन। तन्‍न मुल आं दाक्‍तीकेमी शिशी पाइक्‍तन। यसैया ५४:८

यसैया 60:4

इ मिक्‍च हिरशा, कोव़ङो। इ मुर नेल्‍ल ग्रुम्‍शा, इ बाक्‍तीके जाक्‍नीम। इ तौपुकी ङोन रागी रे जाक्‍नीम। इ तमी आन कली मुप्‍शा कुरशा चाक्‍नीम। यसैया ४९:१८; यसैया ४९:२२; यसैया ६६:१२

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

यसैया 63:7

गो परमप्रभु यावे आ मुर आन कली शिशी पतीक गेय मिम्‍नुङ। मारदे हना मेको आ पर्बम परमप्रभु यावे कली ठेयब सेल्‍चा माल्‍नीकी। मिनु आंइ कली मार मार पशो आ पर्बम, इस्राएल आ खिं ङा मुर आन कली शुश दाक्‍ताक्‍व। मिनु मेको आन कली शिशी कोंइशा, गेना हना यो दाक्‍शो बाक्‍त। मोपतीके मेको कली ठेयब सेल्‍चा माल्‍नीकी।

यसैया 66:18

परमप्रभु यावेमी “गो मेको आन पतीके नु आन मिम्‍तीके तुइक्‍नुङ। मिनु रागी रागी ङा मुर नेल्‍ल नु नेल्‍ल खाल ङा लोव़ पाइब मुर आन कली खुप्‍नुङ। मिनु मेको मुर जाक्‍शा, आं छेङछेङ ताइनीम।

येरमीया 51:5

मिनु इस्राएल नु यहूदा परमप्रभु, मुर नेल्‍ल आन परमप्रभु यावे रे मप्रोंइसीशो बाक्‍ब। मेको आन रागी इस्राएली आन का ला बाक्‍शो परमप्रभु यावे कली पापम ब्रीशो बाक्‍ब। यसैया ५४:४; येरमीया ५०:२९

बिलाप 3:31

परमप्रभुमी मुर आन कली आ ङोंइती रे गेना हना यो मतिल्‍ब। यसैया ५४:८

बिलाप 3:32

मेकोमी श्‍येत गेप्‍तु हना यो, लेंशा शिशी पाइब। मेको आ गेना हना यो दाक्‍तीक थम ठेयब बाक्‍ब।

इजीकीएल 36:24

गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।

मीका 4:6

परमप्रभु यावेमी मार देंत देंशा हना “मेको नाक्‍ती गो खोइल मदुक्‍ब आन कली खुप्‍नुङमी। मिनु गो खेरशो नु श्‍येत जशो आन कली खुप्‍नुङमी। येरमीया ३१:८; ब्‍यवस्‍था ३०:४

मत्ती 23:37

ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।

२ कोरिन्‍थी 4:17

मारदे हना मुल जशो श्‍येत इच्‍का ला बाक्‍ब। नोले मेकोमी इं कली मरुप्‍चा ङा ठेयब छेङछेङमी बाक्‍चा गेब। रोमी ८:१७-१८; १पत्रुस १:६

एफिसी 1:10

मिनु मेको नेल्‍ल ठीक दुम्‍मेनु, परमप्रभु यावेमी ख्रीस्‍त कली रागीमी सोइक्‍ताक्‍व। मोपा रागी नु स्‍वर्गमी बाक्‍ब, इस्राएली नु अर्को रागी ङा मुर नेल्‍ल आन कली ख्रीस्‍तमी का सेल्‍तु। गलाती ४:४

ब्‍यवस्‍था 30:3

मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७

याकूब 4:6

तन्‍न परमप्रभु यावेमी मेको क्‍येङा शुश शिशी पाइब। मिनु “गो ठेयब लेश्‍शो मुर आन कली शिशी मपाइनुङ। ब्रेम्‍शो, ठेयब मलेश्‍शो मुर आन कली ला शिशी पाइनुङ” दे ब्रेक्‍पाइश्‍शो बाक्‍ब। अय्‍युब २२:२९; हितोपदेस ३:३४; मत्ती २३:१२; १पत्रुस ५:५

२ पत्रुस 3:8

मिनु आं दाक्‍शो लोक्‍बपुकी, प्रभु कली नाक्‍त का हजार का बर्स खोदेंशो बाक्‍ब। मिनु हजार का बर्स नाक्‍त का खोदेंशो बाक्‍ब। भजन संग्रह ९०:४