यसैया 54:5 - Sunuwar Bible

⁵ मारदे हना इ कली सेल्‍ब इ वोंइश बाक्‍‍ब। मेको आ नें मुर नेल्‍ल आन परमप्रभु यावे बाक्‍ब। इ कली श्‍येत रे प्रोंइब इस्राएली आन का ला बाक्‍शो परमप्रभु बाक्‍ब। मेको आ नें रागी नेल्‍ल ङा परमप्रभु बाक्‍ब।

यसैया 54:5 ပူးပေါင်းရင်းမြစ်များ

अय्‍युब 19:25

तन्‍न आं कली श्‍येत रे प्रोंइब का बाक्‍ब। मेको नोले ङा नाक्‍त रागीम जाक्‍शा आं सांकछी दुम्‍‍ब। मेको गो तुइक्‍नुङ। यसैया ४१:१४; होसे १३:१४; अय्‍युब २६:६

यसैया 11:9

आं डांडामी मारेइ श्‍येत नु खतम दुम्‍तीके मबाक्‍ब। मारदे हना दोदेंशो पा ब्‍वाक्‍कुम समुन्‍द्र ब्रीबा, मोदेंशो पा परमप्रभु यावे कली तुइक्‍तीकेम रागी नेल्‍ल ब्रीब।

यसैया 43:1

याकूब, इ कली नु इस्राएल कली सेल्‍ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्‍ती। गे आं मुर बाक्‍नीनी।

यसैया 43:14

मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।

यसैया 45:11

मिनु परमप्रभु यावे, इस्राएली आन का ला बाक्‍शो परमप्रभु यावे नु इस्राएल कली सेल्‍बमी, मार देंब देंशा हना “गे आं कली ‘आं आल ते लाइनीनी’ दे हिल्‍लो पाइनेवे? आं गेय आ पर्बम आं कली अरेचा माल्‍नेवे?

यसैया 48:17

इन कली श्‍येत रे प्रोंइब इस्राएली आन का ला बाक्‍शो परमप्रभुमी “गो परमप्रभु यावे, इन परमप्रभु नङ। गो इन कली रिम्‍शो दुम्‍चा कली शेंनुङ। मिनु तेको लां लचा माल्‍नीनी, मेको कोंइनुङ।

यसैया 48:2

मेकोपुकी आंम आंमा ‘गोपुकी परमप्रभु आ योव़शो सहर ङा नकी’ देंनीम। इस्राएली आन परमप्रभु आ पर्बम मेकोम आंइ कली कोव़ब” दे मिम्‍नीनी। मेको आ नें मुर नेल्‍ल आन परमप्रभु यावे बाक्‍ब।

यसैया 51:15

मारदे हना गो परमप्रभु यावे, इन परमप्रभु नङ। गो समुन्‍द्र ङा छाल पोक्‍नुङ। आं नें मुर नेल्‍ल आन परमप्रभु यावे बाक्‍ब। येरमीया ३१:३५

यसैया 54:8

गो शुश गाइश्‍शा, याम का आं कुल इ ङोंइती रे ख्रुइक्‍ताक्‍ङ। तन्‍न आं गेना हना यो दाक्‍तीकेमी इ कली शिशी पाइनन” दे इ कली पाप रे प्रोंइब परमप्रभु यावेमी देंत। यसैया ६०:१०; बिलाप ३:३१-३२

यसैया 6:3

मिनु सेराफ कामी अर्को सेराफ कली “मुर नेल्‍ल आन परमप्रभु यावे का ला ठेयब सक्ति पाइश्‍शो बाक्‍ब। रागी नेल्‍ले आ छेङछेङम ब्रीशो बाक्‍ब” देंत। प्रकाश ४:८

यसैया 65:16

मिनु सु सुम रागीमी आसीक पुंइनीमी, मेकोपुकी थमा सुइक्‍चा पुंइसीब परमप्रभु आ नेंमी आसीक ताइनीम। मिनु रागीमी सु सुमी कसम जाइनीमी, मेकोपुकीमी थमा सुइक्‍चा पुंइसीब परमप्रभु आ नेंमी कसम जाइनीमी। मारदे हना ङोंइती ङा श्‍येत नुप्‍शा, प्रेंने थुम्‍शो बाक्‍नीम। मिनु आं ङोंइती रे ख्रुंइसीशो बाक्‍नीम। यसैया १९:१८; येरमीया ४:२

येरमीया 10:16

परमप्रभु यावे, याकूब आ भाग बाक्‍ब। मेको मारेइ मारेइ सेल्‍ब बाक्‍ब। मिनु इस्राएल मेको आ शोंप बाक्‍ब। मेको आ नें मुर नेल्‍ल आन परमप्रभु यावे बाक्‍ब” देनो। ब्‍यवस्‍था ३२:९

येरमीया 3:14

मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३

येरमीया 51:19

परमप्रभु यावे मेको खोदेंशो ममाइ। परमप्रभु यावे याकूब आ भाग बाक्‍ब। मेको आन खोदेंशो ममाइ। मारदे हना परमप्रभु यावे मारेइ मारेइ सेल्‍ब बाक्‍ब। मिनु इस्राएली मेको आ मुर बाक्‍नीम। मेको आ नें मुर नेल्‍ल आन यावे बाक्‍ब।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

होसे 2:16

मिनु परमप्रभु यावेमी “मेको नाक्‍त गे आं कली ‘आं वोंइश’ देंनेवे। मिनु ‘आं बाल देवता’ मदेंनेवे। यसैया ५४:५

होसे 2:18

गो मेको नाक्‍त मेकोपुकी, ब्‍वाकी ङा जन्‍तुपुकी, सरीङ ङा चिक्‍बपुकी नु खपीम ग्रे‍शा गाक्‍ब जन्‍तुपुकी नु कबल का पाइनुङ। मिनु मेको रागी ङा मुरपुकीमी मेना रे लिब्रा, तरवार नु लडाइ मताइनीम। मिनु मुर नेल्‍ल हेम्‍म पा बाक्‍चा ताइनीम। उत्‍पत्ती ९:९-१०; इजीकीएल ३४:२५

जकरिया 14:9

परमप्रभु यावे रागी नेल्‍ल ङा पिप दुम्‍ब। मेको नाक्‍त परमप्रभु यावे का ला बाक्‍ब। आ नें यो का ला बाक्‍ब। भजन संग्रह ९७:१; प्रकाश ११:१५

मलाकी 1:11

“नां दाप्‍तीक रे नां पेरतीक सम्‍म रागी रागी ङा मुर आन दातेमी आं नें ठेयब बाक्‍ब। रागी नेल्‍ल ङा मुरपुकीमी आं कली धूप चोशा, रिम्‍शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्‍ब” दे मुर नेल्‍ल आन परमप्रभु यावेमी देंत। यसैया ६०:१-७

लूका 1:32

मेको ठेयब दुम्‍ब। मेको कली नेल्‍ल क्‍येङा ठेयब आ तौ देंनीम। मिनु परमप्रभु, परमप्रभु यावेमी मेको कली आ किकी पिपी दाऊद आ ठेयब नित्‍तीके गेब। यसैया ९:६

यूहन्‍ना 3:29

ग्‍युम्‍लेमी ग्‍युम्‍ली कली चाक्‍शो तशा, आ लोव़ नेंशा, आ वारच ग्‍येरसीब। मोपतीके गो थमा पा ग्‍येरसीनुङ। मत्ती ९:१५

एफिसी 5:32

मेको आ ख्रुइश्‍शो अर्थ ठेयब बाक्‍ब। मिनु मार बाक्‍ब देंशा हना, गो ख्रीस्‍त नु थमा सुइक्‍ब आन पर्बम लोव़ पाइनुङ।

यहोसु 3:11

कोव़ङीन, रागी नेल्‍ल आन कली सासन पाइब परमप्रभु आ कबल पशो सन्‍दोस इन ङोंइङोंइती यर्दन शोक्‍चा कली लाइब।

यहोसु 3:13

गेना परमप्रभु यावे, रागी नेल्‍ल आन कली सासन पाइब परमप्रभु आ कबल पशो सन्‍दोस कुरब चढ़ेब आन खोइली यर्दन ङा ब्‍वाक्‍कुमी ख्रुम्‍नीमी, मेना इर रे यिशो यर्दन ङा ब्‍वाक्‍कु नांइसीब। मिनु गारो खोदेंशो पा राप्‍शा बाक्‍ब” देंत। भजन संग्रह ९७:५; मीका ४:१३; जकरिया ४:१४

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।