यसैया 52:6 - Sunuwar Bible

⁶ मोपतीके आं मुर आन कली आं नें तुइक्‍पाइक्‍नुङमी। काबु नाक्‍ती मेकोपुकीमी ‘गो मेको लोव़ पाइब बाक्‍नुङ’ दे तुइक्‍चा माल्‍नीम” देंत।

यसैया 52:6 ပူးပေါင်းရင်းမြစ်များ

भजन संग्रह 48:10

परमप्रभु इन नें नु इन कली ठेयब सेल्‍तीके रागी आ सुर सम्‍म बाक्‍ब। गे इन सक्तिमी ग्राना ग्रान बाक्‍नीनी।

प्रस्‍थान 3:13

मिनु मोसामी परमप्रभु कली “गो इस्राएल जात ङा मुर आन बाक्‍तीके जाक्‍दीश्‍शा, मेको आन कली ‘इन किकी पिपी आन परमप्रभुमी आं कली इन बाक्‍तीके सोइक्‍ताक्‍यी’ देंङानु, मेकोपुकीमी चहिं ‘मेको आ नें मार में?’ दे हिल्‍लो पाइनीम। मेना गो मार देंनुङा?” दे हिल्‍लो पाप्‍तु।

प्रस्‍थान 33:19

मिनु मेकोमी “गो इ ङोंइती रे लाइनुङ, आं गेना हना यो दाक्‍तीक कोंइनन। इ ङोंइती आं नें ‘यावे, देंना देंन गाक्‍नुङ’ सु सु आन कली शिशी पचा दाक्‍ङा, मेको आन कली शिशी पाइनुङ। सु सु आन कली दाक्‍चा दाक्‍ङा, मेको आन कली दाक्‍नुङ” दें‍त। रोमी ९:१५

प्रस्‍थान 6:3

गो अब्राहाम, इसहाक नु याकूब आन ङोंइती ग्रूशो ‘नेल्‍ल क्‍येङा सक्ति पाइश्‍शो परमप्रभु नङ’ दे मेको आन कली तुइक्‍पाइक्‍ताक्‍मी। तन्‍न ‘आं नें यावे बाक्‍ब’ दे मतुइक्‍पदुमी।

यसैया 40:9

“गे ठेयब डांडा ङोंइसीन। सियोन रिम्‍शो लोव़ कुरब बाक्‍ब। ठेयब सेंदा पा शेंदो। यरूसलेम रिम्‍शो लोव़ कुरब बाक्‍ब। महिंथु, ठेयब सेंदा पा शेंदो। यहूदा सहर ङा मुर आन कली ‘इन परमप्रभु एकेर बाक्‍ब’ देनो।

यसैया 42:9

कोव़ङीन, ङोंइती ङा देंशो लोव़ दुम्‍ने थुम्‍तु। गो दुम्‍चा क्‍येङा ङोंइती नक लोव़ शेंनुङ। मेको दुम्‍चा क्‍येङा ङोंइती इन कली तुइक्‍पाइक्‍नुङ” देंत। यसैया ४८:६

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 60:16

गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

इजीकीएल 20:44

ए इस्राएल आ खिं ङा मुरपुकी, गे इन मरिम्‍शो पतीक नु इन हेंथे पशोम ममाइ, तन्‍न आं नें आ पर्बम गो इन कली रिम्‍शो पाइनुङ। मिनु गेपुकीम गोन परमप्रभु यावे नङ, दे तुइक्‍नीनी’ देनो” दे परमप्रभु, परमप्रभु यावेमी देंत।

गन्‍ती 23:19

परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९