यसैया 54:13 - Sunuwar Bible

¹³ मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

यसैया 54:13 ပူးပေါင်းရင်းမြစ်များ

भजन संग्रह 119:165

इन अरेशो लोव़ दाक्‍बपुकी थुं नाइश्‍शा बाक्‍चा ताइनीम। मेको आन कली मारेइ श्‍येत मदुम्‍ब।

भजन संग्रह 119:33

परमप्रभु यावे, इन फुल्‍लुम मुशा ब्रेक्‍शो लोव़ शेंदीनी। मिनु गो मेको नोले सम्‍म मप्रोंइनुङ।

भजन संग्रह 147:14

मेकोमी इ सांदमी लडाइ मदुम्‍पाइक्‍ब। मेकोमी इ कली रिम्‍शो चेरबीम रूपाइक्‍ब।

भजन संग्रह 71:17

परमप्रभु, गो ठिटा बाक्‍ङा रेन, गे आं कली शेंताक्‍यीनी। मिनु गो मुल सम्‍म इन छक लाक्‍चा ङा गेय आ पर्बम लोव़ पाइनुङ।

यसैया 11:9

आं डांडामी मारेइ श्‍येत नु खतम दुम्‍तीके मबाक्‍ब। मारदे हना दोदेंशो पा ब्‍वाक्‍कुम समुन्‍द्र ब्रीबा, मोदेंशो पा परमप्रभु यावे कली तुइक्‍तीकेम रागी नेल्‍ल ब्रीब।

यसैया 2:3

रागी रागी ङा शुश मुर जाक्‍शा “जाक्‍कीन, गोपुकी परमप्रभु यावे आ डांडा ङोइश्‍शा, याकूब आ परमप्रभु आ खिं लय। मेकोमी इं कली आ लां शेंब। मिनु गोपुकी मेको आ लांम गाक्‍नय। मारदे हना परमप्रभु यावे आ शेंशो सियोन डांडा रे नु आ लोव़ यरूसलेम रे नेंसीब” देंनीम। ब्‍यवस्‍था ४:६; यूहन्‍ना ४:२२

यसैया 26:3

गे ग्‍येत्‍थ लुक्‍च मदुम्‍ब थुं पाइश्‍शो मुर आन कली थुं नाइक्‍चा गेनीनी। मारदे हना मेकोपुकी इन कली थमा सुइक्‍ब बाक्‍नीम।

यसैया 28:9

मेकोपुकीमी सु आन कली जोक्‍तीक तुइक्‍तीक लोव़ रुप्‍पाइक्‍नीमी? सु कली आन देंशो लोव़ शेंनीमी ङा? मेकोपुकीमी नक दूध प्रोंइशो आल आन कली शेंचा चिक्‍त्‍मे?

यसैया 29:24

मिनु काइ मरुप्‍ब मुरपुकी रुप्‍ब दुम्‍नीम। मिनु गन गन पाइबपुकी परमप्रभु आ शेंतीके लोव़ नेंनीम” देंत।

यसैया 48:18

गेपुकी आं शेंशो टिशो ननी हना, इन सोशा बोशा लतीके ठेयब खोला खोदेंशो दुम वा। इन रिम्‍शो दुम्‍तीके समुन्‍द्र खोदेंशो दुम वा। ब्‍यवस्‍था ५:२९

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

यसैया 54:12

इ खिं रूबीन माइश्‍शो लल हीराम साप्‍नुङ। इ सहर ङा ठेयब लाप्‍चो सिसा खोदेंशो हीराम सेल्‍नुङ। इ कली हिरशो गारो नेल्‍ले हीरा के सेल्‍नुङ” देंत।

यसैया 55:12

मिनु गेपुकी ग्‍येरसीशा लाइनीनी। रिम्‍शो पा लेत्‍नीनी। इन ङोंइती डांडा नु पहाड कुम्‍सो पाइनीम। मिनु ब्‍वाकी ङा रवा नेल्‍लेमी गुइ फ्रोक्‍नीम। यसैया ४४:२३

यसैया 66:12

मारदे हना परमप्रभु यावेमी “गो ठेयब खोला खोदेंशो पा मार मार गेनुङ। मिनु बारशो खोला खोदेंशो पा रागी रागी ङा मुर आन शोंप गेनुङ। मिनु गे जाइनीनी। गेपुकी मुप्‍शा, कुरचा पुंइसीनीनी। थुकुम ग्‍यारपाइक्‍चा पुंइसीनीनी। यसैया ६०:४

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 33:6

गो आं मुर आन कली सापाइक्‍नुङमी। मिनु गो मेको आन कली सापाइश्‍शा, आन माल्‍शो गेशा मारेइ मदुम्‍थु रिम्‍शो पा बाक्‍चा गेनुङमी। येरमीया ३०:१७

इजीकीएल 34:25

मेकोमी “गो मेकोपुकी नु थुं नाइश्‍शा बाक्‍तीक कबल का पाइनुङ। मिनु गो रागी कली ब्‍वाकी ङा जन्‍तु रे प्रोंइनुङ। मिनु मेकोपुकी महिंथु थुं नाइश्‍शा गोरशो रागी नु ब्‍वाकीम इप्‍चा ताइनीम। इजीकीएल ३७:२६; लेवी २६:६; होसे २:२०

इजीकीएल 34:28

मिनु रागी रागी ङा मुरपुकीमी मेको आन कली रोइक्‍ने मचाप्‍‍नीम। ब्‍वाकी ङा जन्‍तुपुकीम यो मेको आन कली मब्‍वाइनीम। मेकोपुकी रिम्‍शो बाक्‍नीमी। मिनु सुइम मेको आन कली महिंपाइक्‍नीम। येरमीया ३०:१०

इजीकीएल 37:26

गो मेकोपुकी नु थुं नाइश्‍शा बाक्‍तीक कबल का पाइनुङ। मेको गेना हना यो लीब कबल बाक्‍ब। गो मेको आन कली आसीक गेशा शुश दुम्‍पाइक्‍नुङमी। मिनु गो मेको आन दातेम गेना हना यो कली आं बाक्‍तीक सेल्‍नुङ। प्रस्‍थान २५:८; इजीकीएल ३४:२५; यसैया ५४:३०

होसे 2:18

गो मेको नाक्‍त मेकोपुकी, ब्‍वाकी ङा जन्‍तुपुकी, सरीङ ङा चिक्‍बपुकी नु खपीम ग्रे‍शा गाक्‍ब जन्‍तुपुकी नु कबल का पाइनुङ। मिनु मेको रागी ङा मुरपुकीमी मेना रे लिब्रा, तरवार नु लडाइ मताइनीम। मिनु मुर नेल्‍ल हेम्‍म पा बाक्‍चा ताइनीम। उत्‍पत्ती ९:९-१०; इजीकीएल ३४:२५

मीका 4:2

मिनु रागी रागी ङा मुरपुकी मेकेर जाक्‍शा, मेकोपुकीमी “जाक्‍कीन। गोपुकी परमप्रभु यावे आ डांडा लय। याकूब आ परमप्रभु आ खिं लय। मेकोम इं कली आ लां कोंइब। मिनु गोपुकी मेको आ लांम गाक्‍ने चाप्‍यल। मारदे हना शेंतीके सियोन रे नु परमप्रभु यावे आ लोव़ यरूसलेम रे ग्रूब” देंत। लूका २४:४७

जकरिया 10:7

मिनु एफ्राइम आ खिं ङा मुर लडाइ पाइब खोदेंशो पा बोल्‍यो दुम्‍नीम। अङगुर शांबु तूशो खोदेंशो पा ग्‍येरसीनीम। आन आलपुकीम मेको तशा शुश ग्‍येरसीनीम। मेकोपुकीमी ‘गो परमप्रभु यावे आ मुर नय’ दे शुश ग्‍येरसीनीम।

मत्ती 16:17

मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

लूका 24:45

मिनु नोले येसुमी परमप्रभु यावे आ ब्रेक्‍पाइश्‍शो लोव़ रुप्‍चा कली रुप्‍तीक थुं गेमी बाक्‍त। लूका ९:४५; यूहन्‍ना १२:१६

यूहन्‍ना 16:33

आं कली मिम्‍शा इन थुं नाइश्‍शा बाक्‍कीन, दे एको लोव़ शेंताक्‍न्‍नी। गेपुकी रागीम बाक्‍शा, श्‍येत जाइनीनी। तन्‍न थुं बारपाइश्‍शा ग्‍येरसीने। गो रागी कली ग्राती” देंत। यूहन्‍ना १४:२७; रोमी ५:१; १यूहन्‍ना ५:४

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

प्रेरित 2:39

मारदे हना परमप्रभु यावे आ गेशो लोव़ इन कली, इन तमी तौ चच युइ आन कली नु ङोन रागीम बाक्‍ब आन कली गेशो बाक्‍त। मिनु परमप्रभु आंइ परमप्रभु यावेमी सु सु कली ब्रेश्‍शो बाक्‍मे, मेको आन कली गेशो बाक्‍त” दे शेंदीमी बाक्‍त। योएल ३:५

रोमी 14:17

परमप्रभु यावे आ राज्‍य जचा तूचा आ पर्बम ममाइ। परमप्रभु यावे आ सोक्‍त रे पा थमा सुइक्‍बपुकीमी रिम्‍शो गेय पशा, दुशा ग्‍येरशा बाक्‍चा आ पर्बम बाक्‍ब। १कोरिन्‍थी ८:८; हिब्रू १३:९

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

रोमी 5:1

मिनु गो थमा सुइश्‍शोमीन ठीक दुम्‍पाइक्‍चा पुंइसीशा, इं प्रभु येसु ख्रीस्‍त रे पा परमप्रभु यावे नु दुशा बाक्‍तीक दुम्‍शो बाक्‍त। रोमी ३:२४,२८; यसैया ५३:५

१ कोरिन्‍थी 2:10

मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

एफिसी 4:21

थमा पा येसु ख्रीस्‍त आ पर्बम लोव़ नेंतीनी। मिनु येसु आ थमा लोव़ तुइश्‍शो बाक्‍तीनी।

फिलिप्‍पी 4:7

परमप्रभु यावे आ गेशो थुं नाइक्‍तीके रुम्‍ने मचाप्‍चा ङा ठेयब बाक्‍ब। मेको थुं नाइक्‍तीके इन थुं नु इन मिम्‍शो ख्रीस्‍त येसु नु बाक्‍ब। यूहन्‍ना १४:२७; कलस्‍सी ३:१५

१ थिस्‍सलोनिकी 4:9

थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। यूहन्‍ना १३:३४; लेवी १९:१८

हिब्रू 8:10

मेको कबल मार बाक्‍ब देंशा हना, गो आं अरेशो लोव़ मेको आन मिम्‍तीकेम वोइश्‍शा, आन थुंम ब्रेक्‍नुङ। मिनु गो मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम।

हिब्रू 8:11

सुइमी आ लोक्‍ब नु आ वारच कली ‘परमप्रभु यावे कली तुइक्‍तीन’ दे शेंमुचा ममाल्‍नीम। मारदे हना आल रे खूशो सम्‍म ङा नेल्‍लेमी आं कली तुइक्‍नीम।

१ यूहन्‍ना 2:20

येसु ख्रीस्‍तमी इन कली परमप्रभु यावे आ सोक्‍त गेप्‍तु। मोपतीके नेल्‍ल तुइक्‍नीनी।

१ यूहन्‍ना 2:27

येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४