यसैया 50:6 - Sunuwar Bible

⁶ गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 50:6 ပူးပေါင်းရင်းမြစ်များ

नेहेम्‍याह 13:25

मिनु गो मेकोपुकी नु जि‍शा, सराप पाइश्‍शा, का निक्‍शी आन कली तुप्‍शा, आन चां रोक्‍ताक्‍ङमी। मिनु मेको आन कली परमप्रभु आ नेंमी लोव़ पाइक्‍तामी। “गे इन तमीपुकी मेको आन तौ कली गेतीनी नु आन तमी इन तौ आन कली चाक्‍तीनी हना, आंइ कली खतम दुम्‍पाइक्‍नीनी” देंती। ब्‍‍यवस्‍था ७:३

अय्‍युब 16:10

मुरपुकीम आं कली शुक्‍शी पशो बाक्‍तेक्‍म। मेकोपुकीम आं चोव़चो शुश राप्‍शो बाक्‍तेक्‍म। आं कली मरिम्‍शो पाइक्‍चा कली बुक्‍तेक्‍म।

अय्‍युब 30:10

मेकोपुकीम आं कली ग्रांग्रा दि‍शो मिम्‍‍नीम। आं क्‍येङा ङोन बाक्‍‍नीम। आं कुलुम तोक्‍चा मुने मपाइनीम। अय्‍युब १७:६; मत्ती २६:६७

भजन संग्रह 129:3

ब्‍यफ वाक्‍बपुकीमी आं चीमी वाक्‍ताक्‍म। मिनु आं ची नेल्‍ल चेत्‍तेक्‍म” देंत। यसैया ५१:२३

भजन संग्रह 69:7

गो इन पर्बम शुक्‍शी पाइक्‍चा पुंइसीनुङ। मिनु मुनेमी आं कुल सुम्‍सीशो बाक्‍नुङ। भजन संग्रह ४४:२३

भजन संग्रह 69:8

गो आं लोक्‍ब आन दातेमी मतुइश्‍शो मुर खोदेंशो दुम्‍शो बाक्‍नुङ। गो आं ममा आ तौ आंइ दातेमी अर्को रागी ङा मुर खोदेंशो दुम्‍ती। भजन संग्रह ३८:१२

यसैया 53:5

तन्‍न मेको आंइ हेंथे पतीके आ पर्बम तुप्‍शा गार सेल्‍चा पुंइसाक्‍व। आंइ मरिम्‍शो पशो आ पर्बम साइक्‍चा पुंइसाक्‍व। आंइ कली पाप रे प्रोंइ‍चा कली सजाइ ताप्‍तु। मेको कली तुप्‍शो गारमी गोपुकी सातक। रोमी ४:२५; १पत्रुस २:२४

यसैया 53:7

मिनु मुरपुकीमी मेको कली दिप्‍शा श्‍येत गेम्‍तेक्‍म। मिनु श्‍येत जशा यो सिक्‍सी पा मारेइ मदें। साइक्‍चा चिक्‍शो पाठा खोदेंशो पा सिक्‍सी पा बाक्‍त। मिनु ऊन ख्रोइक्‍ब आन ङोंइती बाक्‍शो भेडा खोदेंशो पा सिक्‍सी पाप्‍तु। मेको आन कली लोव़ का यो मपव। मर्कूस १४:६५; यूहन्‍ना १:२९; प्रेरित ८:३२

बिलाप 3:30

मेको आ चोव़चो राप्‍चा गेशा, शुश शुक्‍शी पाइक्‍चा पुंइसीब दुम्‍ब। मत्ती ५:३९

मीका 5:1

गे गारो हिरशो सहर बाक्‍नेवे। लडाइ पाइबपुकीमी इ कली पुम्‍नीम। मिनु इस्राएल कली सासन पाइब कली कोक्‍केम चोव़चोम तुप्‍नीम। उत्‍पत्ती ३५:१९; मत्ती २:५-६; यूहन्‍ना १:१-२

गन्‍ती 12:14

मिनु परमप्रभु यावेमी मोसा कली “मार, मेको आ आफोमी आ कुलुम तोक्‍शो हना, मेको ७ नाक्‍त सम्‍म मुने मदोक्‍बा ङा? मेको कली ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोतो। मेको नोले ला लेश्‍शा जाक्‍चा गेवो” देंत। गन्‍ती १३:४६

मत्ती 26:67

मिनु साइक्‍चा पुंइसीब देंमानु, का निक्‍शीमी आ कुल तोक्‍तमे बाक्‍त, का निक्‍शीमी तुप्‍मे बाक्‍त, का निक्‍शीमी चोव़चो राप्‍शा यसैया ५०:६

मत्ती 27:26

मिनु बारब्‍बा कली प्रोंइशा सोइक्‍ता बाक्‍त। येसु कली कोर्राम युक्‍पाइश्‍शा शीमी केप्‍शा कांटी थोक्‍शा क्‍याइश्‍शा साइक्‍चा कली आ सिपाही आन गुइमी जिम्‍मा गेमी बाक्‍त।

मत्ती 27:30

मिनु आ कुलम तोक्‍तमे बाक्‍त। मेको किन्‍दा रोइश्‍शा, आ पियामी तेत्‍मे बाक्‍त। यसैया ५०:६

मत्ती 5:39

गो मार देंनुङ देंशा हना, सुइमी इन कली मरिम्‍शो पाम्‍तेक्‍म हना यो, मेको आन कली आन क्‍येक्‍क मलेत्‍तीने। इन ग्‍युरा चोव़चो राप्‍तेक्‍म हना, पेरा यो राप्‍चा गेने। बिलाप ३:३०; यूहन्‍ना १८:२२-२३; रोमी १२:१९,२१; १पत्रुस २:२०-२३

मर्कूस 14:65

मिनु साइक्‍चा माल्‍ब देंशा ङा मिन, का निक्‍शीमी आ कुलम तोक्‍तमे बाक्‍त। का निक्‍शीमी आ मिक्‍च सुम्‍शा, तुप्‍शा “सुमी तुमे? लो देन” दे शुक्‍शी पामे बाक्‍त। मिनु सिपाइ आन गुइमी गेमे बाक्‍त। मेकोपुकीमी तुप्‍ना तुप्‍न लदमे बाक्‍त।

मर्कूस 15:19

मिनु रेक्‍के के कोक्‍केमी आ पिया तेत्‍मे बाक्‍त। आ कुल तोक्‍तमे बाक्‍त। मिनु आ ङोंइती पोक्‍च थेक्‍शा बाप्‍शा, ठेयब सेल्‍खु पामे बाक्‍त।

यूहन्‍ना 18:22

मिनु मो देंमेनु, येसु आ नेक्‍था बाक्‍ब मुरुमी येसु कली चोव़चो राप्‍शा “गे नेल्‍ल क्‍येङा ठेयब चढ़ेब कली मोदेंशो लोव़ पाइनेवे?” दे हुइक्‍ताक्‍व।

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०