यसैया 54:17 - Sunuwar Bible

¹⁷ गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

यसैया 54:17 ပူးပေါင်းရင်းမြစ်များ

अय्‍युब 1:11

तन्‍न गे इन गुइ दिंशा, मेको आ मारेइ मारेइ थि‍ने। मिनु मेकोमी इन कली इन ङोंइतीन सराप चीले पाइब” देंमाक्‍त।

अय्‍युब 2:5

इन गुइ दिंशा, मेको आ रुश नु श्‍ये थि‍ने। मिनु मेकोम इन ङोंइतीन इन कली सराप चीले पाइब” दे लोव़ लेत्‍ता बाक्‍त।

अय्‍युब 42:7

मिनु परमप्रभु यावेम अय्‍युब नु लोव़ पने थुम्‍शा, मेकोम तेमान ङा एलीफाज कली “गे नु इ वारच निक्‍शी इन कली तशा, गो गाइश्‍शो बाक्‍नुङ। मारदे हना गे आं पर्बम थमा लोव़ मपनी। तन्‍न आं गेय पाइब अय्‍युबमी आं पर्बम थमा लोव़ पाप्‍तु।

भजन संग्रह 32:6

मोपतीके इन कली टीब मुर नेल्‍लेम श्‍येत जशा, इन कली लोव़ पाइनीम। मिनु ब्‍वाक्‍कु बारशा जाक्‍त हना यो, मेको आन बाक्‍तीके मजाक्‍दीप्‍ब।

भजन संग्रह 61:5

परमप्रभु, गे आं कसम जशो नेंतीनी। गे इन नें कली मान पा हिंब आन कली गेशो खोदेंशो पा, आं कली यो गेतीनी।

भजन संग्रह 71:16

परमप्रभु, गो इन सक्ति पाइश्‍शो गेय आ पर्बम शेंना शेंन गाक्‍नुङ। मिनु इन ठीक पतीके आ पर्बम इन कली ठेयब सेल्‍नुङ।

भजन संग्रह 71:19

मिनु इन ठीक पतीके ठेयब दुम्‍शा, इर सरीङ थीब। गे थम ठेयब गेय पाइतीनी। परमप्रभु, इन खोदेंशो अरु सु बाक्‍नीमी ङा?

यसैया 17:12

आबी, शुश रागी ङा मुर आन रेयके, समुन्‍द्र ङा ब्‍वाक्‍कु खोदेंशो पा नेंसीब। आबी, रागी रागी ङा मुर आन ग्रीशो बारशो खोला आ रेयके खोदेंशो बाक्‍ब।

यसैया 26:2

मेको सहर ङा गारो ङा लाप्‍चो रोक्‍कीन। ठीक पाइब नु परमप्रभु यावे कली थमा सुइक्‍चा मप्रोंइब ओव़ने चाप्‍मेक्‍ल। भजन संग्रह ११८:२०

यसैया 29:8

दोदेंशो पा शोव़लु बेक्‍शो मुर आन ङोमुम जशो ताइनीमी, मिनु सेंसीमानु शोव़लुम बाक्‍नीमी। दोदेंशो पा तूतू दाक्‍ब मुरुमी ङोमुम तूशो ताइनीमी, मिनु सेंसीमानु आन लाक्‍चा सोव़शो बाक्‍बा, मोदेंशो पा सियोन डांडा नु लडाइ पाइब रागी रागी ङा मुरपुकी दुम्‍नीम।

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

यसैया 40:2

यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८

यसैया 41:11

गे नु गाइक्‍ब नेल्‍ल मुने दोक्‍शा, शिशी मताइ‍नीम। इ जोरी सत्रु नेल्‍ल फश खोदेंशो दुम्‍शा, जाम्‍शा लाइनीम।

यसैया 46:13

आं पाप रे प्रोंइतीक चाक्‍नुङ, मेको ङोन मबाक्‍ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्‍नुङ। इस्राएल कली आं छेङछेङ गेनुङ” देंत।

यसैया 50:8

“गे रिम्‍शो पाइब बाक्‍नेवे” देंब आं नेक्‍था बाक्‍ब। गो नु सु लडाइ पाइबा? कालेमी बोक्‍शा राप्‍य। दोस गेब, सु बाक्‍मा? मेको आं ङोंइती जाक्‍मल। रोमी ८:३३

यसैया 50:9

परमप्रभु, परमप्रभु यावेमी आं कली वारच पाइब। आं कली दोस गेब, सु बाक्‍नीमी? मेको नेल्‍ले फेक्‍शो वा खोदेंशो पा माइत दुम्‍नीम। मिनु तुम्‍बुम मेको कली नेक्‍‍नीम।

यसैया 51:5

गो आं ठीक पतीके रीब पा चाक्‍नुङ। गो ग्राचा चिक्‍शो बाक्‍नुङ। मिनु गो जात जात ङा मुर आन कली निसाफ पाइनुङ। समुन्‍द्र आ नेक्‍था बाक्‍ब मुरपुकीम आं लां कोव़नीम। आं वारच पतीके रिम्‍नीम। यसैया ४२:४

यसैया 54:15

मिनु “सुइ इ कली श्‍येत गेचा कली खुम्‍साक्‍म हना, आं पशो ममाइ। सुमी इ कली लडाइ तोइबा, मेको इ पर्बम साइक्‍चा पुंइसीनीम।

यसैया 54:16

कोव़ङीन, गो तुप्‍तीलपुकी सेल्‍तामी। मेकोपुकीमी मी मुइश्‍शा, लडाइ पचा कली या सेल्‍नीम। गो खतम सेल्‍चा कली खतम सेल्‍ब कली यो सेल्‍ता। गो मारेइ मारेइ खतम सेल्‍ब आन कली यो सेल्‍तामी। २सामुएल २४:१६

यसैया 58:14

गेपुकी परमप्रभु यावे कली मिम्‍शा ग्‍येरसीनी वा। मिनु गो इन माल्‍शो नेल्‍ल गेन्‍नी वा। मिनु गो इन किकी याकूब आ शोंप जचा गेनन्‍नी वा” दे परमप्रभु यावे आ देंशो बाक्‍ब।

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

यसैया 61:10

गो परमप्रभु यावे कली मिम्‍शा, ग्‍येरसीनुङ। आं थुं नेल्‍लेमी आं परमप्रभु कली मान पाइनुङ। मारदे हना मेकोमी आं कली पाप रे प्रोंइतीके वा खोदेंशो पा फेक्‍पाइश्‍शा, ठीक पतीकेमी सुम्‍ती। दोदेंशो पा ग्‍युम्‍लेम माहुर चुइक्‍सीबा नु ग्‍युम्‍लीम ग्‍योम्‍सीबा, मोदेंशो पा परमप्रभु यावेमी आं कली ग्‍योम्‍ताक्‍यी। मत्ती २२:११-१२

येरमीया 23:6

मेकोम सासन पवा ना यहूदा श्‍येत रे प्रोंइचा पुंइसीब। मिनु इस्राएल मारेइ मदुम्‍थु बाक्‍ब। मेको आ नेंम मेकोपुकी तुइक्‍चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्‍ब’ देंनीम” देंत। ब्‍यवस्‍था ३३:२८; येरमीया ३३:१६; यसैया ४५:२४

दानीएल 3:26

मिनु पिप नेबुकदनेसर मेको ठेयब मी ब्रतीके आ लाप्‍चो आ नेक्‍था लशा, मेकोमी “शद्रक, मेशक नु अबेद-नेगो नेल्‍ल क्‍येङा ठेयब परमप्रभु आ मुर ग्रूशा, एक पिन” दे ब्रेत्‍ताक्‍मी। मिनु शद्रक, मेशक नु अबेद-नेगो मेको मी रे ग्रूतेक्‍म।

दानीएल 6:20

मिनु गुप्‍स आन बाक्‍तीके आ नेक्‍था जाक्‍दीश्‍शा, शुश हिंशा दानीएल कली “दानीएल, ब्रोंइशा बाक्‍ब परमप्रभु आ गेय पाइब, इ गेना हना यो ठेयब सेल्‍ना सेल्‍न बाक्‍शो परमप्रभुमी इ कली गुप्‍स रे प्रोना?” दे हिल्‍लो पा ब्रेत्‍ताक्‍व। दानीएल ३:१७

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

रोमी 10:4

येसु ख्रीस्‍तमी परमप्रभु यावे आ अरेशो लोव़ खाप्‍‍ने थुम्‍तु। मिनु येसु ख्रीस्‍त कली थमा सुइक्‍बपुकी ठीक दुम्‍शो बाक्‍नीम। मत्ती ५:१७; हिब्रू ८:१३; यूहन्‍ना ३:१८; गलाती ३:२४-२५

रोमी 3:22

परमप्रभु यावे आ ठीक पतीके येसु ख्रीस्‍त कली थमा सुइक्‍ब नेल्‍ल आन कली बाक्‍ब। यहूदी बाक्‍तेक्‍म हना यो, अर्को रागी ङा मुर बाक्‍तेक्‍म हना यो, नेल्‍ल कान बाक्‍नीम। फिलिप्‍पी ३:९

रोमी 8:1

येसु ख्रीस्‍तमी बाक्‍ब आन कली सजाइ मबाक्‍ब। रोमी ३३:३४

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

फिलिप्‍पी 3:9

मोपा आ मुर दुम्‍शा, परमप्रभु यावे आ अरेशो लोव़ ङा आंम ठीक पतीके मबाक्‍थु, ख्रीस्‍त कली थमा सुइक्‍तीकेमी ठीक दुम्‍तीके बाक्‍ब। मेको ठीक दुम्‍तीके परमप्रभु यावेमी गेशो थमा सुइक्‍तीके रे ला बाक्‍ब। रोमी ३:२२

यहोसु 24:10

तन्‍न गो बालाम आ लोव़ मनेनु। मोपतीके मेकोमी इन कली आसीक गेस ङा गेस पाप्‍तु। मिनु गो इन कली बालाम आ गुइ रे पा प्रोंइता। गन्‍ती २३:११,२०

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

प्रकाश 12:10

मिनु गो सरीङमी ठेयब सेंदा का नेंता। मिनु मेको सेंदामी “मुल थमा सुइक्‍ब आन कली आन पाप रे ब्रोंइतीके जाक्‍ने थुम्‍तु। आंइ परमप्रभु यावे आ सक्ति तांइसाक्‍व नु आ ख्रीस्‍त आ अधिकार जाक्‍त। मारदे हना थमा सुइक्‍ब आन कली दोस गेब रागीमी तोक्‍चा पुंइसाक्‍व। मेकोमी नाक्‍दो नाक्‍त इं परमप्रभु यावे आ ङोंइती आंइ लोक्‍ब आन कली दोस गेशो बाक्‍त। प्रकाश ११:१५

१ सामुएल 23:17

मेकोमी “गे महिनीन। गे आं आफ आ गुइ रे मबेक्‍नीनी। मेकोम इन कली मथिप्‍ब। गे इस्राएल ङा पिप दुम्‍नीनी। गो इन दी ङा दुम्‍नुङ। मेको लोव़ आं आफोम तुइश्‍शो बाक्‍ब” देंमाक्‍त। १सामुएल २०:३०-३१; १सामुएल २४:२१