यसैया 51:1 - Sunuwar Bible

¹ परमप्रभु यावे कली माल्‍ब नु ठीक पचा दाक्‍ब आन कली “आं लोव़ नेनीन। तेको सेरथे फुल्‍लु रे मुचा पुंइसीशो बाक्‍नी नु तेको खप रे दो‍शा ग्रुंइचा पुंइसीनी, मेको कली कोव़ङीन। यसैया ४८:१; ब्‍यवस्‍था ३३:२८

यसैया 51:1 ပူးပေါင်းရင်းမြစ်များ

२ इतिहास 15:2

मिनु मेको आसा कली ग्रुम्‍थ लशा, मेको कली “आसा, यहूदा ङा मुर नु बेन्‍यामीन ङा मुर नेल्‍ले, आं लोव़ नेनीन। परमप्रभु यावे गे नु बाक्‍ब। मेको गे नु बाक्‍ब। गेपुकीम मेको कली माल्‍तीनी हना, गे थित्‍नीनी। तन्‍न गेपुकीमी मेको कली प्रोंइतीनी हना, मेकोमी यो इन कली प्रोंइब।

२ इतिहास 15:4

तन्‍न मेकोपुकीम श्‍येत जामेनु, परमप्रभु यावे, इस्राएली आन परमप्रभु गे लेश्‍शा, माल्‍शा, मेको कली थित्‍तेक्‍म। मिनु मेको आन कली वारच पाप्‍तु। येरमीया २९:१३-१४

भजन संग्रह 24:6

मोदेंशो मुरपुकी परमप्रभु कली माल्‍ब बाक्‍नीम। मिनु “याकूब आ परमप्रभु, इन कुल तचा दाक्‍‍नीक” देंनीम। ठेयब सेंदा पा।

भजन संग्रह 94:15

ठीक मुर लेंशा ठीक पतीके ताइनीम। ब्रेम्‍शो थुं पाइश्‍शो मुर ठीक लां खोइक्‍नीम।

हितोपदेस 15:9

परमप्रभु यावे आ अरेशो मटीब मुर आन लां परमप्रभु यावे कली ग्रांग्रा बाक्‍ब। तन्‍न सुमी ठीक पाइ‍बा, मेको कली दाक्‍ब।

हितोपदेस 21:21

सु मुरुमी ठीक पतीके नु शिशी पतीके आ नोले खोइक्‍बा, मेको ब्रोंइशा, सोशा बोशा दुम्‍शा मान ताइब दुम्‍ब।

यसैया 45:19

गो छिङछिङ ङा रागीमी ख्रुइश्‍शो लोव़ मपङ। गो याकूब आ आल आन कली ‘गे आं कली खल्बलम मालीने’ मदेंङ। गो, परमप्रभु यावेमी थमा नु ठीक लोव़ ला पाइनुङ” देंत। यसैया ४८:१६

यसैया 48:1

मिनु परमप्रभु यावेमी “याकूब आ खिं ङा मुर, नेनीन। इन कली इस्राएल नें वोइश्‍शो बाक्‍ब। गे यहूदा आ चच युइ बाक्‍नीनी। गे परमप्रभु यावे आ नें थिशा, कसम जाइनीनी। गे इस्राएली आन परमप्रभु कली ठेयब सेल्‍खु पाइनीनी। यसैया ५१:१

यसैया 48:12

याकूब आं लोव़ नेनो। आं ब्रेश्‍शो इस्राएल नेनो। “गो, गो नङ। गो नेल्‍ल क्‍येङा ङोंइती नु नेल्‍ल क्‍येङा नोले ङा नङ।

यसैया 51:4

मिनु परमप्रभुमी “आं मुरपुकी, आं लोव़ नेनीन। आं रागी ङा मुरपुकी इन नोफा दाइक्‍तीन। मारदे हना गो आं लोव़ शेंनुङ। आं ठीक निसाफ जात जात ङा मुर आन कली तुइक्‍पाइक्‍नुङ। मेको आन कली छेङछेङ दुम्‍ब।

यसैया 51:7

गे ठीक पतीके तुइक्‍बपुकी आं लोव़ नेनीन। आं शेंशो थुंमी वोइक्‍ब मुर आं लोव़ नेनीन। मुर आन शुक्‍शी पशो नेंशा महिनीन। मेको आन तोक्‍शा पशो लोव़ नेंशा सुर्ता मपने। यसैया मत्ती ५:११

यसैया 55:6

परमप्रभु यावे कली मथिन्‍नी सम्‍म मालीने। मेको आ नेक्‍था बाक्‍मेनु, मेको कली पुनीन। येरमीया २९:१३-१४; आमोस ५:४

यसैया 65:10

मिनु शारोन आं मुर आन क्‍यारश भेडा योव़तीके नु आकोर माइश्‍शो दिंमम बी ब्‍यफ जोपाइक्‍तीके दुम्‍ब। मेको आं कली माल्‍ब आन कली दुम्‍ब। यसैया ३३:९; यहोसु ७:२६

आमोस 5:6

परमप्रभु यावे कली मालीने। मिनु ब्रोंइचा ताइनीनी। मो मपाइतीनी हना, मेको मी खोदेंशो पा गाइश्‍शा योसेफ आ खिंम मी सुइक्‍ब। बेथेल कली खतम पोक्‍ब। मेको मी कली काप्‍ब सुइ मबाक्‍नीम। आमोस ६:१२; यसैया ५:२०

सेफन्‍याह 2:3

गे रागी ङा परमप्रभु यावे आ ङोंइती ठीक पाइब नु ब्रेम्‍शो मुरपुकी परमप्रभु यावे कली मालीन। गे ठीक पाइब नु ब्रेम्‍शो थुं पाइश्‍शो दुम्‍चा मालीन। मिनु परमप्रभु यावेमी आ गाइश्‍शो नाक्‍त इन कली ख्रुइक्‍बा कों? आमोस ५:१५

मत्ती 5:6

ठीक पशो तचा दाक्‍बपुकी आसीक राइनीम। मारदे हना आन दाक्‍शो ताइनीम। लूका १८:९-१४; यूहन्‍ना ६:३५

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

रोमी 10:3

परमप्रभु यावे आ ङोंइती दोपा ठीक दुम्‍चा, मेको मरुबेम। मिनु आंमा गेय पतीकेमी ठीक दुम्‍चा माल्‍तेक्‍म। मोपा परमप्रभु यावे कली थमा सुइक्‍तीके रे ठीक दुम्‍तीक मपामे। रोमी १:१७

रोमी 14:19

मोपतीके दुशा गारशा नु थमा सुइक्‍तीक थुं बारपाइक्‍मुशा बाक्‍य। रोमी १२:१८; रोमी १५:२

फिलिप्‍पी 3:13

आं लोक्‍बपुकी, मुल सम्‍म गो नेल्‍ल मतङ। तन्‍न गो मुल मार पाइनुङ देंशा हना, आं ङोंइती पशो नेल्‍ल प्रेंशा, मुल पचा माल्‍शो मार बाक्‍मे, मेकोन शुश पाइनुङ। लूका ९:६२

१ तिमोथी 6:11

मोपतीके गे परमप्रभु यावे आ मुर दुम्‍शा, मेको नेल्‍ल रे ङोन बाक्‍को। ठीक पतीके, परमप्रभु यावे कली मिम्‍शा दाक्‍चा, थमा सुइक्‍चा, मुर आन कली दाक्‍चा, थमा सुइक्‍चा मप्रोंइचा नु ब्रेम्‍शो दुम्‍चा ला मिम्‍तो। २तिमोथी ३:१७; २तिमोथी २:२२

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२