यसैया 5:24 - Sunuwar Bible

²⁴ मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।

यसैया 5:24 ပူးပေါင်းရင်းမြစ်များ

२ राजा 19:22

गे सु कली शाक्‍शा शुक्‍शी पवी? गे सुका आ पर्बम ठेयब लेश्‍शा लोव़ पवी? मेको इस्राएली आन का ला बाक्‍शो परमप्रभु यावे आ पर्बम बाक्‍ब।

नेहेम्‍याह 9:26

मेको नेल्‍ल तशा यो इन देंशो मटिथु, ठेयब लेश्‍शा, इन अरेशो लोव़ मटीमे बाक्‍त। इन लोव़ पाइबपुकीमी आन कली ‘गे मरिम्‍शो पाइब बाक्‍नीनी। आं गे लेतीन’ देंमानु, मेको आन कली सदमे बाक्‍त। मिनु मेकोपुकीमी शुश शुक्‍शी पामे बाक्‍त।

अय्‍युब 18:16

मेको आन शाक्‍श खप आगाम सोव़नीम। मिनु आन राशी सोल सुल बेक्‍नीम।

अय्‍युब 8:17

मेको आन शाक्‍शम फुल्‍लु आन कली रुक्‍नीम। मिनु मेको फुल्‍लु आन दातेम बाक्‍नीम।

भजन संग्रह 50:17

गे आं शेंशो लोव़ ग्रांग्रा दीतीनी। मिनु आं लोव़ प्रोंइतीनी।

प्रस्‍थान 15:7

इन जोरी सत्रुमी गे नु लडाइ पामेनु, गे इन ठेयब दुम्‍तीकेमी मेको आन कली ग्रातीनी। मिनु गाइश्‍शा मेको आन कली मीम भूस चोशो खोदेंशो पा थुम्‍पाइक्‍तीनी।

प्रस्‍थान 5:12

मोपा मेकोपुकी इजीप्‍त रागीमी पराल मथित्‍तीके पराल के ठुटा गुप्‍थ ब्रशा गाक्‍मा बाक्‍त।

यसैया 1:31

बोल्‍यो मुर झुलो खोदेंशो दुम्‍ब। मेको आ गेय मी आ झिल्‍का खोदेंशो दुम्‍ब। मेको निम्‍फा कालेमीन ब्रसानु, सुइम मकाप्‍नीम” देंत।

यसैया 1:4

आबी, पापम ब्रीशो रागी, मुरपुकी मरिम्‍शो पतीकेम ब्रीशो बाक्‍नीम। मेको आन आल काइ मरिम्‍शो पाइब दुम्‍तेक्‍म। मेकोपुकी शोर गाक्‍शो बाक्‍नीम। परमप्रभु यावे कली प्रोंइशो बाक्‍नीम। इस्राएली आन का ला बाक्‍शो परमप्रभु आ पर्बम ‘ममाल्‍नीकी’ देंशो बाक्‍नीम। मेकोपुकी नोले शोंइसीशो बाक्‍नीम।

यसैया 24:6

मोपतीके सरापमी रागी कली खतम सेल्‍शो बाक्‍ब। मिनु मेकेर बाक्‍ब आन पापम पतीके श्‍येत जाइ‍नीम। का निक्‍शी ला लीनीम।

यसैया 26:11

परमप्रभु यावे, इन गुइ मेको आन पर्बम क्‍युक्‍शो बाक्‍तीनी हना यो, मेकोपुकीमी मतुइक्‍नीम। गे इन मुर आन कली दाक्‍शो तशा, मेकोपुकी मुने दोक्‍मल। इन जोरी सत्रु आन कली नेक्‍ब मीमी मेको आन कली यो नेक्गल। यसैया ३७:३२

यसैया 30:12

मोपतीके इस्राएली आन का ला बाक्‍शो परमप्रभुम “मारदे हना गेपुकीमी आं देंशो नेंचा मदाक्‍नीनी, मुर आन कली दिप्‍तीके नु दूली पतीके कली ला थमा सुइक्‍नीनी। मिनु मेको पाइनीनी।

यसैया 30:9

मारदे हना एको मुर काइ मटीब बाक्‍नीम। थमा मसुइक्‍ब आल बाक्‍नीम। मेको आलपुकीमी परमप्रभु यावे आ शेंतीक लोव़ नेंचा मदाक्‍नीम।

यसैया 47:14

मेकोपुकी ठुटा दुम्‍नीम। मिनु मीम मेको आन कली नेक्‍ब। आंमा मेको मी रे प्रोंइसीने मचाप्‍‍नीम। मेको मी थेरचा ङा मदुम्‍थु, आ ङोंइती बाक्‍ने मचाप्‍नीम।

यसैया 7:9

एफ्राइम आ पिया सामरीया बाक्‍ब। सामरीया आ पिया रेमाल्‍याह आ तौ बाक्‍ब’ गे थमा मसुइक्‍तीनी हना, थमा पा मलीनीनी” दे परमप्रभु यावेमी देंत। २इतिहास २०:२०

यसैया 8:6

“मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।

यसैया 9:18

परमप्रभु यावे आ अरेशो लोव़ मटीब मी खोदेंशो पा ब्राइब। मिनु मेकोमी चू नु चोंक नेल्‍ल नेक्‍ब। मिनु मेको ब्‍वाकीमी कोक्‍त बुद पा ब्राइब। आ कुन गोस्‍स खोदेंशो पा रोम्‍सीशा सरीङ गे लाइब।

यसैया 9:19

मुर नेल्‍ल आन परमप्रभु यावे आ गाइश्‍शोमी रागी नेल्‍ल ग्रोइश्‍शो बाक्‍ब। मिनु मुरपुकी चोतीक शी खोदेंशो दुम्‍तेक्‍म। सुइम सुइ आन कली वारच मपामे।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

येरमीया 8:9

जोक्‍ब तुइक्‍ब मुरपुकी मुने तोक्‍चा पुंइसीनीम। मेकोपुकी हिंनीम। मेकोपुकी लाइक्‍चा पुंइसीनीम। मारदे हना मेकोपुकी परमप्रभु यावे आ लोव़ मटीनीम। मेको आन जोक्‍तीक तुइक्‍तीक मार बाक्‍म माइ?

इजीकीएल 15:6

मोपतीके परमप्रभु, परमप्रभु यावेमी “दोपा ब्‍वाकी ङा रवा आन दाते ङा अङगुर बोट कली मीम चोचा कली गेङा, मोपा गो यरूसलेम ङा मुर आन कली यो पाइक्‍नुङमी।

होसे 11:9

गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।

होसे 5:12

मिनु गो एफ्राइम ङा मुर आन कली तुम्‍ब नु यहूदा ङा मुर आन कली राक्‍शो खोदेंशो दुम्‍शो बाक्‍नुङ।

होसे 9:16

एफ्राइम आप्‍चा पुंइसीशो बाक्‍ब। मेको आन शाक्‍श सोव़शो बाक्‍ब। मेकोपुकी मसित्‍नीम। मेकोपुकीमी आल थिम्‍तेक्‍म हना यो, गो मेको आन दाक्‍शो आल आन कली साइक्‍नुङ।

योएल 2:5

मेकोपुकी बग्‍गी दोरशो रेयके खोदेंशो पा पहाड तार दोरनीम। मीम आइक्‍च शी दाक्‍शो खोदेंशो पा रेयके पाइनीम। मेकोपुकी सक्ति पाइश्‍शो लडाइ पाइब आन हुलमी लडाइ पचा चिक्‍शो खोदेंशो बाक्‍नीम।

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

आमोस 2:9

गो मेको आन ङोंइती रे एमोरी आन कली साइक्‍ता‍मी। मेकोपुकी लेबानोन ङा लाइश्‍शो रवा खोदेंशो लाइश्‍शो नु बोल्‍यो बाक्‍तेक्‍म। गो मेको आन इर ङा फल नु उइ आगा ङा शाक्‍श नेल्‍ल खतम सेल्‍ता। गन्‍ती २१:२१-२८

नहुम 1:10

आ जोरी सत्रु चूम रेश्‍शो खोदेंशो पा रेश्‍शो बाक्‍नीम। मिनु दुक्‍शो मुर खोदेंशो पा दुक्‍नीम। मिनु सोव़शो नल खोदेंशो पा मीम नेक्‍चा पुंइसीनीम।

मलाकी 4:1

मुर नेल्‍ल आन परमप्रभु यावेमी “आं निसाफ पतीक नाक्‍ती जाक्‍ब। मेको ठेयब मी खोदेंशो पा ब्रशो बाक्‍ब। मेना ठेयब लेश्‍शो नु मरिम्‍शो पाइब नेल्‍ल सोव़शो ठुटा खोदेंशो बाक्‍नीम। मेको नाक्‍ती मीम मेको आन कली नेक्‍ब। मिनु मेको आन शाक्‍श नु राशी यो मलीब।

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

लूका 3:17

लाङगाम हाम्‍शो चेरब हुरशा, भूस नु गेडा तिल्‍चा कली मेको आ गुइमी ग्‍योल बाक्‍ब। गेडा कोठोम कुर पा वोइक्‍ब। भूस चहिं गेनायो मकाप्‍ब मीम हुम्‍ब” दे माइक्‍मी बाक्‍त।

लूका 7:30

फरिसी नु सास्‍त्रीपुकीमी चहिं यूहन्‍ना आ लोव़ नेंशा “ब्‍वाक्‍कुम मख्रुम्‍पांइसीनीकी” दे परमप्रभु यावे कली थमा मसुइक्‍थु बाक्‍मा बाक्‍त। मेकोपुकीमी परमप्रभु आ पावो, दे देंशो लोव़ मपामे बाक्‍त। प्रेरित १३:४६

यूहन्‍ना 12:48

सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

प्रेरित 13:41

‘ए, गे शुक्‍शी पाइबपुकी, छक लाक्‍चा ङा पा पुलु दुम्‍शा लने। मारदे हना गो इन पालामीन गेय का पाइनुङ। तन्‍न गे थमा मसुइक्‍नीनी। मिनु सुइमी इन कली शेंताक्‍म हना यो गे थमा मसुइक्‍नीनी’ ” दे पावलमी शेंदीमी बाक्‍त। हबकुक १:५

ब्‍यवस्‍था 28:24

मिनु परमप्रभु यावेमी इन रागीम रेउ कली फुरक सेल्‍ब। मिनु गेपुकी खतम मदुम्‍नी सम्‍म सरीङ रे मोदेंशो पा फुरक इन तारी यिना यिन बाक्‍ब।

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६

१ सामुएल 15:23

मेको आ देंशो मटिचा लिंक्‍यु कोव़चा खोदेंशो पाप बाक्‍ब। मटिचा हेंथे पतीके मूर्ति पूजा पशो खोदेंशो बाक्‍ब। मारदे हना गे परमप्रभु यावे आ देंशो टिचा प्रोंइतीनी। मेकोम इन कली यो पिप सेल्‍तीक रे प्रोंइशो बाक्‍ब” देंमाक्‍त। १सामुएल १६:१

१ सामुएल 15:26

मिनु सामुएलमी “गो गे नु मलेत्‍नुङ। गे परमप्रभु यावे आ देंशो प्रोंइतीनी। मिनु परमप्रभु यावेमी यो इन कली इस्राएल ङा पिप दुम्‍तीक रे प्रोंइतु” देंमाक्‍त।