यसैया 5:17 - Sunuwar Bible

¹⁷ मिनु पाठापुकी आंम रागीम खोदेंशो पा जोइनीम। अर्को रागी ङा मुरपुकीमी शोंप नु लीशो मारेइ मारेइ जाइनीम।

यसैया 5:17 ပူးပေါင်းရင်းမြစ်များ

नेहेम्‍याह 9:37

मेको रागी ङा मारेइ मारेइ रिम्‍शो थोव़की गे आंइ कली हुकुम पपाइक्‍ब पिप आन कली ताइब सेल्‍तीनी। मेको आंइ मरिम्‍शो पतीके आ पर्बम बाक्‍ब। मेकोपुकीमी आंइ कली नु आंइ बी ब्‍यफ नु क्‍यारश भेडा आन कली आन दाक्‍स पा पाइनीमी। मोदेंशो पा गो शुश श्‍येत जशो बाक्‍नीकी” दे एज्रामी परमप्रभु कली लोव़ पाप्‍तु।

भजन संग्रह 119:70

मेको आन थुं थांइशो बाक्‍ब। तन्‍न गो इन अरेशो लोव़ तुइश्‍शा ग्‍येरसीशो बाक्‍नुङ।

भजन संग्रह 17:10

मेको आन थुं खकटा पा, ठेयब लेश्‍शो लोव़ ला पाइनीम।

भजन संग्रह 17:14

परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।

भजन संग्रह 73:7

मेको आन खकटा थुंम मरिम्‍शो पतीके बाक्‍ब। मेको आन थुं ङा मरिम्‍शो पतीके मिम्‍शा, मिम्‍ने मजाप्‍शो बाक्‍ब।

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 10:16

मोपतीके परमप्रभु, मुर नेल्‍ल आन परमप्रभु यावेमी अस्‍सुर ङा दोम्‍शो लडाइ पाइब मुर आन कली बेक्‍तीक रोइ सोइक्‍नुङ। मिनु मेको आन रां चोशो खोदेंशो पा जेश्‍शा नुप्‍ब।

यसैया 17:2

आरोएर ङा सहरपुकी प्रोंइसीशो दुम्‍शा, क्‍यारश भेडा योव़तीके दुम्‍ब। मेको काइ महिक्सीशो नाइक्‍तीक दुम्‍ब।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 65:10

मिनु शारोन आं मुर आन क्‍यारश भेडा योव़तीके नु आकोर माइश्‍शो दिंमम बी ब्‍यफ जोपाइक्‍तीके दुम्‍ब। मेको आं कली माल्‍ब आन कली दुम्‍ब। यसैया ३३:९; यहोसु ७:२६

यसैया 7:25

ङोंइती डांडा ङा दोशा ख्रुम्‍शो रूपुकी मेना चू चोंकम सुम्‍तीके मुरपुकी हिंशा, मेकेर मलाइनीम। बी ब्‍यफ नु क्‍यारश भेडा आन कली दिम्‍पाइक्‍चा कली सोइक्‍नीम।

येरमीया 5:28

मेकोपुकी दोम्‍शा लल जिशो नु शोंप पाइश्‍शो दुम्‍शो बाक्‍नीम। मेको आन परमप्रभु यावे आ अरेशो मटितीके कली तेक्‍तीक मारेइ मबाक्‍ब। मेकोपुकीम रोम रोइक्‍च आन कली रिम्‍शो दुम्‍ल, दे मेको आन कली ठीक निसाफ मगेनीम। मेकोपुकीमी क्‍येट मथीब आन कली वारच पा ठीक निसाफ मपाइनीम। प्रस्‍थान २२:२१; यसैया १:१७

बिलाप 5:2

आंइ थेरशो रू अर्को रागी ङा मुर आन के दुम्‍त। आंइ खिं यो अर्को रागी ङा मुर आन के दुम्‍तेक्‍म।

होसे 4:16

इस्राएलीपुकी मटीब बी खोदेंशो बाक्‍नीम। दोपा परमप्रभु यावेमी भेडा कली योव़शो खोदेंशो पा योव़ने चाक्‍बा?

होसे 8:7

मेकोपुकीमी फश शोक्‍नीम। मिनु ठेयब फश गिवार खुप्‍नीम। मेको आन चेरब बोटमी बाला मबाक्‍नीम। मिनु मेकोपुकीमी फस सेल्‍ने मचाप्‍नीम। आन बाला बाक्‍तेक्‍म हना यो, रागी रागी ङा मुरपुकीमी मेको खुप्‍शा जाइनीम। येरमीया १२:१३

मीका 2:12

परमप्रभुमी “याकूब गो थमा पा नेल्‍ल इन कली खुप्‍शा पुक्‍नन्‍नी। गो इस्राएलम लीशो आन कली थमा पा खुप्‍नुङमी। गो मेको आन कली भेडा बगालम वोइश्‍शो खोदेंशो पा नु योव़तीकेम योव़शो खोदेंशो पा वोइक्‍नुङ। मिनु मेकेर शुश मुर दुम्‍नीम। येरमीया ३१:१०; इजीकीएल ३६:३७; यसैया ५२:१२

सेफन्‍याह 2:14

मेकेर बी ब्‍यफ नु ब्‍वाकी ङा जन्‍तु नेल्‍ल इप्‍नीम। गोरशो रागी ङा बुक्‍स नु ग्रीब बुक्‍सपुकीम मेको आन थाम तारी ग्‍योव़ सेल्‍नीम। बुक्‍स झेल रे पा ग्रीनीम। खदपुकी लाप्‍चोम ग्रीनीम। मिनु दारपाइक्‍चा कली क्‍येप्‍शो शी नेल्‍ल लां रे तांइसीब। यसैया १३:२१; यसैया ३४:११

सेफन्‍याह 2:6

केरेथी आन बाक्‍तीक समुन्‍द्र आ शुंगी ङा रागी बी ब्‍यफ, क्‍यारश भेडा योव़तीके दुम्‍ब। भेडा गोठला आन बाक्‍तीक दुम्‍ब। मेको आन भेडा मेकेर वोइक्‍नीम।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 28:33

इन मतुइश्‍शो मुरपुकीमी इन रू ङा ख्रुम्‍शो जाइनीम। मिनु गेपुकी गेना हना यो श्‍येत जचा नु दिप्‍चा पुंइसीनीनी। न्‍यायाधीस ६:३

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५