यसैया 52:7 - Sunuwar Bible

⁷ डांडा मेरे ग्‍येरपाइक्‍ब लोव़ शेंशा गाक्‍ब आन खोइली शुश रिम्‍शो बाक्‍नीम। मेकोपुकीमी थुं नाइक्‍चा आ पर्बम लोव़ शेंनीम। मेकोपुकी रिम्‍शो लोव़ पाइब बाक्‍नीम। पाप रे प्रोंइतीक शेंनीम। सियोन कली “इ परमप्रभुम सासन पाइब” देंनीम। यसैया ४१:२७; नहुम २:१; रोमी १०:१५

यसैया 52:7 ပူးပေါင်းရင်းမြစ်များ

भजन संग्रह 59:13

मेको आन कली इन गाइक्‍तीकेमी सतीन। गे मेको आन कली रागी रे क्‍याम्‍ताक्‍नी हना, मुर नेल्‍लेमी परमप्रभुमी याकूब कली सासन पाइब, दे तुइक्‍नीम। ठेयब सेंदा पा।

भजन संग्रह 68:11

परमप्रभुमी आ लोव़ नेंपाइक्‍तु। मिनु मेको लोव़ शेंब मीश मुर शुश दुम्‍तेक्‍म। यसैया ५२:७

भजन संग्रह 93:1

परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८

भजन संग्रह 96:10

गे रागी रागी ङा मुर आन दातेमी “परमप्रभु यावे पिप बाक्‍ब” दे शेंदीन। रागी महिम्‍सीचा ङा पा सेल्‍शो बाक्‍ब। मेको मयाक्‍‍सीब। मेकोमी जात जात ङा मुर आन कली कुल मकोव़थु निसाफ पाइब। भजन संग्रह ९३:१

भजन संग्रह 97:1

परमप्रभु यावे पिप बाक्‍ब। रागी ग्‍येरसेक्‍ल। ङोन ङोन ङा रागी ङा मुरपुकी यो ग्‍येरसीमल। भजन संग्रह ९३:१

भजन संग्रह 98:2

परमप्रभु यावेमी आ ग्रातीके कोंइशा, आ श्‍येत रे प्रोंइतीके रागी रागी आन ङोंइती कोंइताक्‍व।

भजन संग्रह 98:3

मेकोमी इस्राएली आन कली आ गेना हना यो दाक्‍तीके नु आ दाक्‍शा मप्रोंइतीके कोंइताक्‍व। रागी नेल्‍ल ङा मुरपुकीमी आंइ परमप्रभुम मेको आन कली श्‍येत रे प्रोंइशो ताम्‍तेक्‍म। यसैया ५२:१०

भजन संग्रह 99:1

परमप्रभु यावे पिप बाक्‍ब। जात जात ङा मुरपुकी ख्रिंख्रि पामेक्‍ल। मेको करूब आन तारी बाक्‍ब। रागीम ख्रिनु कुल। भजन संग्रह ९३:१; भजन संग्रह १८:११

ठेयब कुम्सो 2:8

लो आं दाक्‍शो मुर, आ सेंदा नेनीन। कोव़ङीन, मेको पहाड मेर प्रेक्‍ना प्रेक्‍न, डांडा मेर दोरना दोरन जाक्‍शो बाक्‍ब।

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 40:9

“गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।

यसैया 41:27

मिनु गो ङोंइती सियोन कली शेंताक्‍ङ। गो यरूसलेम कली ग्‍येरपाइक्‍ब लोव़ पाइब का सोइक्‍ताक्‍ङ। यसैया ५२:७

यसैया 42:11

गोरशो रागी नु मेकेर ङा सहर कुम्‍सो पने। केदार आ बाक्‍तीक ङा मुर नेल्‍ले कुम्‍सो पने। सेला ङा मुरपुकी ग्‍येरशा कुम्‍सो पने। डांडा तार रे ठेयब सेंदा पा ग्रीङीन।

मीका 4:7

मिनु खोइल मदुक्‍ब आन कली लीशो मुर आन दातेम वोइक्‍नुङ। खेरचा पुंइसीशो आन कली बोल्‍यो रागी ङा मुर सेल्‍नुङमी। मिनु परमप्रभु यावेमी मेको आन कली सियोन डांडा रे गेना हना यो कली सासन पाइब।

नहुम 1:15

कोव़ङीन, रिम्‍शो लोव़ पाइब का पहाडम गाक्‍ब। मेकोम थुं नाइक्‍तीक लोव़ शेंब। यहूदा ङा मुरपुकी, इन चाड मानेन। इन कसम जशो खपीन। मारदे हना काइ मरिम्‍शो पाइब इन बाक्‍तीकेमी लेंशा मजाक्‍नीम। मेको नेल्‍ल क्‍याम्‍चा पुंइसाक्‍म।

नहुम 2:1

निनवे, इ कली खतम सेल्‍ब जाक्‍शो बाक्‍ब। इ बोल्‍यो दरवार खाल पावो। इ लां रिम्‍शो पा कोव़ङो। इ किप्‍शुर किम्‍सो। इ बोल नेल्‍ल ग्रुंइदो। यसैया ५२:७; नहुम १:११

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

मर्कूस 13:10

मोदेंशो दुम्‍चा क्‍येङा ङोंइती रागी नेल्‍ल ङा मुर आन कली ग्‍येरपाइक्‍ब लोव़ नेंपाइक्‍ने थुम्‍शो दुम्‍चा माल्‍ब। मर्कूस १६:१५

मर्कूस 16:15

मिनु येसुमी आ शेंसीब ११ जना आन कली “रागी नेल्‍ल हिरशा, ग्‍येरपाइक्‍ब लोव़ नेल्‍ल आन कली नेंपतीने। मर्कूस १३:१०; मत्ती २८:१६-२०

लूका 2:10

तन्‍न परमप्रभु यावे आ स्‍वर्ग ङा गेय पाइबमी “महिनीने। गो इन कली नु मुर नेल्‍ल आन कली ग्‍येरपाइक्‍ब लोव़ नेंपाइक्‍थ जाक्‍ती।

लूका 24:47

मिनु यरूसलेम रे पा रागी नेल्‍ल ङा मुर आन कली ‘गे इन थुं परमप्रभु यावे गे लेत्‍चा माल्‍नीनी। मिनु येसु ख्रीस्‍त आ नेंमी पाप क्‍याम्‍चा तांइसीब’ दे नेंपाइक्‍चा माल्‍ब” देंमाक्‍त। प्रेरित २:३८ प्रेरित १७:३०

एफिसी 6:15

परमप्रभु यावे नु दुपाइक्‍ब ग्‍येरपाइक्‍ब लोव़ पा, जुत्ता मुइश्‍शो खोदेंशो पा बाक्‍कीन।

प्रकाश 11:15

मिनु मेको नोले ङा परमप्रभु यावे आ स्‍वर्ग ङा गेय पाइबमी आ तुराही ताप्‍तु। मिनु स्‍वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्‍तमी रागी नेल्‍ल कली सासन पाइब दुम्‍ताक्‍से। मिनु गेना हना यो सासन पना पन बाक्‍नीसी” देंशो नेंता।

प्रकाश 14:6

मिनु स्‍वर्ग आ दातेमी गो परमप्रभु यावे आ स्‍वर्ग ङा गेय पाइब का बेरशो ताता। मेको रागीमी लीशो मुर आन कली गेना हना यो पाप रे प्रोंइब जाक्‍त, दे ग्‍येरपाइक्‍ब लोव़ शेंथ यित। मेको नेल्‍ल रागी ङा, नेल्‍ल जात ङा, नेल्‍ल लोव़ पाइब नु शुश मुर आन कली शेंथ यित।