यसैया 51:19 - Sunuwar Bible

¹⁹ इ कली श्‍येत निक्‍शी जाक्‍‍ताक्‍स। मेको लां नेल्‍लेम गोल्‍शो बाक्‍नीम। ङोंइती ङा श्‍येत इन सहर प्रेश्‍शा, खतम दुम्‍तीके नु नोले ङा श्‍येत अन्‍काल नु लडाइम, बेक्‍तीके बाक्‍त। सुम इ थुं बारपाइक्‍बा?

यसैया 51:19 ပူးပေါင်းရင်းမြစ်များ

अय्‍युब 2:11

मिनु अय्‍युब आ वारच सांम मेको कली मोदेंशो श्‍येत दुम्‍शो लोव़ नेन्‍मे बाक्‍त। मेको आन नें तेमान ङा एलीफाज, शुआह ङा बिल्‍दाद नु नामा ङा सोफार बाक्‍मा बाक्‍त। मिनु मेकोपुकीम मेको कली लेम्‍चा कली नु मेको आ थुं नाइक्‍पाइक्‍चा कली गारशा आन खिं प्रोंइशा अय्‍युब आ खिंम जाक्‍मा बाक्‍त। उत्‍पत्ती ३६:१५; येरमीया ४९:७; उत्‍पत्ती २५:२; यहोसु १५:४१

अय्‍युब 42:11

मेको नोले अय्‍युब आ लोक्‍ब नेल्‍ले, आ समी नेल्‍ले नु मेको आ ङोंइती ङा तुइश्‍शो मुर नेल्‍ल जाक्‍शा, मेको आ खिंम भोज जामे बाक्‍त। मिनु मेकोपुकीमी अय्‍युब कली “गे परमप्रभु यावे आ गुइ रे शुश श्‍‍येत नु मरिम्‍शो दुम्‍तीके ताइतीनी” दे मेको कली थम रिम्‍शो लोव़ पामे बाक्‍त। मिनु नेल्‍लेम मेको कली सुन के क्‍येट नु सुन के औंठी गेमे बाक्‍त। अय्‍युब १९:१३-१४,१९

भजन संग्रह 69:20

आं कली रिश्‍शा कोव़शो आ पर्बम आं थुं जिक्‍शो बाक्‍ब। मिनु गो मारेइ पने मचाप्‍ब दुम्‍शो बाक्‍ती। आं कली शिशी पाइब ‘सुइ बाक्‍मा कों’ दे कोव़ता, तन्‍न सुइ मबाक्‍म। लेम्‍ब यो सुइ मबाक्‍म।

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

यसैया 14:30

नेल्‍ल क्‍येङा ङोंइती जरमेशो, प्रुङग आन दाते ङा मुरुम जचा ताइनीम। मारेइ मथीब मुरपुकी यो महिंथु बाक्‍ने चाप्‍नीम। तन्‍न इन खिं ङा मुर आन कली अन्‍कालम बेक्‍पाइक्‍‍नुङ। मिनु इन लीशो मुर आन कली साइक्नुङ।

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

यसैया 47:9

वोंइश बेक्‍शो मीश मुर दुम्‍तीके श्‍‍येत नेल्‍ल ताइनेवे। इ आल बेक्‍शो ताइनेवे। नाक्‍ती का, याम कामीन एको श्‍येत निक्‍शी इ कली दुम्‍नीस। शुश मन्‍तर तन्‍तर, ठेयब सक्ति पाइश्‍शो टुना मुना पाप्‍तीवी हना यो, मो दुम्‍शो ताइनेवे।

यसैया 54:11

मिनु लेंशा “गे श्‍येत जाइब, फश गिवारम राप्‍चा पुंइसीशा, थुं बारपाइक्‍चा मपुंइसीशो, गो इ गारो बोल्‍यो सेल्‍नुङ। मिनु इ जग साफीर माइश्‍शो नीलो हीरा के सेल्‍नुङ। प्रकाश २१:१८-२१

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

यसैया 61:2

मिनु आं कली परमप्रभु यावे आ शिशी पाइब बर्स नु आंइ परमप्रभु आ क्‍येक्‍क लेत्‍तीक नाक्‍त नु रोंका पाइब आन थुं बारपाइक्‍तीक नाक्‍त बाक्‍ब, दे तुइक्‍पाइक्‍चा कली यो सोइक्‍ताक्‍यी। लेवी २५:१०,१३; यसैया ६३:४

यसैया 8:21

मेकोपुकी एको रागीम श्‍येत जशा, शोव़लु बेक्‍शा हिरनीम। मिनु शोव़लुमी गाइश्‍शा, ग्‍येत्‍थ गे कोव़शा, आन पिप नु परमप्रभु कली सराप पाइनीम।

यसैया 9:20

मेकोपुकीमी ग्‍युरा गे ङा रोइक्‍ताक्‍म। तन्‍न शोव़लु बेक्‍तेक्‍म। आन पेरा गे ङा ब्‍वाम्‍तेक्‍म। तन्‍न मरूम। मिनु आंम आन खिं ङा मुर आन श्‍ये ब्‍वाम्‍तेक्‍म।

येरमीया 15:5

गे यरूसलेम, सुमी इ कली शिशी पाइबा? इ पर्बम सुम रोंका पाइबा? गे दोदेंशो बाक्‍नी? दे हिल्‍लो पचा कली सु दिक्‍बा?

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

बिलाप 1:12

गे एको लां रे पा लाइब तशा, आन पर्बम मारेइ ममिम्‍नीनी? एर ओंथ नेल्‍ल कोव़ङीन। आं श्‍येत क्‍येङा यो अरु हिंचा ङा श्‍येत बाक्‍बा? परमप्रभु यावेमी आ शुश गाइक्‍तीकेमी आं कली मेको श्‍येत गेती।

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 3:47

शुश हिंचा ङा मरिम्‍शो दुम्‍तीक आंइ तार जाक्‍त।

इजीकीएल 14:15

गो मोदेंशो रागी कली खतम सेल्‍चा कली ब्‍वाकी ङा जन्‍तु सोइक्‍ताक्‍ङमी हना, जन्‍तुपुकीम पतीके मेको रागी रे सुइ एर ओंथ पने मचाप्‍तेक्‍म हना,

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

आमोस 7:2

मिनु मेकोपुकीमी रू ङा घांस नेल्‍ल नेक्‍गमे नोले गो “परमप्रभु यावे माफ गेयीनी। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।

नहुम 3:7

मिनु इ कली ताइब नेल्‍ल इ क्‍येङा हिंशा, नोले शोंइसीनीम। मिनु मेकोपुकीम ‘निनवे खतम दुम्‍त। मेको आ पर्बम सु रोंका पाइबा ङा? गो इ कली लेम्‍ब मुर ते थिन्‍ने चाप्‍नया ङा?’ देंनीम।

२ कोरिन्‍थी 7:13

मोपतीके गो इन कली आं देंशो टिशो तशा, ग्‍येरसाक्‍क। मिनु आंइ थुं नाइक्‍ताक्‍क। गेपुकीमी तीतस कली आ थुं नाइक्‍पाइक्‍तीनी। आ थुं नाइश्‍शो तशा शुश ग्‍येरसाक्‍क।