यसैया 52:11 - Sunuwar Bible

¹¹ ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्‍शा, इन कली ठीक सेलीन।

यसैया 52:11 ပူးပေါင်းရင်းမြစ်များ

१ इतिहास 15:12

मिनु मेको आन कली “गे लेवी आन खिं ङा ठेयब मुर ननी। परमप्रभु यावे, इस्राएली आन परमप्रभु आ सन्‍दोस आं ठीक पशो बाक्‍तीके कुइक्‍चा, दे इन कली नु इन खिं खिं ङा मुर आन कली ठीक सेलीन।

प्रस्‍थान 30:19

मेको ब्‍वाक्‍कुमी हारून नु आ तौपुकीमी आन गुइ खोइली चिक्‍सीचा माल्‍नीम।

यसैया 1:16

गेपुकी चिक्‍सीन। ग्रांग्रा मदिशो दुमीन। मिनु आं ङोंइती इन नाक्‍ती किंत किंत ङा मरिम्‍शो पतीके प्रोनीन।

यसैया 48:20

‘बेबीलोन रे ग्रूङीन। कल्‍दी आन रागी रे प्रोक्‍कीन’ दे ठेयब सेंदा पा नेल्‍ल आन कली नेंपतीन। रागी ङा सुर सम्‍म नेंपतीन। गेपुकीमी ‘परमप्रभु यावेमी आ गेय पाइब याकूब कली पाप रे प्रोंइतु’ दे नेंपतीन” देंत। येरमीया ५१:६; प्रकाश १८:४

यसैया 66:20

मिनु इन लोक्‍ब नेल्‍ल आन कली रागी रागी रे परमप्रभु यावे आ ङोंइती चढ़ेशो खोदेंशो पा यरूसलेमम चाक्‍नीम। मेकोपुकी शारा, बग्‍गी, कुरतीके, गधा नु दलओंठम ङोइक्‍पाइश्‍शा, आं योव़शो डांडाम चाक्‍चा पुंइसीनीम। दोपा इस्राएलीपुकीमी आन अन्‍न चढ़ेतीके सफा ग्‍योंबुम परमप्रभु यावे आ खिं चाक्‍नीमी, मोपा मेकोपुकीमी पाइनीम। यसैया ६०:३-७

येरमीया 31:21

लां तुइक्‍तीक चिन्‍ड वोतो। लां कोंइतीक थाम ख्रुक्‍को। गे तेको ठेयब लां रे लाइनेवे, मेको लां रिम्‍शो पा मिम्‍तो। गे कन्‍ने मीश आल इस्राएल, लेतो। इ सहरम ले‍तो।

येरमीया 50:8

बेबीलोन रे प्रोक्‍कीन। कल्‍दी आन रागी प्रोनीन। मिनु क्‍यारश भेडा आन कली लां कोंइब बोका खोदेंशो दुमीन। येरमीया ५१:६; यसैया ४८:२०

येरमीया 51:45

आं मुरपुकी मेकेर रे ग्रूशा पिने। गे नेल्‍ल ब्रोंइचा कली प्रोक्‍कीन। परमप्रभु यावे आ ठेयब पा गाइश्‍शो रे प्रोक्‍कीन।

येरमीया 51:6

बेबीलोन आ दाते रे प्रोक्‍कीन। मुर नेल्‍ल आंम आंम गिंम प्रोंइचा कली प्रोक्‍कीन। मेको आ दोसम पतीकेम गे मबेक्‍कीन। मारदे हना मेको परमप्रभु यावे आ क्‍येक्‍क लेत्‍तीक नाक्‍ती बाक्‍ब। मेकोमी मेको कली आ तचा माल्‍शो सजाइ गेब। येरमीया ५०:८; प्रकाश १८:४

इजीकीएल 44:23

मेकोपुकीम आं मुर आन कली आं मार मार नु मुर आन मार मार खाल का ङा मबाक्‍नीम, दे शेंचा माल्‍नीम। मिनु मेको आन कली ग्रांग्रा दिशो नु मदिशो थोव़क खाल का ङा मबाक्‍नीम, दे कोंइचा माल्‍नीम। इजीकीएल २२:२६; लेवी १०:१०

लेवी 10:3

मिनु मोसामी हारून कली “परमप्रभु यावेमी देंशो ‘आं नेक्‍था बाक्‍ब आन कली गो नेल्‍ल क्‍येङा ठेयब बाक्‍नुङ’ दे कोंइनुङ। मिनु नेल्‍ल मुर आन ङोंइती गो ठेयब सेल्‍चा पुंइसीनुङ” देंत। मिनु हारून सिक्‍सी पा बाक्‍त।

लेवी 11:45

गो परमप्रभु यावे, इन कली इजीप्‍त रागी रे ग्रुंइशा एक चाक्‍ब, इन परमप्रभु नङ। मोपतीके गेपुकी ग्रांग्रा दिशो रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ’ देनो” देंत।

लेवी 11:47

मिनु ग्रांग्रा दिशो नु ग्रांग्रा मदिशो, ब्‍वचा दुम्‍ब नु मदुम्‍ब जन्‍तु आन पर्बम तिलीन।

लेवी 21:6

इन परमप्रभु कली ला गेय पाइब दुमीन। इन परमप्रभु आ नें ग्रांग्रा दिशो सेल्‍ब मदुम्‍नीम। मारदे हना गेपुकीमी परमप्रभु यावे कली मीम चोशा चढ़ेतीके चढ़ेनीनी। मोपतीके गेपुकी परमप्रभु कली ला गेय पाइब बाक्‍नीनी।

जकरिया 2:10

सियोन आ तमी, ग्‍येरशा सोम्‍शा कुम्‍सो पावो। मारदे हना गो इन दा‍तेमी बाक्‍थ जाक्‍नुङ।

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

गन्‍ती 16:26

मिनु मेकोम नेल्‍ल मुर आन कली “मेको मरिम्‍शो मुर आन ताम्‍बु रे दिल्‍शा बाक्‍कीन। मेको आन के मारेइ मथिने। मो मपाइतीनी हना, मेको आन पापमी पतीके गेपुकी यो साइक्‍चा पुंइसीनीनी” दे माइक्‍तीमी।

गन्‍ती 19:11

मिनु सुमी बेक्‍शो मुर कली थीबा, मेको ७ नाक्‍त सम्‍म ग्रांग्रा दिशोन बाक्‍ब।

गन्‍ती 19:16

मिनु सुमी लांम तरवारम साइक्‍चा पुंइसीशो मुर बाक्‍त हना यो, आंमा बेक्‍शो मुर बाक्‍त हना यो, मुर आ रुश बाक्‍त हना यो, मेको थीब मुर ७ नाक्‍त सम्‍म ग्रांग्रा दिशो दुम्‍ब।

गन्‍ती 8:6

“इस्राएली आन दाते रे लेवी आन कली चाक्‍शा, मेको आन कली चोव़खो सेल्‍मी।

प्रेरित 10:14

मिनु पत्रुसमी “हत्‍तेरी ओदेंशो ग्रांग्रा दिचा ङा दोपा ब्‍वचा नमी ङा, प्रभु? ओदेंशो ग्रांग्रा दिचा ङा गो गेनायो मब्‍वशो नङ” देंमाक्‍त। लेवी ११:-; इजीकीएल ४:१४

प्रेरित 10:28

मिनु पत्रुसमी मेको देल्‍शा बाक्‍ब आन कली “गो आंइ यहूदी अर्को रागी ङा मुरपुकी नु काथा बाक्‍चा, जचा, आन खिं ओव़चा मदुम्‍ब, दे नेल्‍लेमी तुइक्‍नीनी। मोदेंशो बाक्‍त हना यो, परमप्रभु यावेमी आं कली सुइ आन कली आइक्‍च ममिम्‍चा, दे शेंताक्‍यी।

रोमी 14:14

गो प्रभु येसु आ मुर दुम्‍शा, मारेइ मारेइ जचा थोव़क रिम्‍शो बाक्‍ब, दे शेंसाक्‍ङ। तन्‍न सुमी ग्रांग्रा दिशो मिम्‍बा, मेको कली ग्रांग्रा दिशोन दुम्‍ब। मत्ती १५:११; प्रेरित १०:१५; तीतस १:१५

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

१ पत्रुस 2:11

आं दाक्‍शो लोक्‍बपुकी, गो इन कली इन थुं बारपाइक्‍तीक लोव़ पाइनुङ। गो रागीम बाक्‍यानु, रागी ङा पौना खोदेंशो बाक्‍नय। मोपतीके इन दला दाक्‍स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्‍कीन। मारदे हना मोदेंशो गेय इन थमा सुइक्‍तीक थुं नु जीब। भजन संग्रह ३९:१३

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

प्रकाश 18:4

मिनु नोले स्‍वर्ग रे अर्को सेंदा का नेंता। मेको सेंदामी “आं मुरपुकी, मेको सहर रे ग्रूशा पिने। मेकेर रे मग्रूतीनी हना, गे मेकोपुकी खोदेंशो मरिम्‍शो पाइनीनी। मोपा मरिम्‍शो पाइतीनी हना, मेको खोदेंशो पा सजाइ ताइनीनी। यसैया ४८:२०; येरमीया ५०:८; येरमीया ५१:६,४५; २कोरिन्‍थी ६:१७