यसैया 54:12 - Sunuwar Bible

¹² इ खिं रूबीन माइश्‍शो लल हीराम साप्‍नुङ। इ सहर ङा ठेयब लाप्‍चो सिसा खोदेंशो हीराम सेल्‍नुङ। इ कली हिरशो गारो नेल्‍ले हीरा के सेल्‍नुङ” देंत।

यसैया 54:12 ပူးပေါင်းရင်းမြစ်များ

१ राजा 7:4

मेकेर लहर सां पा झेलपुकी वोइश्‍शो बाक्‍मा बाक्‍त। मेकोपुकी एर ओंथ पा कोव़मुशो बाक्‍मा बाक्‍त।

प्रस्‍थान 28:19

मेको आ नोले ङा लस्‍कर गिगी नु नीलो रङ ब्‍वाइश्‍शो रिम्‍शो टल्‍केशो नीलमनी माइश्‍शो हीरा, गिगी हाकीक माइश्‍शो हीरा नु प्‍याजी रङ ङा कटेला माइश्‍शो हीरा वोइक्‍पाइक्‍चा माल्‍नेवे।

यसैया 49:16

कोव़ङो, गो इ कली आं गुइमी ब्रेक्‍ताक्‍न। इ गारोपुकी गेना हना यो आं ङोंइती बाक्‍नीम।

यसैया 54:11

मिनु लेंशा “गे श्‍येत जाइब, फश गिवारम राप्‍चा पुंइसीशा, थुं बारपाइक्‍चा मपुंइसीशो, गो इ गारो बोल्‍यो सेल्‍नुङ। मिनु इ जग साफीर माइश्‍शो नीलो हीरा के सेल्‍नुङ। प्रकाश २१:१८-२१

यसैया 54:13

मिनु परमप्रभु यावेमी इ तमी तौ नेल्‍ल आन कली शेंब। मेको आन थुं नाइश्‍शा हेम्‍मा पा बाक्‍चा ताइनीम। यूहन्‍ना ६:४५

इजीकीएल 48:31

ठेयब लाप्‍चो आन नें इस्राएल आ थर आन नें खोदेंशो दुम्‍चा माल्‍‍नीम। उत्तर गे ङा गारो ङा ठेयब लाप्‍चो सां, रूबेन आ लाप्‍चो, यहूदा आ लाप्‍चो नु लेवी आ लाप्‍चो दुम्‍नीम।

जकरिया 9:16

मेको नाक्‍ती परमप्रभु यावे, आन परमप्रभुमी मेको आन कली श्‍येत रे प्रोंइब। मारदे हना मेकोपुकी आ बगाल खोदेंशो बाक्‍नीम। मेको सिरपेच ङा हीरा खोदेंशो पा ब्राइनीम। मेकोपुकी परमप्रभु यावे, आन परमप्रभु आ रागीम हीरा खोदेंशो पा ब्राइनी‍म।

प्रकाश 21:12

मिनु मेको सहर दोपा सेल्‍शो बाक्‍त देंशा हना, मेको सहर आ एर ओंथ ठेयब गारो प्रोव़शो बाक्‍त। मिनु मेको गारोमी १२ ओटा ठेयब लाप्‍चोपुकी बाक्‍तेक्‍म। मिनु १२ जना परमप्रभु यावे आ स्‍वर्ग ङा गेय पाइबपुकी मेको लाप्‍चो का कामी बाक्‍शो बाक्‍तेक्‍म। इस्राएल आ १२ जना तौ आन नें नु थर मेको लाप्‍चो का कामी ब्रेक्‍शो बाक्‍तेक्‍म।