यसैया 51:22 - Sunuwar Bible

²² परमप्रभु यावे, इ होव़प दुम्‍शा परमप्रभुमी “गो आं मुर आन कली वारच पाइब बाक्‍नुङ। गो इ दिङ दाङ गोल्‍पाइक्‍ब कचौरा इ गुइ रे लाइक्‍ता। मुल रे गे आं गाइक्‍तीक कचौरा लेंशा तूचा ममाल्‍नेवे।

यसैया 51:22 ပူးပေါင်းရင်းမြစ်များ

भजन संग्रह 35:1

परमप्रभु यावे, आं कली जिचा तोइब आन कली जिचा तोने। आं कली लडाइ तोइब आन कली लडाइ तोने।

भजन संग्रह 60:3

परमप्रभु, गे इन मुर आन कली ठेयब श्‍येत जपाइक्‍तीनी। गे आंइ कली दिङ दाङ गोल्‍ब तूचा थोव़क तूपाइक्‍तीनी। भजन संग्रह ७५:९

हितोपदेस 22:23

मारदे हना परमप्रभु यावेमी मेको आन कली वारच पाइब। मेकोमी मेको रोइक्‍ब आन ब्रोंइतीक रोइक्‍ब।

यसैया 29:9

छक लाक्‍शा कोव़ङीन। मिक्‍च क्रिप्‍शा, मिक्‍च मताइब दुमीन। दुक्‍शो दुमीन। तन्‍न अङगुर शांबुम ममाइ। गोल्‍चा चिक्‍शा गाक्‍कीन, तन्‍न राकसीम ममाइ।

यसैया 3:12

मिनु वोंइश आलपुकीमी आं मुर आन कली दिप्‍नीम। मीश मुरपुकीम मेको आन कली हुकुम पाइनीम। आं मुरपुकी, इन ठेयब मुरपुकीम इन कली दूली लां खोइक्‍पाइश्‍शा, हेंथे गाक्‍पाइक्‍नीम।

यसैया 3:13

परमप्रभु यावेमी निसाफ पचा चिक्‍शो बाक्‍ब। मेकोमी मुर आन कली निसाफ पाइब।

यसैया 49:25

तन्‍न परमप्रभु यावेमी “बोल्‍यो मुर आन ग्‍याइश्‍शो मुरपुकी यो लाइक्‍‍चा पुंइसीनीम। हिंचा ङा पिपम चोक्‍शोपुकी प्रोंइचा पुंइसीनी। गे नु लडाइ पाइबपुकी नु गो लडाइ पाइनुङ। इ आल आन कली गो कोव़शा प्रोंइनुङ। मत्ती १२:२९

यसैया 51:17

यरूसलेम बोक्‍को। परमप्रभु यावे इ पर्बम गाइश्‍शा, श्‍येत तूचा गेप्‍तु। गे दिङ दाङ गोल्‍पाइक्‍ब कचौरा तूशा श्‍येत्‍थ सेल्‍तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९

यसैया 62:8

परमप्रभु यावेमी आ ग्‍युरा गुइ क्‍युक्‍शा, कसम जाप्‍तु। मार कसम जाप्‍तु देंशा हना “मुल रे गो इ अन्‍न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्‍येत पाप्‍तीवी। यसैया ६५:२१-२२

येरमीया 25:15

मिनु परमप्रभु यावे, इस्राएली आन परमप्रभुमी आं कली “आं गुइ रे आं गाइश्‍शोमी ब्रीशो अङगुर शांबु बाक्‍शो कचौरा ताक्‍को। मिनु इ कली सोइश्‍शो रागी रागी ङा मुर नेल्‍ल आन कली तूपाइक्‍मी। येरमीया ५१:७; यसैया ५१:१७; प्रकाश १४:१०

येरमीया 50:34

मो हना यो मेको आन कली श्‍येत रे प्रोंइब सक्ति पाइश्‍शो बाक्‍ब। मेको आ नें मुर नेल्‍ल आन परमप्रभु यावे बाक्‍ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्‍शो दुम्‍पाइक्‍ने चाप्‍ब। तन्‍न बेबीलोनम बाक्‍ब आन कली चहिं थुं नाइक्‍चा मगेब” दे परमप्रभु यावेमी देंत।

येरमीया 51:36

मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।

बिलाप 3:15

मेकोमी आं थुं खाइक्‍पाइश्‍शा, आं कली कशो तूचा थोव़क तूपाइक्‍ती।

बिलाप 3:58

परमप्रभु गे आं कली वारच पाइक्‍तीनी। मिनु बेक्‍चा रे प्रोंइतीनी।

इजीकीएल 39:29

मुल रे गो आं कुल मेको आन ङोंइती रे गेनायो मख्रुइक्‍नुङ। मारदे हना गो आं सोक्‍त इस्राएल आ खिं ङा मुर आन तार मोइक्‍नुङ” दे परमप्रभु, परमप्रभु यावेमी देंत। इजीकीएल ३६:२६-२७; योएल ३:१

योएल 3:2

मिनु गो रागी रागी ङा मुर नेल्‍ल आन कली खुप्‍शा, येहो-शाफात आ दिंममी चाक्‍नुङमी। मिनु मेकेर मेको आन कली निसाफ पाइनुङ। मारदे हना मेकोपुकीमी आं मुर आन कली रागी रागी ङा मुर आन दातेमी ब्रपाइक्‍तेक्‍म। मिनु आं रागी भाग भाग सेल्‍तेक्‍म।

ओबदिया 1:16

गे दोपा आं डांडाम तूङी, मोपा इ एर ओंथ बाक्‍ब रागी रागी ङा मुरुम गेना हना यो तूनीम। मिनु गेनायो मबाक्‍‍शो खोदेंशो दुम्‍नीम। येरमीया २५:१५

मीका 7:9

आं कली निसाफ पा वारच मपवा सम्‍म गो परमप्रभु यावे आ गाइश्‍शो फाल्‍चा माल्‍नुङ। मारदे हना गो मेको कली पाप पाता। मेकोमी आं कली आ शिशी तपाइक्‍चा कली छेङछेङम ग्रुंइब। येरमीया १४:७

जकरिया 12:2

“गो यरूसलेम कली आ एर ओंथ रागी ङा मुर आन गाइक्‍तीके सेल्‍चा चिक्‍शो बाक्‍नुङ। मुरपुकीमी यरूसलेम पुम्‍नीम। यहूदा यो श्‍येत जाइब। यसैया ५१:१७; येरमीया २५:१५-२९

मत्ती 20:22

मिनु येसुमी आ तौ आस गे हिरशा “इस पुंइशो मार बाक्‍मे, दे मरुप्‍नीसी। गोमी तूचशो कचौरा तूने चाप्‍नीसी?” देंमेनु “चाप्‍नस्‍कु” देंताक्‍स। मत्ती २६:३९

१ सामुएल 25:39

मिनु दाऊदम नाबाल बेक्‍शो लोव़ नेंशा मेकोमी “परमप्रभु यावे ठेयब बाक्‍ब। मारदे हना मेकोमी आं कली मरिम्‍शो पशो आ पर्बम नाबाल कली सजाइ गेप्‍तु। मिनु आ गेय पाइब, आं कली मरिम्‍शो पतीक रे तेक्‍ती। नाबाल आ मरिम्‍शो पशो आ पियामीन मोइक्‍तु” देंमाक्‍त। मिनु दाऊदमी अबीगेल कली आ मीश सेल्‍चा कली लोव़ पथ मुर सोइक्‍ता बाक्‍त।