यसैया 51:7 - Sunuwar Bible

⁷ गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 51:7 ပူးပေါင်းရင်းမြစ်များ

भजन संग्रह 37:31

आन परमप्रभु आ अरेशो लोव़ मेको आन थुंमी बाक्‍ब। मिनु हेंथे मपथु, परमप्रभु आ लांम गाक्‍नीम।

भजन संग्रह 40:8

परमप्रभु, गो इन दाक्‍शो पशोमी आं कली ग्‍येरपाइक्‍ब। इन अरेशो लोव़ आं थुंम बाक्‍ब।

यसैया 25:8

मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७

यसैया 33:22

मारदे हना परमप्रभु यावे आंइ कली निसाफ पाइब बाक्‍ब। परमप्रभु यावे आंइ कली सासन पाइब बाक्‍ब। परमप्रभु यावे आंइ पिप बाक्‍ब। मेकोमी आंइ कली श्‍येत रे प्रोंइब।

यसैया 37:6

यसैयामी मेको आन कली “गेपुकीमी पिप कली ‘परमप्रभु यावेम इन कली मार देंशो बाक्‍ब देंशा हना, इन नेंशो अस्‍सुर ङा पिप आ मुरुमी आं कली शुक्‍शी पशो लोव़ आ पर्बम महिनीन।

यसैया 51:1

परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८

यसैया 54:4

गे महिनो। मारदे हना गे मुने मदोक्‍नेवे। इ थुं लुक्‍च लचा मगेवो। गे शिशी ताइनेवे। गे इ ठिटी बाक्‍ङे ना ङा मुने प्रेंनेवे। इ वोंइश बेक्‍शो ना ङा श्‍येत लेंशा ममिम्‍नेवे। भजन संग्रह २५:७; येरमीया ५१:५

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८

मत्ती 10:28

इन रां कली साइक्‍ने चाप्‍ब। तन्‍न इन सोक्‍ती कली साइक्‍ने मचाप्‍बपुकी आन कली तशा महिनीन। रां नु सोक्‍त निम्‍फा नरकमी खतम पने चाप्‍ब कली तशा चहिं हिनीन। हिब्रू १०:३१; याकूब ४:१२

मत्ती 5:11

आं पर्बम मुरपुकीमी इन कली हेला पा, खेदा पा, जोल पा, मरिम्‍शो लोव़ पाम्‍तेक्‍म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४

लूका 6:22

मुरुमी इन कली आं पर्बम काइ मदाक्‍थु, खेरशा हेला पामेनु, रागीम जरमेशो आ पर्बम इन कली दिप्‍मेनु, गे शुश ग्‍येरसीन। यूहन्‍ना १५:१८-१९

प्रेरित 5:41

मिनु सोइश्‍शोपुकी ग्‍येरसीशा, मेकेर रे लमा बाक्‍त। मारदे हना “येसु आ नेंमी श्‍येत जचा रिम्‍शो दुम्‍ब” देंमा बाक्‍त। मत्ती ५:१०-१२; १पत्रुस ४:१३

२ कोरिन्‍थी 3:3

गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। प्रस्‍थान २४:१२

ब्‍यवस्‍था 6:6

मिनु गो इन कली मुलाक्‍ती अरेशो लोव़ इन थुंम वोइक्‍चा माल्‍नीनी। ब्‍यवस्‍था ११:१८-२०

फिलिप्‍पी 3:10

आं दाक्‍शो मार बाक्‍त देंशा हना, गो येसु ख्रीस्‍त कली तुइक्‍ने चबुल। आ सेंतीक सक्ति गो नु बाक्‍ल। दोपा श्‍येत जशा, साइक्‍चा पुंइसीशो बाक्‍मे, मोपा गो यो मोदेंशो दुम्‍ङल। रोमी ६:३-५; रोमी ८:१७; गलाती ६:१७

फिलिप्‍पी 3:8

थमा पा, गो आं ङोंइती ङा पशो जाम्‍शा लाइब बाक्‍ब, दे तुइक्‍ताक्‍ङ। मारदे हना आं प्रभु येसु ख्रीस्‍त कली तुइक्‍चा नेल्‍ल क्‍येङा ठेयब बाक्‍ब। मोपतीके मेको आ पर्बम आं पशो नेल्‍ल ताइश्‍शा, ग्रांग्रा दिचा ङा बाक्‍ब, दे तुइक्‍ताक्‍ङ। मारदे हना गो ख्रीस्‍त नु बाक्‍ब मुर दुम्‍ती।

हिब्रू 10:16

मेकोमी “नोले मेकोपुकी नु नक कबल का सेल्‍नुङ। आं लोव़ मेको आन कली आन कोव़जम वोइक्‍पाइश्‍शा, आन थुंमी ब्रेक्‍शा गेनायो मप्रेंब सेल्‍नुङमी। हिब्रू ८:१०

१ पत्रुस 4:14

ख्रीस्‍त आ नेंमी श्‍येत जाइतीनी हना, आसीक ताइब दुम्‍‍नीनी। मारदे हना छेङछेङ ङा परमप्रभु यावे आ सोक्‍त गे नु बाक्‍ब। मत्ती ५:११; एफिसी १:१३

१ पत्रुस 4:4

गे चहिं मुल मेको आन पशो खोदेंशो मपाइनीनी। मोपतीके मेकोपुकी छक लाक्‍नीम। मिनु इन पर्बम शुक्‍शी पाइनीम।