यसैया 5:23 - Sunuwar Bible

²³ गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

यसैया 5:23 ပူးပေါင်းရင်းမြစ်များ

१ राजा 21:13

मिनु मेको नोले मेको मरिम्‍शो पाइब मुर निक्‍शी जाक्‍शा, मेको आ ङोंइती निस्‍ससा बाक्‍त। मिनु मेको निक्‍शीमी “नाबोथम परमप्रभु नु पिप कली सराप पशो बाक्‍ब” दे नेल्‍लेम नेंचा ङा पा दोस गेम्‍से बाक्‍त। मिनु मेकोपुकीम मेको कली लाङगा ग्रुंइशा फुल्‍लु आप्‍शा सदमे बाक्‍त।

२ इतिहास 19:7

परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्‍ब निसाफ पाइब बाक्‍ब” देंमाक्‍त। प्रस्‍थान १८:२१; ब्‍यवस्‍था १०:१७; रोमी २:३१

भजन संग्रह 94:21

मेकोपुकीमी ठीक पाइब आन पर्बम दोपा मरिम्‍शो पचा, दे लोव़ गारपाइक्‍नीम। मिनु दोस मताइब आन कली साइक्‍नीम।

हितोपदेस 17:15

सुमी परमप्रभु यावे आ अरेशो मटीब आ पर्बम “ठीक पाइब बाक्‍ब” देंबा, मिनु ठीक पाइब आ पर्बम “ठीक पाइब मबाक्‍ब” देंबा, मेको निम्‍फा आस कली परमप्रभु यावेमी ग्रांग्रा दी‍ब। यसैया ५:२३

हितोपदेस 17:23

परमप्रभु यावे आ अरेशो मटीब मुरुमी निसाफ दूली सेल्‍चा कली ख्रुइश्‍शा घूस जाइब। प्रस्‍थान २३:८

हितोपदेस 24:24

सुमी पाप पाइब कली “गे ठीक पाइब बाक्‍नीनी” देंबा, जात जात ङा मुरपुकीमी मेको कली सराप पाइनीम। रागी रागी ङा मुरपुकी मेको आ पर्बम ग्रांग्रा दीनीम।

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 10:1

आबी, सु सुमी ठीक मदुम्‍शो ऐन कानुन सेल्‍नीमी, मुर आन कली दिप्‍चा ङा अरेशो लोव़ ब्रेक्‍नीमी, यसैया ५:८-२३

यसैया 10:2

क्‍येट मथीब आन कली ठीक निसाफ मपाइ‍नीमी, आन मुर आन दाते ङा प्रुङग आन कली ठीक मपाइनीमी, मेकोपुकीम वोंइश बेक्‍शो मीश मुर आन मार मार योल्‍नीमी, रोम रोइक्‍च आन बाक्‍शो नेल्‍ल रोइक्‍नीम।

यसैया 28:7

चढ़ेब नु परमप्रभु यावे आ लोव़ पाइबपुकी यो अङगुर शांबुम दुक्‍नीम। राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। चढ़ेब नु परमप्रभु यावे आ लोव़ पाइबपुकी राक‍सीम दुक्‍शा गाक्‍नीम। अङगुर शांबुम दुक्‍तीके आन मिम्‍तीके ग्रांग्‍ये माग्‍ये दुम्‍त। मेकोपुकी राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। मेकोपुकीम फश लोव़ ला पाइनीम। मतुइक्‍थु दूली निसाफ पाइनीम।

यसैया 29:21

मेकोपुकीमी मुर आन कली निसाफ पतीकेमी ब्रुपाइक्‍नीम। मिनु ठीक पाइब नु निसाफ पाइब कली ब्‍वारदम रेप्‍पाइक्‍नीम। मारेइ मरिम्‍शो मपाइब कली मोशा दोस गेपाइक्‍नीम। आमोस ५:१०

यसैया 32:7

मोदेंशो मरिम्‍शो पाइब आन गेय मरिम्‍शो बाक्‍ब। परमप्रभु यावे आ अरेशो मटीबम “दोपा आं दाक्‍शो पने चाप्‍नुङा?” दे प्रुङग आन कली जोल पा नु मारेइ मथीबम ठीक लोव़ पाम्‍तेक्‍म हना यो, मेको आन कली खतम सेल्‍नीम।

यसैया 59:15

थमा पतीक तेइ मथिंसीब। रिम्‍शो पाइब आन मारेइ मारेइ रोइक्‍चा पुंइसीनीम। मिनु परमप्रभु यावेमी मेको ताप्‍तु। मिनु ठीक निसाफ मबा, दे थम गाइश्‍शो बाक्‍त।

आमोस 5:12

मारदे हना गो इन शुश मरिम्‍शो पशो तुइक्‍नुङ। गो इन पाप गिश ठेयब बाक्‍बा, मेको तुइक्‍नुङ। गे ठीक पाइब आन कली श्‍येत गेनीनी। घूस ताक्‍नीनी। निसाफ पतीकेमी मारेइ मथीब आन कली नेप्‍शा ग्रुंइनीनी।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मीका 7:3

मेकोपुकी मरिम्‍शो पचा कली जोक्‍ब बाक्‍नीम। आन ठेयब मुर नु निसाफ पाइबपुकीमी घूस जाइ‍नीम। सक्ति पाइश्‍शोपुकीमी मार मिम्‍तमे मेकोन पाइनीम। मोपा ठीक पतीके कली दूली सेल्‍नीम।

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

याकूब 5:6

गेपुकीमी रिम्‍शो गेय पाइब मुर आन कली दोस गेशा साइक्‍तीनी। मेकोपुकीम ब्‍वालेइ पा, मारेइ लोव़ मलेत्‍तेम। याकूब २:६