यसैया 53:7 - Sunuwar Bible

⁷ मिनु मुरपुकीमी मेको कली दिप्‍शा श्‍येत गेम्‍तेक्‍म। मिनु श्‍येत जशा यो सिक्‍सी पा मारेइ मदें। साइक्‍चा चिक्‍शो पाठा खोदेंशो पा सिक्‍सी पा बाक्‍त। मिनु ऊन ख्रोइक्‍ब आन ङोंइती बाक्‍शो भेडा खोदेंशो पा सिक्‍सी पाप्‍तु। मेको आन कली लोव़ का यो मपव। मर्कूस १४:६५; यूहन्‍ना १:२९; प्रेरित ८:३२

यसैया 53:7 ပူးပေါင်းရင်းမြစ်များ

भजन संग्रह 38:14

गो थमा पा नोफा मनेंब खोदेंशो दुम्‍शा, मारेइ लोव़ मलेत्‍नुङ।

भजन संग्रह 38:15

परमप्रभु यावे, गो इन कली रिम्‍नुङ। गे आं लोव़ लेत्‍नीनी। गे परमप्रभु यावे, आं परमप्रभु बाक्‍नीनी।

भजन संग्रह 44:22

मो हना यो गो इन पर्बम नाक्‍त रे साइक्‍चा पुंइसीनीकी। मिनु क्‍योरचा चिक्‍शो भेडा खोदेंशो पा हिक्‍सीशो बाक्‍नीकी। १कोरिन्‍थी १५:३१; रोमी ८:३६

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 53:6

गो नेल्‍ले भेडा खोदेंशो दुम्‍शा लां साम्‍तक। गो नेल्‍ले आंम आंमा लां खोइक्‍तक। परमप्रभु यावेमी आंइ मरिम्‍शो पशो नेल्‍ले मेको आ तारी वोइक्‍तु। १पत्रुस २:२५; १यूहन्‍ना ३:५

येरमीया 11:19

गो साइक्‍चा कली लाइश्‍शो मारेइ पने मचाप्‍ब पाठा का खोदेंशो बाक्‍ती। मेकोपुकीमी आं पर्बम “एको रवा कली आ फल सुन्‍दा तिम्‍य। एको कली ब्रोंइशा बाक्‍ब आन रागी रे क्‍योरशा ताइक्‍तय। मिनु एको आ नें गेनायो ममिम्‍सेक्‍ल” देंशा मरिम्‍शो पशो गो मतुइक्‍तु। यसैया ५३:७

गन्‍ती 7:27

चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।

मत्ती 26:63

मिनु नेल्‍ल क्‍येङा ठेयब चढ़ेबमी “ब्रोंइशा बाक्‍ब परमप्रभु यावे आ नेंमी हिल्‍लो पाइनन, गे परमप्रभु यावे आ तौ ख्रीस्‍त नवे, दे मनवे?” देंमेनु, मत्ती २७:१२; यूहन्‍ना १०:२४

मर्कूस 14:61

मिनु येसु सिक्‍सी पा बाक्‍शा, लोव़ का यो मलेत्‍ता बाक्‍त। मिनु नेल्‍ल क्‍येङा ठेयब चढ़ेबमी “गे नेल्‍ल क्‍येङा मान ताइब परमप्रभु यावे आ तौ ख्रीस्‍त नवे?” दे हिल्‍लो पवानु,

मर्कूस 15:5

मिनु येसुमी लोव़ का यो मलेत्‍ता बाक्‍त। मिनु पिलातस छक लाक्‍माक्‍त। मर्कूस १४:६१; यसैया ५३:७

लूका 23:9

मिनु हेरोदमी शुश लोव़ हिल्‍लो पवा बाक्‍त। तन्‍न येसुमी लोव़ का यो मलेत्‍ता बाक्‍त।

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

यूहन्‍ना 19:9

मिनु येसु कली लेंशा खिं ओंइशा “गे ते रे जाक्‍शो ननी?” दे हिल्‍लो पाप्‍तु। मिनु येसुमी मारेइ लोव़ मलेत्‍त।

१ पत्रुस 2:23

मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।

प्रकाश 5:6

मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९