यसैया 52:2 - Sunuwar Bible

² यरूसलेम, इ फुरक थुर थुर पांइसो। बोक्‍को। गे ग्‍याइश्‍शा चोक्‍चा पुंइसीशो सियोन आ तमी, इ शुर ङा साङलो प्रुतो” देंत।

यसैया 52:2 ပူးပေါင်းရင်းမြစ်များ

यसैया 10:27

मेना इन कली गेशो श्‍येत नुप्‍ब। मिनु इन शुर ङा जुवा दोक्‍शा जिक्‍ब।

यसैया 14:25

गो अस्‍सुर ङा मुर आन कली आं रागीम साइश्‍शा, आं डांडा दिम्‍पाइक्‍नुङमी। मोपा आं जुवा ग्रुंइनुङ। मिनु आन श्‍येत आन बला रे फेत्‍नुङ।

यसैया 29:4

गे उइ खप रे लोव़ पाइक्‍नेवे। मिनु फुरक रे पा ब्‍वाक्‍नेवे। इ लोव़ फुरक रे नेंसीब। इ सेंदा वोल आन सेंदा खोदेंशो पा खप आगा रे ग्रूब। इ लोव़ फुरक आगा रे पा आइक्‍च सेंदा पा नेंसीब।

यसैया 3:26

सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।

यसैया 49:21

मिनु गे इ थुंमी ‘एको आलपुकी आं कली सुम थिशा गेयी? गो आल मथीब दुम्‍शो बाक्‍ती। आं रागी रे ग्‍याइश्‍शा लाइक्‍चा पुंइसाक्‍यी। सुम मेको आन कली थुल्‍शा कोल्‍पदा? गो दा आं का ला लीशो बाक्‍ती। एको ते रे जाक्‍मा?’ दे मिम्‍नेवे” देंत।

यसैया 51:14

मिनु चोक्‍सीशा गु बाप्‍शो मुर कली रीब पा प्रोंइनीम। मेकोपुकी मबेक्‍नीम। गेना हना यो जचा ताइनीम।

यसैया 51:23

मिनु इ कली श्‍येत गेब आ गुइमी मेको कचौरा गेनुङ। ङोंइती मेकोपुकीमी इ कली लांम बाप्पो। ‘इ तारी गाक्नीक’ देंतेक्‍म। मिनु गे इ ची गाक्‍तीक लां खोदेंशो सेल्‍तीवी” देंत। भजन संग्रह १२९:३

यसैया 60:1

परमप्रभुम “बोक्‍को। मिनु ग्‍येरसो। मारदे हना इ छेङछेङ जाक्‍शो बाक्‍ब। परमप्रभु यावे आ छेङछेङ इ तार जाक्‍शो बाक्‍ब।

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

यसैया 9:4

मेको आन हेल्‍शो जुवा, मेको आन बला ङा भार नु मेको आन कली दिप्‍ब मुर आन कोक्‍के जिक्‍ताक्‍नी। गे मिदयान रागी ङा लडाइम खोदेंशो पा मेको आन कली युक्‍ब आन युक्‍तीके जिक्‍तीनी। भजन संग्रह ८१:७; न्‍यायाधीस ७:१४; न्‍यायाधीस १५:२२

येरमीया 51:45

आं मुरपुकी मेकेर रे ग्रूशा पिने। गे नेल्‍ल ब्रोंइचा कली प्रोक्‍कीन। परमप्रभु यावे आ ठेयब पा गाइश्‍शो रे प्रोक्‍कीन।

येरमीया 51:50

गे तरवार रे ब्रोंइशा प्रोक्‍कीन। देश मपने। ङोन रागीम बाक्‍शा, परमप्रभु यावे कली मिम्‍तीन। यरूसलेम इन थुंम वोतीन” देंत। भजन संग्रह १३७:५

येरमीया 51:6

बेबीलोन आ दाते रे प्रोक्‍कीन। मुर नेल्‍ल आंम आंम गिंम प्रोंइचा कली प्रोक्‍कीन। मेको आ दोसम पतीकेम गे मबेक्‍कीन। मारदे हना मेको परमप्रभु यावे आ क्‍येक्‍क लेत्‍तीक नाक्‍ती बाक्‍ब। मेकोमी मेको कली आ तचा माल्‍शो सजाइ गेब। येरमीया ५०:८; प्रकाश १८:४

इजीकीएल 34:27

मिनु रूम बाक्‍शो रवाम फल सित्‍नीम। खपीम मारेइ मारेइ ग्रेल्‍नीम। मिनु मुरपुकी आंम रूमी रिम्‍शो बाक्‍ने चाप्‍नीम। गो मेको आन जुवा जिक्‍शा, मेको आन कली वाइल सेल्‍ब आन गुइ रे प्रोंइ‍नुङमी। मेना गोन परमप्रभु यावे नङ, दे तुइक्‍नीम।

जकरिया 2:6

परमप्रभु यावेमी “जाक्‍कीन जाक्‍कीन, उत्तर ङा रागी रे प्रोक्‍शा जाक्‍कीन। मारदे हना गो इन कली एर ओंथ ङा फशेमी खोदेंशो पा फ्राता” दे परमप्रभु यावेमी देंत।

जकरिया 2:7

मेकोमी आं कली “आबी, सियोन, गे बेबीलोन ङा मुर आन दाते रे बोक्‍शा, प्रोक्‍कीन।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

लूका 4:18

“परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७

प्रकाश 18:4

मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७